VOV4.K’ho – Adat sră kim ta làng bol nam 2014 geh Gơnoar ala mat dà lơgar Việt Nam kơnă 13 tàm pơrjum dơ\ 8 ringbal tàm ngai 20/11/2014 mờ geh ai ngui kờp bơh ngai 01/01/2016 tus do:

Sră kim ta làng bol là `chi? Bè lơi là sră nggal dà lơgar bè làng bol ơm kis mờ sră nggal bè sră kim ta làng bol?

Adat sră kim ta làng bol cih bè ală pơrya do tàm bơta 3 bè tơnơ\ do:

- Sèng 1 cih “ Sră kim ta làng bol là jơnau tơngit kuơ màng bè să tờm làng bol dê jat jơnau cih Adat do dê”.

- Jat jơnau cih tàm sèng 4 den “ Sră nggal dà lơgar bè làng bol ơm kis là tơr gùm jơnau tơngit kuơ màng bơh jơh ală cau lơgar Việt Nam geh lơh jat khà tơl, jat sồ, prap gàr, atbồ mờ phan bơna jơnau yal tơngit nàng drơng atbồ dà lơgar mờ cribơyai broă bơh anih lơh broă, mpồl bal, cau dùl nă să dê”.

- Sèng 5 cih “ Sră nggal sră kim ta làng bol là sră nggal ờs mờng, tơr gùm jơnau tơngit bè sră kim ta làng bol lơgar Việt Nam, geh lơh jat sồ, prap gàr, atbồ mờ phan bơna jơnau tơngit mơlà bơnah bal bơh sră nggal dà lơgar dê bè làng bol ơm kis.”

Sră kim ta làng bol, sră nggal dà lơgar bè làng bol ơm kis mờ sră nggal sră kim ta làng bol geh atbồ jat kơrnoat lơi?

Bơta 4 Adat sră kim ta làng bol cih bè kơrnoat atbồ sră kim ta làng bol, sră nggal dà lơgar bè làng bol ơm kis mờ sră nggal bè sră kim ta làng bol bè tơnơ\ do:

- Lơh jat Sơnoa boh lam mờ adat boh lam; gàr niam gơnoar kòn bơnus mờ gơnoar làng bol.

- Gàr niam bơta loh làng, song dơpă tàm broă atbồ, [uơn [ùai làng bol in.

- Tơr gùm, dờp jơnau yal tơngit, sră nggal tơl làm, dipal, di tu\; atbồ tơr gùm bal, ringbal, krà` cê, ờ do ờ dă; sền gàr, mut ngui geh cồng nha mờ prap gàr jo\ jòng.

Gơnoar mờ kơnòl làng bol dê bè sră kim ta làng bol, sră nggal dà lơgar bè làng bol ơm kis mờ sră nggal sră kim ta làng bol geh cih bè lơi?

Gơnoar mờ kơnòl làng bol dê bè sră kim ta làng bol, sră nggal bè làng bol ơm kis mờ sră nggal sră kim ta làng bol geh cih tàm Bơta 5 Adat sră kim ta làng bol bè tơnơ\ do:

Làng bol geh gơnoar tơnơ\ do:

- Geh sền gàr dơp ndơr jơnau tơngit is, jơnau tơngit dơp ndơr hìu nhă dê tàm sră nggal dà lơgar bè làng bol ơm kis mờ sră nggal bè sră kim ta làng bol, ờ kờp tu\ yal jơnau tơngit, sră nggal jat adat boh lam;

- Sồr anih atbồ sră kim ta làng bol dờp git, tam gơl jơnau yal tơngit tu\ jơnau tơngit tàm sră nggal dà lơgar bè làng bol ơm kis, sră nggal bè sră kim ta làng bol halà sră kim ta làng bol ờ hềt geh, ờ hềt dipal halà geh bơta tam gơl jat jơnau cih adat boh lam dê;

- Geh lơh, tam gơl, lơh wơl sră kim ta làng bol jat jơnau cih Adat do dê;

- Ngui sră kim ta he dê tàm ală broă lơh, mut lơh gơnoar, bơta kuơ dipal làng bol dê;

- Lah yă jat jơnau cih bơh adat boh lam dê tus mờ broă lơh tìs adat boh lam bè sră kim ta làng bol, sră nggal dà lơgar bè làng bol ơm kis mờ sră nggal bè sră kim ta làng bol.

Làng bol geh kơnòl bè tơnơ\ do:

- Lơh jat jơnau cih adat do dê mờ adat boh lam geh gơ rềng;

- Lơh sră nggal lơh pa, tam gơl, lơh wơl sră kim ta jat jơnau cih adat do dê;

- Yal tơl làm, dipal, di tơngai jơnau tơngit, sră nggal să tờm dê nàng tơmut tàm sră nggal dà lơgar bè làng bol ơm kis mờ sră nggal sră kim ta làng bol jat jơnau cih adat do dê mờ adat boh lam geh gơ rềng.

- Sơn io sră kim ta tu\ cau geh gơnoar sồr sền gròi jat jơnau cih adat boh lam dê;

- Sền gàr sră kim ta neh geh lơh; tu\ roh pal di tu\ yal mờ anih atbồ sră kim ta làng bol;

- Tong wơl sră kim ta anih lơh broă geh gơnoar in dilah pal tam gơl, gơtìp ai wơl, kup ing sră kim ta jat adat do.

Cau gam gơbàn kòp sơn răng halà kòp ndai lơh roh bơta dờp git broă lơh, bơta pràn nàng đal git broă lơh jat cau ala mat he dê mut lơh gơnoar mờ kơnòl geh cih tàm bơta do.

                                                                                                                                                Cau mblàng K’ Duẩn.