VOV4.K’ho - Geh bơyai lơh tàm 2 ngai bơh ngai 28 tus 29 nhai 11, Pơrjum dờng cau ala măt ală jơi bơtiàn kòn cau càr Dak Lak dơ\ 3 nam 2019 mờ tơngu me “Làng bol ală kòn cau càr Dak Lak tơnguh bơta pràn tam klăc mờ tơnguh bơtàu” neh geh cồng nha niam.

Pơrjum geh sền wơl ală cồng nha geh pơnrơ tàm broă tơnguh bơtàu lơh sa mờ lơh jăt broă dong kờl kòn cau, pơn jờng ală cồng nha neh lơh geh tàm ală gah broă bơh làng bol ală kòn cau tàm broă lơh ngan lơh jăt sră pơyoa bơh pơrjum dờng ală jơi bơtiàn kòn cau dơ\ 2 nam 2014.

Bơh tu\ hơ\, ai go\, pơn jờng mờ dờp broă pơgồp bal bơh làng bol ală kòn cau tàm broă tơn jơh jơgloh tơmù rơ[ah, bơ\t bơtàu [òn lơgar pa, tơnguh bơtàu broă lơh, lơh jăt broă kòn cau, mờ ai go\ ală broă gam ờ pràn, jơnau bơsram broă mờng chài tàm broă lơh jăt broă kòn cau.

Cau ai tơng^t jơnau đơs Việt Nam neh geh dơ\ lùp ồng Lê Ngọc Vinh, Phó kuang atbồ Ban dân tộc càr Dak Lak bè ală cồng nha lơh jăt broă kòn cau tàm càr Dak Lak kung bè ală gùng dà broă lơh bơh càr ai tiah làng bol kòn cau tàm tơngai tus in.

-Ơ ồng, geh bơyai lơh tàm tu\ gùt lơgar gam lơh ngan lơh gơs ală khà broă lơh sa mpồl bơtiàn wèt tus pơrjum dờng Đảng ală cấp, pơrjum dờng jơi bơtiàn kòn cau càr Dak Lak geh ai tơngu me là “Làng bol ală kòn cau càr Dak Lak tơnguh bơta pràn tam klăc mờ tơnguh bơtàu”. Mùl màl, tam klăc sùm là bơta tòm lài ngan kờ` tơnguh bơtàu. Mờ bơta krơi is geh 49 jơi bơtiàn kòn cau ơm kis bal tàm càr Dak Lak, càr neh lơh jăt broă tam klă do bè lơi?

Ồng Lê Ngọc Vinh: Broă bơ\t bơtàu mpồl tam klăc bal gùt jơi bơtiàn kòn cau tàm càr Dak lak sùm dờp geh broă sền gròi bơh tỉnh uỷ, HĐND, UBND mờ kuơ màng là ală gah, mpồl lơh broă, gơnoar atbồ bơh càr tus mờ ală xã. Den tàng gơtùi đơs, mpồl tam klăc ală jơi bơtiàn kòn cau sùm geh gàr niam.

Bơta do, geh ai go\ bơh ală broă pơrlòng kờ` gơboh mờ dà lơgar bè broă bơ\t bơtàu [òn lơgar pa; lơh jăt ală broă kòn cau, kuơ màng là dong kờl bal lơh jăt ală broă tơn jơh jơgloh tơmù rơ[ah, den tàng tàm tơngai do, broă tam klăc ală jơi bơtiàn kòn cau sùm geh lơh, bơta lơngăp lơngai chính trị geh gàr niam.

-Bơh broă tơn jơh jơgloh, tơmù rơ[ah là dùl broă lơh dờng Đảng, Dà lơgar he dê mờ geh sền kuơ lơh jăt tàm tiah làng bol kòn cau. Bè hơ\, càr Dak Lak neh lơh jăt broă do bè lơi ơ ồng?

Ồng Lê Ngọc Vinh: Tu\ do, càr neh lơh geh cồng nha ală broă lơh bơh dà lơgar ai, bè broă lơh 135 bơ\t bơtàu broă lơh tàm ală tiah kal ke; hơ\ sồng broă lơh 755 tu\ do là broă lơh 285 bè broă bơsong ù lơh hìu ơm ai làng bol gơtìp kal ke in.

Bơdìh hơ\ tai, gam geh ală broă bè rài kis broă lơh sa mpồl bơtiàn ndai ndrờm geh lơh, den tàng, tàm broă tơn jơh jơgloh tơmù rơ[ah neh geh ală cồng nha niam, khà hìu rơ[ah gơmù pah nam bơh 2,5 tus 3%, khà hìu rơ[ah tàm tiah làng bol kòn cau den gơmù bơh 3 tus 4%, kuơ màng ală xã kal ke gơmù uă rơlao bơh 4% tàm 1 nam.

