VOV4.K’ho– Tàm nam do, Mặt trận dà lơgar ală càr Tây Nguyên bal mờ ală mpồl lơh broă geh jơng neh tơrgùm mblàng yal, pơlam lơh jat ală Nghị quyết bơh Đảng, broă lơh, broă rơndap lơh bơh kấp ủy, gơnoar atbồ, mặt trận dà lơgar ală càr Tây Nguyên kung neh hòi jà tă pơgồp geh mờr 56 tơmàn đong tàm kes pria\ tài cau r[ah, bơh hơ\ dong kờl lơh pa mờ lơh niam wơl git nđờ rbô nơm hìu tam klac dờng.

Jat jơnau yal tàm pơrjum, nam do, broă lơh mặt trận bơh cụm tàm pơrlòng ală càr Tây Nguyên dê geh lam lơh gơ jat bal mờ ală jơnau kờ`, kơ nòl broă ngan ngồn, wèt tus gờm chờ pơrjum dờng tàm pơrlòng kờ` gơboh dà lơgar mờ pơrjum dờng Đảng bộ ală kấp. Ală tiah neh tơnguh gơnoar broă bơh ală cau kơ đơng yàng, cau kra [òn, cau geh bơngă pin dờn tàm tiah làng bol kòn cau, pơgồp bal mờ ală kấp, ală gah broă lơh chồl pràn mblàng yal, hòi jà làng bol lơh jat ală broă lơh rơcang sơndră kòp Covid-19.

Bal mờ hơ\, ală srơh, dơ\ lam sồr pơn jat tai geh Mặt trận dà lơgar ală càr Tây Nguyên lam lơh geh cồng nha, gơ jat bal mờ broă lơh tơrmù r[ah kơ\ kơljap, lam lơh ua\ ală broă lơh atbồ is tàm [òn làng bol ơm kis… Tàm nam, 5 càr Tây Nguyên neh hòi jà tă pơgồp geh mờr 56 tơmàn đong ai kes pria\ tài cau r[ah in, bơh hơ\ dong lơh pa mờ lơh niam wơl git nđờ rbô nơm hìu tam klac dờng; dong kờl di tu\ ai làng bol gơtìp kal ke tài bơh trồ tiah lơh aniai, càl rbut dờng, dà ko\ dà cò, dà hang mut aniai; lùp còp, pà phan git nđờ rbô dơ\ hìu bơnhă r[ah, pà pria\ dong kờl bơsram ai kơnòm dềt r[ah bơsram jak in.

Tàm pơrjum, ală kuang bàng neh cribơyai mờng chài, broă lơh niam bơh càr dê tàm broă lơh gơs jơnau kờ` broă lơh dà lơgar bè bơt bơtàu [òn lơgar pa mờ tiah drà gơguh jak, bơt bơtàu ală [òn làng bol ơm kis geh pơn rơ, Ồng Đường Anh Ngữ, Phó Chủ tịch thường trực Ủy ban Mặt trận dà lơgar Việt Nam càr Lâm Đồng pà git: “Mặt trận càr Lâm Đồng đal git, [òn làng bol ơm kis là tiah lơh bal kuơmàng ngan bơh broă lơh mặt trận dê tu\ do. Tơngume tờm bơh broă bơt bơtàu [òn làng bol ơm kis geh pơn rơ, [òn ơm kis lơh lài là kờ` bơt bơtàu mpồl tam klac dờng jơh gùt jơi bơtìan pràn kơldang, kơ\ kơljap tàm [òn làng bol ơm kis mờ pơgồp bơnah bơt bơtàu, lơh gơs, tơnguh ală broă lơh bơt bơtàu [òn lơgar pa mờ tiah drà gơguh jak”.

Mò H'Kim Hoa Byă, Chủ tịch Ủy ban Mặt trận dà lơgar Việt Nam càr Dak Lak đơs tàm pơrjum

Mặt trận dà lơgar ală kấp mờ mpồl lơh broă geh jơng ală càr Tây Nguyên neh hời rơ hời tơnguh cồng nha broă lơh git jơnau tơnggit 2 gah bè broă gơlik geh tàm làng bol, jơnau đơs mpồl bơtìan dê mờ di tu\ yal wơl, sồr ală kấp,a lă gah broă lơh bơsong ală bơta kơp kờ` dipal bơh làng bol dê; sền gròi tơnguh gơ noar broă bơh ală gah jat yàng, cau kơ đơng yàng, cau kra [òn, cau geh bơngă pin dờn geh pơn rơ jak tàm tiah làng bol kòn cau. Bơdìh hơ\ tai, Ủy ban Mặt trận dà lơgar Việt Nam ală càr Tây Nguyên pơgồp bal mờ gơ noar atbồ, mpồl lơh broă geh jơng chồl pràn broă mblàng yal, hòi jà, lam sồr làng bol lơh jat ală broă lơh rơcang sơndră kòp Covid-19; sơlơ yal tơnggit bè broă gơlik geh bơh kòp bơ tờp dê, rơcang lài ală bơta nàng drơng broă lơh rơcang sơndră kòp in.

