VOV4.K’ho – Bè bol a` neh yal tàm ală jơnau đơs Adat boh lam mờ rài kis lài, bơh ngai 01 nhai 01 nam 2016, Adat sră kim ta làng bol ngan ngồn geh mut ngui. Jat adat do, tơl nă cau geh lơh 1 nơm sră kim ta ala sră kim ta lài do::

Jat bơta 20 Adat sră kim ta, den sră kim ta geh bơta kuơ ngui bè tơnơ\ do:

1. Sră kim ta làng bol là sră pơàr yal tơngit bè să tờm bơh làng bol lơgar Việt Nam dê geh bơta kuơ lơh cơng bè ală jơnau tơngit bè să tờm bơh cau geh lơh sră kim ta dê nàng mut lơh ală broă lơh tàm ù tiah lơgar Việt Nam.

2. Sră kim ta làng bol geh ngui ala broă ngui sră lòt rê hờ lơgar cau dilah lơgar Việt Nam mờ lơgar ndai ki\ jơnau pơrgon halà jơnau ringbal dunia ai gơnoar làng bol lơgar ki\ jơnau geh ngui sră kim ta làng bol ala broă ngui sră lòt rê hờ lơgar cau tàm ù tiah lơgar ndai dê.

3. Anih lơh broă, mpồl bal, cau dùl nă să geh gơnoar geh sồr làng bol sơn io sră kim ta làng bol nàng sền jơnau tơngit bè să tờm mờ ală jơnau tơngit geh cih tàm bơta 18 bơh Adat do dê; geh ngui sồ yal mat sơnđan cau dùl nă să tàm sră kim ta làng bol nàng sền gròi jơnau tơngit bơh cau geh lơh sră kim ta làng bol dê tàm sră nggal dà lơgar làng bol ơm kis mờ sră nggal ờs mờng jat jơnau cih kơrnuat boh lam dê.

Tu\ làng bol sơn io sră kim ta làng bol jat jơnau sồr bơh anih lơh broă, mpồl bal, cau dùl nă să geh gơnoar dê den anih lơh broă, mpồl bal, cau dùl nă să geh gơnoar hơ\ ờ geh sồr làng bol sơn io sră pơàr ndai geh ală jơnau tơngit geh cih tàm sèng 1 mờ sèng 3 bơta do dê.

4. Dà lơgar sền gàr gơnoar, bơta kuơ dipal bơh cau geh lơh sră kim ta dê jat jơnau cih kơrnuat boh lam.

Krơi mờ sră kim ta làng bol tu\ do, geh ngui tàm 15 nam, hơ\ là làng bol mìng pal tam gơl sră kim ta pa tu\ ngui rlau 15 nam. Gơwèt mờ sră kim ta, jat bơta 21 Adat sră kim ta, den sră kim ta làng bol pal geh tam gơl tu\ làng bol tơl 25 sơnam, tơl 40 sơnam mờ tơl 60 sơnam. Tu\ sră kim ta làng bol geh lơh pa, tam gơl, lơh wơl tàm tơngai 2 nam lài mờ sơnam geh sồr den kung gam geh kuơ mut ngui tus sơnam tam gơl sră kim ta pơnjat tai.

Hơ\ là dilah geh lơh pa, tam gơl sră kim ta tu\ 23 halà 24 sơnam, den ờ duh pal tam gơl sră kim ta tu\ 25 sơnam bè jơnau cih adat boh lam dê, mờ geh ngui sră kim ta tus dơ\ tam gơl tơnơ\, tu\ tờm 40 sơnam; ndrờm bè hơ\, dilah tam gơl lơh pa tu\ 38, 39 sơnam, den geh ngui tus 60 sơnam. Sơlơu\ wơl, dilah ờ tam gơl lơh pa tàm tơngai 2 nam, den kung gam pal tam gơl sră kim ta jat di sơnam geh sồr. Pơnyơu cau geh lơh pa, tam gơl sră kim ta tu\ 20 sơnam, den mìng geh ngui sră kim ta tàm 5 nam, tu\ tus 25 sơnam den pal tam gơl sră kim ta.

Kung ndrờm bè tu\ ngui sră kim ta làng bol tu\ do, tàm ờ uă bơta, làng bol gơtùi tam tam gơl halà lơh pa wơl sră kim ta. Bơta 23 adat cih sră kim ta làng bol geh tam gơl tàm ală tu\ bè tơnơ\ do:

a) Tu\ tơl 14, 25, 40 mờ 60 sơnam;

b) Sră kim ta gơtìp ờ diơng ờ gơtùi ngui;

c) Tam gơl jơnau tơngit bè jơi, mat sơnđan; ală bơta nàng đal git să tờm;

d) Đal git wơl cau klau, cau ùr, [òn tờm;

đ) Geh tìs bè jơnau tơngit tàm sră kim ta làng bol;

e) Tu\ làng bol geh jơnau sồr.

2. Sră kim ta làng bol geh lơh wơl tàm ală tu\ bè tơnơ\ do:

a) Gơtìp roh sră kim ta làng bol;

b) Geh rê wơl hờ lơgar Việt Nam jat adat lơgar ơm kis Việt Nam;

Jat adat sră kim ta làng bol nam 2014, tu\ làng bol kờ` lơh pa, tam gơl, lơh wơl sră kim ta dilah geh tơl ală bơta bè neh yal hơđang, broă lơh sră kim ta geh mut lơh buơn bùai ngan, tài jat bơta 26 bơh adat do dê, làng bol gơtùi tus anih atbồ sră kim ta làng bol bơh Gah kuang àng dà lơgar, kuang àng càr, [òn dờng, kuang àng kơnhòal halà ntum, sơnah [òn, [òn drà, anih lơh broă, mpồl lơh broă.

                                                                                                                     Cau mblàng K’ Duẩn.