VOV4.K’ho – Nàng [uơn ai ală rơndeh rơndồ in lòt rê tàm gùng Hồ Chí Minh gơl lòt gan Tây Nguyên, tàm ờ uă tiah geh gal làng bol ơm kis gơwèt [òn dờng, thị trấn neh geh bơcri lơh ală gùng pleh. Mơya mờ broă bơcri priă, lam lơh ờ ring bal mờ gam uă bơta ờ niam, ală gơl gùng pleh do gam digơlan gơlik rềs àr. Tơnơ\ do là jơnau geh ngan tàm gùng Hồ Chí Minh gơl gùng pleh thị trấn Chư Sê, kơnhoàl Chư Sê, càr Gia Lai.

Tàm pơgap 6 nhai, tềng sơne\ 4 tam tìp đah gùng Trần Nhân Tông mờ gơl gùng pleh Hồ Chí Minh lòt gan thị trấn Chư Sê neh gơlik geh 3 dơ\ tàm tơm rơndeh, lơh 1 nă cau chơt, 3 nă cau gơtìp sồt să kơn jơ\. Uă dơ\ tàm tơm ndai kung gơlik geh tàm sơne\ 4 do lơh làng bol pal yồng is [àng yal là.

                            Gơtìp uă ngan kal ke tàm broă bơcri priă lơh gùng

“sền ngac sơne\ 4 ngòt rơngơt” nàng tơngkah cau lòt gùng in. Ồng Nguyễn Đình Luợng, ơm tàm [òn Hăng Ring, thị trấn Chư Sê pà git, gơl gùng pleh do gam geh git nđờ jơt anih tam tìp mờ ală gùng dờng, gùng càr, gùng lòt ală xã mờ gùng lòt làng bol tàm [òn dê, digơlan gơlik rềs àr mơya ală rơndeh rơndồ kung ntoat rat ngan:

“Kung go\ ngòt rơngơt ngan tu\ lòt gan tàm do, gơl gùng do den rơndeh ntoat rat ir, dilah he ma\i rơ le\ den ờ geh bơta miư, mơya khi ma\i tus 90, 100 kơi sồ tàm 1 jiơ, rat ngan gơ dê”.

Tàm khà ală gùng tam tìp mờ gùng rơndeh 14 pleh Chư Sê, tam tìp mờ gùng dờng 25 gơlik geh uă dơ\ tàm tơm ngan rlau jơh.

            Rềs àr gơbàn tàm ală tiah tìp bal mờ gùng pleh gùng Hồ Chí Minh gơl lòt gan thị trấn Cư\ Sê

Bơh bồ nam tus tu\ do neh geh 3 dơ\ tàm tơm gơlik geh tàm do, kơn jơ\ ngan rlau jơh là dơ\ tàm tơm đah 2 nơm rơndeh nac tàm àng drim gờ` ngai 24/5 lơh 7 nă cau gơtìp sồt să. Tơr gùm kờp tàm ală gùng tam tìp, 6 nhai bồ nam 2019, neh geh 8 dơ\ tàm tơm lơh 2 nă cau chơt mờ 13 nă cau gơtìp sồt să.

                       Làng bol cih is jơnau yal tềng sơne\ 4 gơbàn rềs àr uă

Jat ồng Hồ Minh Hậu, Kuang atbồ Phòng lơh sa phan bơna, Phó Kuang atbồ Ban Thường trực ờ do ờ dă gùng lòt kơn hoàl Chư Sê yal, jơh ală sơne\ 4 tơrbo\ mờ gùng pleh gơ ơm tàm tiah kùel, ờ sền loh mờ ờ geh 1 [àng yal lài halà đèng lơh tềl gùng lòt lơi geh crap tềng do. Do là ală bơta ờ niam tàm broă bơcri priă, lơh gùng lòt mờ digơlan gơlik rềs àr gùng lòt:

“Sồr mpồl atbồ rơndap broă sồ 6, gơwèt Bộ Giao thông vận tải tàm ală gùng tam tìp mờ gùng dờng den pal crap ală đèng yal tơnggit nàng tam pà gùng lòt, kờ` gàr niam ờ do ờ dă gùng lòt. Dơ\ 2 là gam wơl tàm ờ uă bă tiah tàm gơl gùng den pal lơh niam nàng gàr ờ do ờ dă gùng lòt, pơn yơu rbòng dà bơh kơi sồ 3 geh 3 anih, kơi sồ 5 gam 1 anih là pal lơh niam jơh”.

Gùng Hồ Chí Minh gơl lòt gan gùng pleh thị trấn Chư Sê geh priă bơcri lơh mờr 250 tơmàn priă bơh mpồl atbồ rơndap broă sồ 6, gơ wèt Bộ Giao thông vận tải lơh cau tờm bơcri priă. Gơl gùng geh bơceh lơh jat broă lơh gùng khà 3 tiah ring jòng rlau 10 kơi sồ 800 thơk. Gùng neh lơh gơs broă lam lơh, gam kơp sền gròi jàu ai ngui. Mờ bơta geh ngan rềs àr gùng lòt gam gơlik geh tàm gơl gùng do, dilah ờ geh broă lơh bơsong di tu\, jơnau digơlan pơn jat tai gơlik geh ală rềs àr gùng lòt là bơta ờ gơtùi pleh.

Cau mblàng K’Duẩn