Bè broă lơh sền gròi, dong kờl cau r[ah mờ ală cau ờ pràn tàm tơngai tus, ală kuang bàng dan dà lơgar tam pà tai pria\ jền nàng lơh hìu tam klac dờng ai ală càr tàm Tây Nguyên in. Mờ H’Kim Hoa Byă, Kuang atbồ Ban Dân vận, Chủ tịch Ủy ban Mặt trận dà lơgar Việt Nam càr Dak Lak pà git, càr sùm git loh broă gơlik geh bơh tơl tiah dê nàng tam pà pria\ jền geh cồng nha: “Mặt trận dà lơgar càr Dak Lak kung neh bal mờ ală gah, ală kấp geh broă hòi jà dong kờl lơh hìu tam klac dờng mờ tam pà khà pria\ hơ\ ai ală tiah in, gơ jat tàm tơl khà. Pơn yơu gơ wèt mờ ală kơnhòal ua\ kal ke, kơnhòal r[ah den khà hìu geh pà pria\ dong kờl ua\ rlau. Gơ wèt mờ ală kơnhòal ờ huan kal ke den geh tam pà krơi rlau mờ ală kơnhòal ua\ kal ke. Gơ wèt mờ ală kơnhòal, thị xã, [òn dờng bơtàu tơnguh rlau den kung tam pà krơi rlau. Bè hơ\ den broă tam pà hìu geh kuơ rlau gơ wèt tus mờ ală hìu bơnhă r[ah tàm càr”.

Ồng Phùng Khánh Tài, Phó Chủ tịch Ủy ban Mặt trận dà lơgar Việt Nam đơs pơn dut pơrjum

Đơs pơn dut pơrjum, Phó Chủ tịch Ủy ban Mặt trận dà lơgar Việt Nam, ồng Phùng Khánh Tài jờng rơ, cih dờp ală cồng nha bơh Mặt trận dà lơgar ală càr Tây Nguyên dê neh lơh geh tàm nam 2020. Mơkung sồr, Ủy ban Mặt trận dà lơgar ală càr Tây Nguyên pal rơ wah ală broă lơh tờm, di mờ kơ nòl broă nàng lam lơh, ờ mìng sơndră kòp Covid-19, mờ gam bơtàu tơnguh lơh sa mờ gàr tơl niam rài kis mpồl bơtìan tail mơkung tơnguh bơta pràn, kơ nòl broă, mờng chài, broă lơh niam tàm broă lơh kòn cau, jat yàng. Mặt trận dà lơgar ală càr Tây Nguyên pal kờp tơrgùm wơl hìu bơnhă r[ah, hìu bơnhă ndrờm bè cau r[ah, tam pà jơnau bơh tài r[ah mờ pal geh broă lơh lơi nàng lik klàs r[ah, pơn jat tai tơnguh bơta pràn bơh mặt trận dê tàm tơl gah, tàm broă lơh sền gròi pal jat jơnau dan tus gùng tus dà. Bơdìh hơ\ tai, mặt trận pal cribơyai, ring bal lơh broă mờ mpồl geh jơng, ờ tàm rơndap rơndồl, tơrgùm ua\ ir broă ai kấp hơ đơm in, lơh [òn làng bol ơm kis bềng ir srơh mờ dơ\ lam sồr. lơh hoàc huơr dà kơl hề mờ tu\ tơngai bơh kấp hơ đơm dê. Ồng Phùng Khánh Tài kung sồr, kấp ủy ală càr Tây Nguyên sền gròi jàu Ban Dân vận in lơh rbàng tơrbo\ bơt bơtàu cơ chế, tam pà broă ngan ngồn ai kấp hơ đơm, kuang bàng in nàng broă lơh mặt trận nam 2021 lơh geh cồng nha niam.

Cau mblàng K’Duẩn