VOV4.K’ho – Tam pìt tam phà ù tiah gơlik geh uă ngan tàm rài kis. Tàm ală nam pa do, broă tơr`a bơsong tàm [òn lơgar geh mut lơh pràn ngan, mờ uă broă tam pìt tam phà bè ù tiah geh bơsong bơh tàm [òn lơgar tơn. Mơya, pal đal git loh làng đah tơr`a bơsong tàm [òn lơgar mờ bơyai  tơr`a tàm broă bơsong ală tam pìt tam phà ù tiah:

Bơta ndrờm bal đah tơr`a bơsong tàm [òn lơgar mờ bơyai tơr`a tàm broă bơsong tam pìt tam phà ù tiah là ndrờm kờ` bơsong ală tam pìt tam phà đah 2 gah halà uă gah là, broă ală gah tàm bơsong, cribơyai bal mờ gơp geh bơta tus bal bơh gah dơ\ 3 (ờ di là gah geh bơta tam pìt tam phà). Mơya, 2 bơta do den krơi bè tơngume, broă bơyai lơh mờ sră nggal mut lơh.

Bè sră nggal adat boh lam mut ngui:

Broă tơr`a bơsong tàm [òn lơgar geh bơsong bơh Adat tơr`a bơsong tàm [òn lơgar nam 2013 mờ ală sră nggal pơlam mut ngui bè kơrnuat sồ 15 tơlik ngai 27/2/2014 bơh Gơnoar atbồ lơgar dê, cih mùl màl ờ uă bơta mờ broă mut ngui Adat tơr`a bơsong tàm [òn lơgar; Kơrnuat sồ 1 tơlik ngai 18/11/2014 đah Gơnoar atbồ lơgar mờ Anih duh broă gah tề lam gùng dră bal dà lơgar Việt Nam bè pơlam pơgồp bal mut lơh jat ơờuă jơnau cih bơh adat boh lam bè tơr`a bơsong tàm [òn lơgar.

Broă lơh bơyai tơr`a tàm broă bơsong ală tam pìt tam phà ù tiah geh bơsong bơh Adat ù tiah nam 2013 mờ ală sră nggal pơlam mut ngui bè kơrnuat sồ 43 tơlik ngai 15/5/2014 bơh Gơnoar atbồ lơgar dê, cih mùl màl bè mut ngui ờ uă bơta bơh Adat ù tiah dê…

Bè broă geh bơsong:

Gơwèt mờ broă lơh tơr`a bơsong tàm [òn lơgar: Jat bơta 5 Kơrnuat sồ 15 tơlik ngai 27/2/2014 bơh Gơnoar atbồ lơgar dê cih mùl màl ờ uă bơta mờ broă lơh jat Adat tơr`a bơsong tàm [òn lơgar den broă geh tơr`a bơsong tàm [òn lơgar geh tam lah đah ală gah, tài krơi is bè rài kis, nùs nhơm ờ ringbal halà ờ ringbal tàm broă ngui gùng lòt gan hìu, gùng lòt bal, ngui đèng, dà ngui, broă lơh ndai, tu\ jiơ tàm rài kis, lơh aniai tus kloh niam bal halà tài ală jơnau ndai; tam pìt tam phà gơlik geh bơh gơrềng phan bơna mờ broă làng bol, bè tam pìt tam phà gơnoar atbồ, kơnòl broă làng bol, jơnau pơrgon phan bơna mờ broă làng bol, dờp wơl phan bơna, gơnoar ngui ù; tam pìt tam phà gơlik geh bơh gơ rềng gùng tam bau mờ hìu nhă; lơh tìs adat boh lam mờ jat jơnau cih adat boh lam dê ală broă lơh tìs hơ\ ờ hềt tus khà gơtìo lah yă lơh glài kup màng, lơh glài mờ priă, lơh tìs adat boh lam lơh glài kup màng tàm ờ uă bơta geh adat boh lam cih..

Gơwèt mờ broă lơh bơyai tơr`a tàm broă bơsong tam pìt tam phà ù tiah: Broă geh bơsong tus mờ broă lơh do là ală tam pìt tam phà ù tiah mờ ală gah ờ gơtùi bơsong is.

Bè tơngume:

Broă lơh tơr`a bơsong tàm [òn lơgar là broă bơyai lơh bơsong ală tam pìt, tam phà jat nùs nhơm pơn jờng, sồr ală gah ringbal is mờ gơp kờ` sang bơta ờ ringbal, bơh hơ\ lơh geh bơta ringbal dipal mờ adat boh lam kung bè ơnà kis mpồl bơtiàn, pơgồp bơnah bơt bơtàu nùs nhơm tam klac tàm làng bol, tàm dong kờl, kờ` gơboh bal, sền gàr rài kis, nùs nhơm tàm [òn lơgar, gàr ngap lơngai gùng dră bal, ờ do ờ dă mpồl bơtiàn tàm [òn làng bol ơm kis.

Krơi mờ tơr`a bơsong tàm [òn lơgar, broă lơh bơyai tơr`a tàm bơsong ală tam pìt tam phà ù tiah bơh Anih duh broă làng bol ntum là dùl sră nggal adat boh lam pal geh. Do gơtùi sền là bè dùl tơngai lài mờ tu\ lah yă nàng bơsong tam pìt tam phà ù tiah bơh Anih cah rơ`a làng bol halà anih lơh broă dà lơgar geh gơnoar dê.

Gơwèt mờ broă lơh tơr`a bơsong tàm [òn lơgar: Dilah gơtùi bơsong, ală gah gơtùi ringbal lơh sră nggal là gơtùi bơsong; dilah ờ gơtùi den ală gah geh gơnoar sồr anih lơh broă, mpồl lơh broă geh gơnoar bơsong jat jơnau cih adat boh lam dê.

Gơwèt mờ broă lơh bơyai tơr`a tàm broă bơsong ală tam pìt tam phà ù tiah: Cồng nha bơsong tam pìt tam phà ù tiah pal geh lơh gơs sră nggal. Sră nggal bơsong pal geh akhar ki\ bơh kuang atbồ mpồl duh broă bơsong, ală gah tam pìt tam phà geh mat tàm dơ\ bơyai tơr`a, ală cau geh jơng tus bal bơyai tơr`a mờ pal geh top bang kì bơh Anih duh broă làng bol ntum; mơkung pal geh pơyua mơ ală gah tam pìt tam phà in mờ geh prap wơl tàm Anih duh broă làng bol ntum.

Bè hơ\, gơtùi go\, bulah ndrờm bè jơnau kờ` mờ bơta kuơ, mơya tơr`a bơsong tàm [òn lơgar mờ bơyai tơr`a tàm broă bơsong tam pìt tam phà ù tiah là 2 broă lơh krơi is bè tơngume mờ sră nggal mut lơh. Kơnờm jat tàm tơl bơta, tơl broă gơlik geh mùl màl nàng bơsong di jat jơnau cih, pleh broă gơbàn tìs tu\ mut ngui mpồl tơr`a bơsong nàng bơsong tàm broă tam pìt tam phà ù tiah halà mut ngui mpồl duh broă bơsong tam pìt tam phà ù tiah nàng bơsong ală broă gơlik geh ndai di gơnoar bơsong tàm [òn lơgar.

                                                             Cau cih mờ yal tơnggit  K’ Duẩn.