VOV4.K’ho - Hìu sơnơm Quân y 211, di Cục Hậu cần, Quân đoàn 3, Bộ Quốc phòng geh crơng gơs nam 1965, tus bal sơm git nđờ rbô nă cau ling kòp tê jê să bơh tiah tam lơh Tây Nguyên dê tàm dơ\ tam lơh dră wơl bol sò tơm Mỹ tơngklàs dà lơgar mờ kơnòl dunia dờng màng tàm Campuchia. Tơnơ\ do ring lơngai, hìu sơnơm Quân y 211 pơnjat tai geh bơcri lơh niam nàng drơng dùl dơ\ le\ 2 kơnòl là sơm kòp kuang bàng, cau ling tàm mpồl ling mờ làng bol tiah đah tô Tây Nguyên in, tus tu\ do neh geh dờp là hìu sơnơm khà 1 tàm Tây Nguyên:

Tàm dùl dơ\ lòt nhơl hìu cau rềp bal, lòt jơng tàm gơl gùng geh uă chi che ru\ rơm, bi Trần Văn Điệp (24 sơnam), ơm tàm [òn Xuân Me, xã Xuân Me, kơnhoàl Chư Prông, càr Gialai gơtìp dùl nơm bơs khih coh tềng ngko jơng. Tơnơ\ hơ\ mơ, jơng bi Điệp dê gơ prồ as, pu\ dà, tềl bơs coh gơ hòr mhàm sùm. Tu\ geh cau tờm hìu nhă jun tus sơm tàm hìu sơnơm Quân y 211, bi Điệp gơtìp gơlik mhàm tềng 2 đah bơ nô, 2 đah tê, gơlik mhàm muh, mhàm sề, lòt đồm kung gơlik mhàm sơl. Tơnơ\ 1 ngai geh ai hùc sơnơm mờ tơmut mhàm geh lơh bơh ală chế phẩm mhàm, bi Điệp neh gơtùi tơn jơh bơta hòr mhàm. 1 poh tơnơ\, bi Điệp neh jơh gơlik mhàm tàm dơlam ndul, pung dà neh kloh jơh mhàm mờ neh sơr lèt gan bơta ngòt rơngơt. Chờ hờp tu\ kòn klau pa geh ală y bác sĩ hìu sơ nơm Quân y 211 dong klàs bơh bơta chơt, mò Vũ Thị Huệ, mè bi Điệp dê đơs: “Roh 3 ngai, kòn a` dê gơlik mhàm uă ngan, dà đồm kòn a` dê mìng dà pơr hê mhàm lơm. 2 ngai do, kòn a` lòt đồm bè ờs wơl. Đơs ngan là mut tàm do geh ală bác sĩ jơh nùs sơm. Tu\ do kòn a` neh kis wơl a` chờ hờp ngan. Kung tài bơh geh ală bác sĩ jơh nùs dong kờl.”

Sơm kòp bal tàm Khoa hồi sức cấp cứu mờ bi Điệp, gam geh ồng Nguyễn Xuân Dũng (60 sơnam) ơm tàm sơnah [òn Tây Sơn, thị xã An Khê, càr Gialai. Ồng Dũng mut tàm hìu sơnơm tàm bơta ờ kah mờ ờ git bơta lơi tai. Tơ nơ\ 17 ngai geh ală y bác sĩ bơh khoa dê lơh ngan sơm kòp, ồng Dũng neh kah wơl, gơtùi sàu sa mờ hời rơ hời neh git wơl. Đơs bè jơnau lam cau tờm sơr lèt gan git nđờ jơt kơi sồ nàng sơm kòp tàm hìu sơ nơm Quân y 211, bi Nguyễn Xuân Tiến, kòn klau ồng Dũng dê pà git: “Să jan bèp a` dê neh hời rơ hời niam wơl. Bơh lùp ală cau kòp lài do, kung bè jòi git bè hìu sơ nơm, den go\ hìu sơnơm geh bơhìan bè sền gròi cau kòp, kung bè chài lơh broă bác sĩ tàm do geh tơl nă cau pin dờn ngan den kung rơwah hìu sơnơm do. Bulah hìu sơnơm ngài, mơya kung jun bèp a` tus ndo nàng sơm nàng geh bơta pràn wơl niam ngan rlau jơh.”

Tu\ do, kờp bal pah ngai, hìu sơnơm Quân y 211 dờp kham mờ sơm rlau 400 nă cau kòp in, khà ngui jơ nơng piam kòp rlau 200%. Bơh bồ nam tus tu\ do, hìu sơnơm neh kham rlau 55 rbô 600 dơ\ mờ sơm rlau 11 rbô dơ\ cau kòp in, reh rlau 5 rbô 500 nă cau kòp. Nàng tơnguh bơta niam kham sơm kòp, pah nam, hìu sơnơm sền gròi tus broă tơnguh mờng chài lơh broă ai mpồl y bác sĩ in, mơkung ngai sơlơ blơi ală phan bơna mai\ mok pa, drơng jơnau kờ` kham sơm kòp tàm tiah đah tô Tây Nguyên. Đại tá, bác sĩ Chuyên khoa 1 Lê Quyết Thắng, atbồ Khoa hồi sức cấp cứu đơs: “Khoa do bè bơta dờng ơnàng mờ phan bơna mai\ mok, bè bơcri lơh niam, gơtùi đơs là dùl tàm ală khoa pa ngan rlau jơh tàm do. Tu\ do neh geh tơl ală phòng kham ờs mờng, phòng cấp cứu hồi sức bal, phòng hồi sức cấp cứu nội khoa, phòng hồi sức cấp cứu ngoại khoa, phòng hồi sức bơ tờp is. Lơh hồi sức den bòl ngan, mơya đơs ngan lơh broă den kung chờ hờp ngan. Geh uă tu\ sơm kòp ală cau tồn lah ờ gơtùi, jroă ngan, mơya tơnơ\ do khi bời, rê bơh hìu sơnơm den go\ gơ lơh chờ hờp ngan.”

Rlau 50 nam crơng gơs mờ bơtàu tơnguh, tus tu\ do, hìu sơnơm Quân y 211 neh geh 200 nơm jơ nờng kòp, mờ 17 khoa mờ mpồl y bác sĩ rlau 300 nă, geh mờng chài lơh broă uă. Nam 2015, hìu sơ nơm Quân y 211 geh dờp là hìu sơnơm khà 1 tàm Tây Nguyên.

Bal mờ 17 khoa gam geh tu\ do, hìu sơnơm Quân y 211 gam lơh ngan rơcang crơng gơs tai 3 khoa sơm kòp pa là Khoa cấp cứu bơh sơn ròp, khoa ung bướu, khoa chạy thận; mơkung ngui mờ uă mai\ mok pa tàm broă sơm kòp. Mờ ală broă lơh ngan bơh mpồl kuang đơng lam bồ, kuang bàng, y bác sĩ, hìu sơnơm Quân y 211 neh geh Đảng mờ dà lơgar pà khà jờng cau ling khin cha jak chài làng bol mờ uă gai lòng kuơ màng ndai. Mờ geh dùl khà jờng ndai kung kuơ màng rlau hơ\ là bơta pin dờn bơh làng bol ală càr Tây Nguyên dê neh dong sòl àng bơhìan “tam klac, khin cha jak chài, jơh nùs, bơceh pa, brồ guh is, khoa học, ngan ngồn” bơh hìu sơnơm dê.

                   Cau cih mờ yal tơnggit K’Duẩn