VOV4.K’ho – Adat sră kimta làng bol nam 2014 geh Gơnoar ala mat dà lơgar Việt Nam kơnă 13 tàm pơrjum dơ\ 8 ringbal tàm ngai 20/11/2014 mờ geh ai ngui kờp bơh ngai 01/01/2016 tus do:

Jat bơta 10 Adat sră kim ta, broă atbồ, ngui sră nggal dà lơgar bè làng bol ơm kis geh cih bè tơnơ\ do:

- Sră nggal dà lơgar bè làng bol ơm kis là phan bơna Dà lơgar dê, geh Dà lơgar sền gàr jat jơnau cih adat boh lam bè sền gàr broă lơh kuơ màng gơrềng tus ngap lơngai dà lơgar.

Sră nggal Dà lơgar bè làng bol ơm kis là sră nggal ngui bal, bơh Gah kuang àng dà lơgar atbồ.

- Ngui jơnau tơngit tàm sră nggal dà lơgar bè làng bol ơm kis geh mut lơh bè tơnơ\ do:

+ Anih atbồ sră nggal ờs mờng, anih lơh broă dà lơgar, mpồl lơh broă gùng dră bal, mpồl lơh broă gùng dră bal - mpồl bơtìan geh ngui jơnau tơngit tàm Sră nggal dà lơgar bè làng bol ơm kis di gơnoar, kơnòl he dê;

+ Làng bol geh ngui jơnau tơngit he dê tàm Sră nggal dà lơgar bè làng bol ơm kis;

+ Mpồl bal mờ cau dùl nă să ờ geh cih tàm bơnah a mờ bơnah b sèng do dilah kờ` jòi jơnau tơngit tàm sră nggal dà lơgar bè làng bol ơm kis den pal geh bơta ringbal bơh anih atbồ sră nggal dà lơgar bè làng bol ơm kis jat jơnau cih adat boh lam dê.

- Jơnau yal tơngit tàm sră nggal dà lơgar bè làng bol ơm kis là cơng tàng nàng anih lơh broă, mpồl bal lòt sền, ringbal jơnau yal tơngit bè làng bol. Tu\ làng bol neh ngui sră kim ta he dê, anih lơh broă, mpồl bal ờ geh sồr làng bol sơn io sră pơ àr halà yal ală jơnau tơngit neh geh tàm sră nggal dà lơgar bè làng bol ơm kis.

- Gơnoar atbồ lơgar cih mùl màl bơta do.

Bơta 11 Adat sră kim ta làng bol cih, bơta gơ rềng đah sră nggal dà lơgar bè làng bol ơm kis mờ ală sră nggal ờs mờng bè tơnơ\ do:

- Ală sră nggal ờs mờng geh tơrbo\ bal mờ sră nggal dà lơgar bè làng bol ơm kis nàng yal tơngit, tam pà, ngui jơnau tơngit bè làng bol geh cih tàm sèng 1 Bơta 9 bơh adat do dê.

- Jơnau yal tơngit bè làng bol geh cih tàm sèng 1 Bơta 9 bơh Adat do dê geh tàm sră nggal ờs mờng pal geh tơmut di tu\, tơl làm, di ngan tàm sră nggal dà lơgar bè làng bol ơm kis.

- Dilah jơnau yal tơngit bè làng bol tàm ală sră nggal ờs mờng halà sră pơàr neh lơh ờ dipal mờ jơnau yal tơngit tàm sră nggal dà lơgar bè làng bol ơm kis den pal jat sră nggal dà lơgar bè làng bol ơm kis.

- Broă tơrbo\, tơmut, tam pà, ngui jơnau tơngit đah sră nggal dà lơgar bè làng bol ơm kis mờ ală sră nggal ờs mờng bơh ală anih lơh broă, mpồl bal dê pal gàr niam geh cồng nha, ờ do ờ dă, dipal mờ gơnoar, kơnòl jat jơnau cih adat do dê mờ kơrnoat boh lam geh gơ rềng bal.

- Gơnoar atbồ lơgar cih broă tơrbo\, tơmut, tam pà, ngui jơnau tơngit, broă tơrbo\ bal đah sră nggal dà lơgar bè làng bol ơm kis mờ sră nggal ờs mờng.

Bơta 12 Adat sră kim ta làng bol cih sồ yal mat cau dùl nă să bè tơnơ\ do:

- Sồ yal mat cau dùl nă să geh crơng gơs bơh sră nggal dà lơgar bè làng bol ơm kis geh ngui nàng tơrbo\, tơmut, tam pà, ngui jơnau tơngit làng bol dê tàm sră nggal dà lơgar bè làng bol ơm kis mờ ală sră nggal ờs mờng.

- Sồ yal mat cau dùl nă să bơh Gah kuang àng dà lơgar ringbal atbồ tàm gùt lơgar mờ lơh tơl nă cau lơgar Việt Nam in, ờ ndrờm wơl tàm cau ndai.

- Gơnoar atbồ lơgar cih rơndap sồ yal mat cau dùl nă să, sră nggal lơh sră yal mat cau dùl nă să.

Bơta 13 Adat sră kim ta làng bol cih kơnòl bơh anih lơh broă, mpồl bal, cau dùl nă să tàm broă jòi git, yal mờ tơmut jơnau tơngit, sră nggal tàm sră nggal dà lơgar bè làng bol ơm kis bè tơnơ\ do:

- Anih lơh broă, mpồl bal geh kơnòl bè tơnơ\ do:

+ Lơh jat rơndap broă jòi git, yal mờ tơmut jơnau tơngit, sră nggal tàm sră nggal dà lơgar bè làng bol ơm kis;

+ Gàr niam briă jòi git, yal mờ tơmut jơnau tơngit, sră nggal tơl làm, dipal, di tu\;

+ Jòi git, yal di tu\ jơnau tơngit bè làng bol tu\ geh bơta tam gơl halà ờ hềt dipal.

- Cau geh jàu kơnòl jòi git, tơmut jơnau tơngit, sră nggal geh kơnòl bè tơnơ\ do:

+ Sền sơwì jơnau tơngit, sră nggal bè làng bol; sùm sền gròi, tơmut jơnau tơngit;

+ Sền gàr, gàr dơp ndơr jơnau tơngit, sră nggal geh gơ rềng; ờ geh tam gơl, jùt halà lơh aniai sră nggal mờ pal kong kơnòl bè bơta dipal, tơl làm bơh jơnau tơngit neh geh tơmut.

- Kuang atbồ anih atbồ sră nggal dà lơgar bè làng bol ơm kis geh kơnòl bè tơnơ\ do:

+ Bơyai lơh atbồ broă tơmut, prap gàr jơnau tơngit, sră nggal;

+ Sền gròi, kong kơnòl bè jơnau yal tơngit, sră nggal neh geh tơmut, prap gàr tàm sră nggal dà lơgar bè làng bol ơm kis.

                                                                                                                            Cau mblàng K' Duẩn.