Dơ\ pơrjum dơ\ 6, Gơnoar ala mat dà lơgar dơ\ 13, ngai 29/11/2013 neh ring bal adat ù tiah nam 2013, geh ngui ngan ngồn bơh ngai 01/07/2014.

Adat ù tiah nam 2013 geh 14 tap mờ 212 bơta, cih bè broă ngui ù tiah, gơnoar mờ kơ nòl dà lơgar dê ala mat lơh tờm gùt làng bol bè ù tiah mờ ringbal atbồ bè ù tiah, broă atbồ mờ ngui ù tiah, gơnoar mờ kơ nòl bơh cau ngui ù dê tus mờ ù di ù tiah lơgar Việt Nam.

Bè tam cah bơta ù, jat jơnau cih bơh bơta 10 adat ù tiah nam 2013, kơnờm tàm jơnau kờ` ngui ù, ù tiah geh tam cah gơs 3 mpồl tờm la:

-Mpồl ù lơh sa suơn sre.

-Mpồl ù ờ di lơh sa suơn sre.

- Mpồl ù ờ hềt ngui.

*Lài ngan, mpồl ù lơh sa suơn sre geh ală bơta ù bè tơ nơ\ do:

-Ù tam chi pah nam, tàm hơ\ geh ù tam kòi mờ ù tam chi pah nam ndai;

-Ù tam chi tam jo\ tơngai;

-Ù brê lơh sa;

-Ù brê rơcang gàr bồ tô;

-Ù brê kuơ màng;

-Ù ròng tam phan tàm dà;

-Ù lơh boh.

-Ù lơh sa suơn sre geh ù ngui nàng lơh hìu krơh mờ ală bơta ù ndai drơng jơnau kờ` tam phan, kờp bal mờ broă lơh tam phan ờ di tàm ù, lơh wàng ròng phan geh adat boh lam ai gơnoar, ù tam phan, ròng phan, ròng tam phan tàm dà drơng jơnau kờ` bơsram sră, kơlôi sơnơng, ù ờng sơntìl chi tam, phan ròng mờ ù tam bơkàu, tờm chi bơka.

*Mpồl ù ờ di lơh sa suơn sre geh ală bơta ù la:

-Ù ơm, tàm hơ\ geh ù ơm tàm bòn lơgar, ù ơm tàm tiah drà;

-Ù lơh anih lơh broă;

-Ù ngui tàm jơnau kờ` sền gàr dà lơgar, sền gàr ngap lơngai.

-Ù lơh ală broă lơh, tàm hơ\ geh ù lơh hìu lơh broă bơh ală mpồl lơh broă dà lơgar, ù lơh hìu chài rơ gơi mpồl bơtiàn, hìu sơ nơm, bơto bơsram, tàp pràn să jan, khoa học công nghệ mờ broă lơh ndai;

-Ù lơh sa, kă bro ờ di lơh sa suơn sre là ù tiah lơh sa mờ mai\ mok, mpồl lơh sa mờ mai\ mok, tiah lơh gơlik phan, ù kă bro, broă drơng ala, ù ờ di lơh sa suơn sre, ù ngui tàm broă tơnhàu phan kuơ tàm ù, ù lơh gơlik phan lơh hìu, phan buh;

-Ù ngui tàm jơnau kờ` bal mpồl bơtiàn là ù lơh gùng lòt, tàm hơ\ geh blàng rơndeh par, anih ơ hò ơm, gùng rơndeh ồs, gùng lòt ù gờl mờ broă lơh gùng lòt ndai, bơ tơt rơ bòng dà, ù geh tiah tềl kah yau-chài rơ gơi, tiah niam geh pơnrơ, ù pơrjum mpồl bơtiàn, tiah nhơl `o\, ù broă lơh năng lượng, ù broă lơh bưu chính, viễn thông, ù drà, ù săng sồ siă, lơh bơsong sồ siă mờ ù lơh broă ndai;

-Ù lơh hìu jum; hìu yàng

-Ù lơh blàng tơp bồc, hìu tơp bồc, hìu chu bồc;

-Ù dà dờng, rơ bòng dà, dà croh mờ mat dà ờs ngui;

-Ù ờ di lơh sa suơn sre ndai, geh ù lơh hìu ơm rlô, hìu kù, sàl cau lơh broă in, ù lơh hìu prap phan lơh gơs bơh suơn sre, sơ nơm sền gàr phan tam, phơng sih, mai\ mok, phan bơna drơng tàm broă lơh sa suơn sre, ù lơh broă lơh ndai bơh cau ngui ù dê, ờ di kờ` kă bro mờ broă lơh hơ\ ờ gơ jat bal mờ ù ơm.

Mpồl ù ờ hềt ngui là ală bơta ù ờ hềt đal git jơnau kờ` ngui.

                                                                           Cau mblàng K’ Duẩn.