-Gơwèt mờ Tây Nguyên đơs bal, càr Dak Lak đơs is, khà hìu rơ[ah gam uă, bè hơ\, càr geh sền bơta tòm tus mờ bơta rơ[ah do là bơta lơi?

Ồng Lê Ngọc Vinh: Bơta tòm lơh khà hìu rơ[ah gam uă, hơ\ là, lài ngan là ờ tơl ù lơh sa, dơ\ 2 là khà làng bol kis ntrờn bơdìh mờ rơndăp broă gam uă; dơ\ 3 bơta pràn bơcri priă ai tiah làng bol kòn cau gam ờ pràn, gam tàm bơrlu\ bal uă.

Tu\ do, mìng is bè broă bơcri priă ai tiah làng bol kòn cau gam tus 118 sră nggal, mơya bơta pràn bơcri priă lơh jăt broă geh ai den ờ hềt di pal mờ broă kờ`, den tàng broă tơn jơh rơ[ah tàm tiah làng bol kòn cau gam kal ke, tàm hơ\ uă ngan là ală tiah kal ke, tu\ do càr geh 50 xã tiah ngài, 20 rơbô hìu rơ[ah geh dờp cơ chế 30a den gam kal ke ngan mờ ndrờm gơrềng bal bơh tàm kes priă dà lơgar dê.

-Sền go\ bơta tòm lơh gơbàn jơgloh rơ[ah mờ kal ke tàm broă do, càr Dak Lak geh broă lơh lơi kờ` dong kờl làng bol tơn jơh jơgloh tơmù rơ[ah?

Ồng Lê Ngọc Vinh: Tàm tơngai tus, bol a` tơrgùm ai lài broă bơsong ù lơh hìu ơm, ù lơh sa ai ală hìu làng bol kòn cau gam ờ tơl ù in;

Dơ\ 2 là lơh uă ală broă dong kờl tơnguh bơtàu lơh sa, geh cồng nha tàm tiah làng bol kòn cau;

Dơ\ 3 là sền gròi broă tam jào khoa học công nghệ ai làng bol in tam phan, wèt tus broă lơh sa suơn sre geh bơta kuơ phan geh lơh; kuơ màng tai là bơto ơruh pơnu kòn cau in geh broă.

-Pơrjum cau ala măt ală jơi bơtiàn kòn cau càr Dak Lak dơ\ 3 nam 2019 neh geh cồng nha niam bơne\. Dan ồng pà g^t, ală gùng dà broă lơh dờng càr dê tàm ală nam tus kờ` lơh jăt broă kòn cau jăt pang sră lơh ngan neh geh ai tàm pơrjum dờng là bè lơi?

Ồng Lê Ngọc Vinh: Tàm tơngai tus, càr Dak Lak bol a` ai tơrgùm  uă broă lơh tòm, lài ngan là tơnguh broă đơng lam, lam sồr bơh ală cấp uỷ đảng, gơnoar atbồ, mờ mpồl lơh broă gơwèt mờ broă tam klăc bal gùt jơi bơtiàn kòn cau; lơh jăt ală broă kòn cau mờ broă pơrlòng kờ` gơboh mờ dà lơgar, sền do là kơnòl geh lơh sùm mờ kuơ màng bơh cấp uỷ Đảng, gơnoar atbồ, măt trận, mpồl lơh broă bơh càr tus kơnhoàl, xã;

Dơ\ 2 là chồl pràn broă lam sồr, bơto bơtê broă tam klăc gùt jơi bơtiàn kòn cau mờ broă kòn cau bơh Đảng, Dà lơgar ai ală kuang bàng, cau geh đảng bal mờ làng bol in;

Dơ\ 3 là sền kuơ broă bơto pơlam broă lơh sa suơn sre, bơta pơlam broă sền gàr brê; bơto pơlam broă lơh sa mờ măi mo\k, bơto làng bol ală kòn cau tam gơl phan tam, phan ròng jăt broă lơh gơs phan kă bro; bơ\t bơtàu uă mờ lơh uă ală broă lơh sa geh cồng nha; chồl pràn broă ngui khoa học tàm broă lơh sa; broă lơh tai là, chồl pràn broă bơto bơtê mờ bơsram tàm tiah làng bol kòn cau; lơh jăt tơl, di tu\ broă tơmù ờ tă priă bơsram; ai lài broă rơwah cau kòn cau mu\t lơh broă; dùl boă lơh kuơ màng ndai tai là lơh niam broă rơndăp kuang bàng kòn cau, geh broă dong kờl gơwèt mờ cau geh bơngă pin dờn…

-Ơi, dan ưn ngài ồng uă ngan!

Cau mblàng Ndong Brawl