VOV4.K’ho – Adat sră kimta làng bol nam 2014 geh Gơnoar ala mat dà lơgar Việt Nam kơnă 13 tàm pơrjum dơ\ 8 ringbal tàm ngai 20/11/2014 mờ geh ai ngui kờp bơh ngai 01/01/2016 tus do:

- Jat adat sră kim ta làng bol, Anih atbồ sră kim ta làng bol geh kơnòl bè tơnơ\ do:

- Tơrgùm di jơnau yal tơngit bè làng bol.

- Bơsong di tu\ tu\ geh cơng tàng đal git jơnau tơngit bè làng bol ờ hềt dipal halà geh tam gơl.

- Top loh làng mờ pơlam ală sră nggal bè sră kim ta làng bol, sră nggal dà lơgar bè làng bol ơm kis mờ sră nggal sră kim ta làng bol gơ rềng tus anih lơh broă, mpồl bal, cau dùl nă să jat jơnau cih Adat do dê.

- Sền gàr ờ do ờ dă, dơp ndơr jơnau tơngit tàm sră nggal dà lơgar bè làng bol ơm kis mờ sră nggal sră kim ta làng bol.

- Yal tơl làm, di tu\, dipal jơnau tơngit, sră nggal bè làng bol tu\ geh anih lơh broă, mpồl bal, cau dùl nă să sồr jat jơnau cih adat boh lam dê.

- Lơh pa, tam gơl, lơh wơl sră kim ta làng bol jat jơnau cih Adat do dê.

- Bơsong jơnau yal yă, yal khài mờ lơh glài broă lơh tìs jat jơnau cih adat boh lam dê.

Bơta 7 Adat sră kim ta làng bol cih 9 broă lơh gơtìp ờ ai lơh, hơ\ là:

1. Kơryan mut lơh ală jơnau cih Adat do dê.

2. Lơh pa, tam gơl, lơh wơl sră kim ta làng bol tìs mờ jơnau cih adat boh lam dê.

3. Lơh gơbàn kal ke tu\ bơsong sră nggal bè sră kim ta làng bol, sră nggal dà lơgar bè làng bol ơm kis mờ sră nggal bè sră kim ta làng bol.

4. Lơh tìs sră pơàr, sră nggal bè làng bol, sră nggal dà lơgar bè làng bol ơm kis mờ sră nggal bè sră kim ta làng bol; ờ yal, yal ờ tơl, yal tìs mờ jơnau cih adat boh lam ală jơnau tơngit, sră nggal bè sră kim ta làng bol, sră nggal dà lơgar bè làng bol ơm kis mờ sră nggal sră kim ta làng bol; sơ mờm jơnau tơngit bè làng bol jat jơnau cih Adat do dê lơh gơbàn hoàc huơr tus mờ anih lơh broă, mpồl bal, cau dùl nă să.

5. Lơh cau ndai go\ jơnau tơngit di sră nggal dà lơgar bè làng bol ơm kis mờ sră nggal làng bol.

6. Ai priă, ngui priă tă tìs mờ adat boh lam.

7. Lơh pơrlồm, tam gơl wơl, lơh tìs tơngume sră kim ta làng bol; sơ gràm, ngui kơ`au sră kim ta cau ndai dê; ơpah, ai ơpah, jồm, ai jồm, ngui nàng càn priă, dờp phan nàng ai càn priă, lơh aniai sră kim ta làng bol; ngui sră kim ta ờ ngan.

8. Sền ờm, lơh tam gơl, jùt, sang, mblàng jơnau tơngit tàm sră nggal dà lơgar bè làng bol ơm kis mờ sră nggal bè sră kim ta làng bol.

9. Ai wơl, kup ing sră kim ta làng bol tìs mờ adat boh lam.

Bè hơ\ ală jơnau tơngit lơi bè làng bol geh tơr gùm, tơmut tàm sră nggal dà lơgar bè làng bol ơm kis?

Bơta 9 Adat sră kim ta làng bol cih ală jơnau tơngit tơnơ\ do geh tơr gùm, tơmut tàm sră nggal dà lơgar bè làng bol ơm kis:

- Jơi, mat sơnđan;

- Ngai, nhai, nam deh;

- Cau klau, cau ùr;

- Tiah lơh sră deh sơnđan mat;

- {òn tờm;

- Kòn cau;

- Gah jat ỳang;

- Sơnđan lơgar ơm kis;

- Gùng tam bau;

- Anih ơm kis sùm;

- Anih ơm kis tu\ do;

- Gơ wèt bơta mhàm lơi, tu\ làng bol sồr yal mờ sơn io sră yal cồng nha sền mhàm nàng đal git mhàm cau hơ\ dê;

- Jơi, mat sơnđan, sồ tơngit să tờm halà sồ sră kim ta, sơnđan lơgar ơm kis bơh mè, bèp, pơ ùr, bơklau halà cau ala mat jat adat boh lam;

- Jơi, mat sơnđan, sồ tơngit să tờm halà sồ sră kim ta bơh cau tờm hìu nhă, gơ rềng mờ cau tờm hìu nhă;

- Ngai, nhai, nam chơt halà roh thit.

Ală cau lơi geh gơnoar jòi git jơnau tơngit tàm sră nggal dà lơgar bè làng bol ơm kis?

Broă jòi git jơnau tơngit tàm sră nggal dà lơgar bè làng bol ơm kis geh cih tàm sèng 2 bơta 10 Adat sră kim ta làng bol bè tơnơ\ do:

- Anih atbồ sră nggal ờs mờng, anih lơh broă dà lơgar, mpồl lơh broă gùng dră bal, mpồl lơh broă gùng dră bal - mpồl bơtiàn geh jòi git jơnau tơngit tàm sră nggal dà lơgar bè làng bol ơm kis di gơnoar, kơnòl he dê;

- Làng bol geh jòi git jơnau tơngit să tờm he dê tàm sră nggal dà lơgar bè làng bol ơm kis.

- Mpồl bal mờ cau dùl nă să ờ geh cih tàm bơnah a mờ bơnah b bơh sèng do dê dilah kờ` jòi jơnau tơngit tàm sră nggal dà lơgar bè làng bol ơm kis pal geh bơta ringbal bơh anih atbồ sră nggal dà lơgar bè làng bol ơm kis jat adat boh lam.

                                                                                                                                               Cau mblàng K' Duẩn.