VOV4.K’ho - Bộ Lao động-Thương binh mờ Xã hội pa geh sră nggal pơyoa tus Thủ tướng Chính phủ nàng dan dong kờl phe sa jơgloh làng bol gơtìp bơh kòp Covid-19 in ai ală càr lơh jăt broă tam cah ngài mpồl bơtiàn.

Tài kòp Covid-19 dơ̆ 4 gơtìp pràn, lơh aniai uă ngan tus mờ rài kis, broă lơh làng bol mờ cau lơh broă, tàm hơ̆ uă ngan là gơwèt mờ ală cau gơtìp tam cah ngài, ơm ing, ơm ờ lơh broă, gơtìp roh broă lơh, roh priă geh... ờ tơl niam rài kis di gơlan gơtìp jơgloh. Mho ngai 18 nhai 8, Bộ Lao động-Thương binh mờ Xã hội neh yal mờ Thủ tướng Chính phủ dong kờl 130 rơbô 175 tấn phe dong kờl jơgloh ai rơlao 8 tơlăk 600 rơbô nă cau tàm 24 càr gơtìp aniai bơh kòp Covid-19. Khà dong kờl ai tơl nă cau là 15 kĭ phe tàm tơngai 1 nhai.

Cau mblàng Ndong Brawl