VOV4.K’ho - Đơs tam hơ (đơs loong hala đơs tam pơt) la dùl tàm ala\ bơta đơs pơnđik kòn cau, geh bơnga\ kuơ màng ngan  mờ pal geh  tàm rài kis nus nơm làng bol K’ho tàm Lâm Đồng. Cau K’ho mờng đơs tam ho tàm ala\ tu\ lòt lơh mìr,  ngan la tàm `ô bơcik bồ, jun bau, đơs tam gơboh ùr klau.

            Đơs tam ho (đơs loong hala đơs tam pơt) bơh cau K’ho geh: Đơs tam hơ ùr klau,  đơs tam ho lơh bơyô mờ đơs tam hơ tàm ala\ tu\ jun bau jun kòn… Jơnau đơs sùm niam, lơh geh ala\ rùp sa\ ờs mờng tềp mềr mờ sơnơng, rài kis bơh cau K’ho. Tơngu me đơs loong hala đơs tam pơt bơh cau K’ho li la ngan, geh jơh ala\ bơta tàm rài kis, bè bơta  oh mi tàm hìu nha\,  bơto bơtê oh kòn, lơh jat jơnau bơto bơh  Bác Hồ, dùl nùs jat Đảng, Dà lơgar. Mò K’ Bri kis tàm kơnhoàl Lâm Hà ai git:

             Đơs loong, đơs tam pơt bơh cau K’ho he niam ngan, geh pơrya ngan. Ala\ jơnau đơs pơnđik sùm geh đơs ala\ jơnau bơto bơtê kòn sau ala\  bơta di gùng niam,  bơto he git kis, oh mi tàm hìu nha\ pal kờ` gơboh  bal tam klac tam ròng bal mờ lơh jat ala\ gùng dà broa lơh bơh Đảng, Dà lơgar.

            Đơs tam hơ kờ` gơboh ùr klau la bơta đơs nàng tam bơ jồ, đơs tam ho ùr klau. Đơs tam ho kờ` gơboh ùr klau geh 2 bơta:  bơta dơ\ dùl la  đơs bơta kờ` he dê tus mờ cau he kờ` gơboh mờ kơp kờ` geh cau kờ` wơl. Jơnau đơs den niam bơne\. Bơta đơs dơ\ 2 la geh yal sa\ tờm is. Tơngu  me jơnau đơs yal  rài kis he la cau rbah ờ geh phan bơna,  ờ geh  cing sơng gơr, drap yang, sa\ tờm den ờ ờ niam,  cau gơboh ờ kờ` tus lòt đơs.

            Đơs tam hơ kờ` gơboh ùr klau sùm la geh đơs jat mờ bơta chài pơnđik,  bơh geh bơta mùl màl mờ tơnggu me bơh jơnau đơs kờ` cau đah ne kờ` wơl den tàng êt ngan geh  sơnđan mờ sùm geh jờng  bơta hàng niam,  mờ jak chài broa\ lơh bơh cau ùr.

            Bơdĩh mờ đơs tam hơ kờ` gơboh ùr klau gam geh đơs nàng kờ` lơh cau bơyô. Cau K’ho sùm đơs kờ` gh bơyô tu\ geh cau nac  tus nhơl hờ hìu hala đơs tam hơ bơh [òn do mờ [òn ndai. Cau K’ho mềr nac ngan, khi wa\ nac  jơh mờ  nùs nhơm mờ jơh mờ ala\ bơta he geh. Bulah bè hơ\, khi kung gam pơn dềt sa\ ngan mờ di mơ,  ngòt  ala\ bơta  he lơh ờ hềt di nus nhơm mờ di pal mờ cau nac. Ồng K’ Branh kis tàm kơnhoàl Lâm Hà ai git:

            Đơs tam hơ  làng bol kòn cau he dê rài yau tàm tu\ `ô  dờng sa dờng tìp mat sùm  geh đơs tam hơ, ja` sơng gơr,  dròng cing mờ hơ\ geh sền la bơìan chài rgơi yau bơh cau K’ho he. Tơnggu me bơh đơs tam hơ di gơlan la lùp lap hìu nha\ bal, nting sap pràn sa\ ja` bal mờ đơs tu\ tơngac cau nac  rê. Ai dilah đơs jờng rơ Đảng, Dà lơgar den he đơs tus bơta dong kờl bơh Đảng, Dà lơgar mờ gơnoar atbồ.

            Đơs tam hơ gam geh đơs tàm jun bau jun kòn. Cau K’ho jat đah jơi mè den tàng kòn ùr pal lòt lap bau. Khi  sền kuơ ngan bơta kơljap bơh adat bau kòn, den tàng kung geh jòi wa\ nền nòn ngan. Tàm `ô bơcik bồ,  bơdĩh mờ ala\ phan kơt bau geh kuơ gam  pal geh đơs nàng sền đah hìu cau klau. Tơnơ\ hơ\ 2 đah hơ\ sồng boh bơr lùp lap ala\ bơta pơnjat tai ai dơ\ bau bơh  ur klau kơnòm sa\ dê.

             Tàm jun bao,  den cau sùm đơs ala\ jơnau đơs geh tơnggu me  la  bơ chồt chờ nàng git gơp. Den tàng,  ala\ jơnau đơs pơnđik tam hơ neh gơ gơs la dùl  phan  nùs nhơm  pal geh tàm jun bau,  `ô bơcik bồ cau K;ho. Pơlai ngan,  tu\ do, ala\ cau git đơs ờ gam geh ua\ tai mờ gam gơbàn roh rhời jat mờ  nam nhai.

          Cau mblàng K’ Brọp