Adat gùng tam bau mờ hìu bơnhă nam 2014 neh geh Gơnoar ala mat dà lơgar kơnă 13 ring bal tàm pơrjum dơ\ 7, ngai 19/06/2014, tàm hơ\ geh 9 tap, 133 bơta mờ geh ai ngui ngan ngồn bơh ngai 1/1/2015. Bơh jơnau do poh do, bol an\ yal ală jơnau cih tàm Adat gùng tam bau mờ hìu bơnhă nam 2014.

*Ùr klau tam bau pal lơh jat ală bơta pal geh lơi?

Ùr klau tam bai pal lơh jat ală bơta pal geh tơ nơ\ do:

Cau klau tơl bơh 20 sơnam rlau hơđang,  cau ùr tơl bơh 18 sơnam rlau hơđang;

Broă tam bau bơh ùr mờ klau la kờ` is;

Ờ gơtìp roh bơta chài git wă broă lơh;

Broă tam bau ờ gơ wèt 1 tàm ală bơta tơ nơ\ do:

Tam bau blac pơr lồm;

Bau gờ`, kup bơ klơn tam ba, pơr lồm tam bau, kơryan tam bau;

Cau gam geh pơ ùr, geh bơklau mờ bau mờ cau ndai, halà ờ hềt geh pơ ùr, ờ hềt geh bơklau mơya bau mờ cau gam geh bơklau, geh pơ ùr;

Tam bau đah ală cau geh jơi nòi pròc mhàm bal, đah ală cau geh jơi nòi tàm 3 rài, đah mè, bèp ròng mờ kòn ròng, đah cau neh geh tu\ là mè, bèp ròng tus mờ kòn cau, po bàp mờ kòn ban, po me mờ bơrtơu, bàp cồng mờ kòn is pơ ùr dê, mè cồng mờ kòn is bơklau dê.

*Tu\ cau klau, cau ùr ơm kis bal bè ùr bơklau mờ ờ lơh sră kup bau den geh bơ song bè lơi?

Cau ùr, cau klau geh tơl bơta geh tam bau jat kơrnuat ơm kis bal bè ùr bơklau mờ ờ lơh sră kup bau den ờ geh ală gơnoar, kơnòl đah ùr bơklau. Gơnoar, kơnòl tus mờ kòn, jơtài, phan bơna, kơ nòl mờ jơnau pơr gon ală gah geh bơ song jat adat boh lam.

Tu\ cau klau, cau ùr ơm kis bal bè ùr bơklau mờ ờ lơh sră kup bau, mơya tơ nơ\ hơ\ mut lơh broă lơh sră kup bau jat jơnau cih adat boh lam dê den gùng tam bau geh đal git bơh tơngai lơh sră kup bau.

*Bè hơ\ bơta gơ rềng jơtài, kơ nòl mờ jơnau pơrgon bơh ùr, klau ơm kis bal bè ùr bơklau dê mờ ờ lơh sră kup bau geh bơ song bè lơi?

Gơ rềng bè jơtài, kơnòl mờ jơnau pơr gon bơh ùr, klau ơm kis bal bè ùr bơklau mờ ờ lơh sră kup bau geh bơ song jat jơnau ringbal đah ală gah, tu\ ờ geh jơnau ringbal den bơ song jat jơnau cih bơh adat phan bơna mờ broă làng bol mờ ală jơnau cih adat boh lam ndai geh gơ rềng bal. broă bơ song bơta gơ rềng jơtài, phan bơna pal gàr niam gơnoar, bơta kuơ dipal bơh cau ùr mờ kòn dê, broă tàm hìu nhă mờ broă ndai geh gơ rềng nàng gàr tơl niam rài kis geh sền bè lơh broă geh priă jền lơh geh.

*Jơtài, phan bơna ùr bơklau dê geh adat boh lam đal git jat ală kơrnuat bal lơi?

Kơrnuat bal bè jơtài, phan bơna ùr bơklau dê geh adat boh lam cih bè tơ nơ\ do:

Pơ ùr, bơklau ring bal bè gơnoar, kơ nòl tàm broă lơh geh, atbồ, ngui jơtài, phan bơna bal, ờ tam cah đah cau lơh broă tàm hìu nhă mờ cau lơh broă lơh geh priă jền.

Pơ ùr, bơklau geh kơnòl gàr tơl ală bơta pal geh nàng drơng jơnau kờ` kuơ màng hìu nhă dê.

Broă mut lơh gơnoar, kơ nòl bè jơtài, phan bơna ùr bơklau dê mờ lơh aniai tus gơnoar, bơta kuơ dipal bơh pơ ùr, bơklau, hìu nhă mờ cau ndai den pal tơm wơl.

*Bè hơ\, jơtài bal ùr bơklau dê geh ală bơta jơtài lơi?

Jơtài bal geh:

Jơtài bơh ùr bơklau lơh gơlik, priă jền bơh lơh broă, kă bro, priă cồng geh bơh jơtài is mờ priă jền lơh geh dipal ndai tàm tơngai tam bau, ờ kờp geh adat boh lam cih, jơtài mờ ùr bơklau geh dờp wơl bal halà geh pà bal mờ jơtài nda mờ ùr bơklau ringbal la jơtài bal. Gơnoar ngui ù mờ pơ ùr, bơklau geh tơ nơ\ mờ tu\ tam bau là jơtaì bal ùr bơklau dê, ờ kờp pơ ùr halà bơklau geh dờp wơl is, geh pà is halà geh kă bro mờ phan bơna is.

Jơtài bal ùr bơklau dê di gơnoar atbồ bal, geh ngui nàng gàr tơl jơnau kờ` hìu nhă dê, mut lơh kơnòl bal ùr bơklau dê.

Tu\ ờ geh cơng tàng nàng git là jơtài mờ ùr bơklau gam geh gơtìp tam pìt la jơtài is bơh tơl gah dê, den geh sền là jơtài bal.

*Ală bơta jơtài lơi geh sền là jơtài is ùr bơklau dê?

Jơtài is ùr bơklau dê geh, jơtài tơl nă cau geh lài mờ tu\ tam bai, jơtài geh dờp wơl is, geh pà is tàm tơngai tam bau, jơtài geh tam pà is pơ ùr, bơklau in, jơtài drơng jơnau kờ` kuơ màng bơh pơ ùr bơklau dê mờ jơtài ndai mờ jat adat boh lam den gơ wèt gơnoar atbồ is bơh pơ ùr mờ bơklau dê.

Jơtài geh bơh jơtài is pơ ùr, bơklau dê kung là jơtài is bơh pơ ùr, bơklau dê mơya priă cồng geh bơh jơtài is tàm tơngai tam bau là jơtài bal bơh pơ ùr mờ bơklau dê.

                                                                    }au mblàng K’ Duẩn.