VOV4.K’ho - Tàm pơrjum Uỷ ban Liên Chính phủ Công ước 2003 bè sền gàr phan lời wơl kah yau chài rơgơi ờ di phan bơna dơ\ 12 bơh UNESCO geh bơyai lơh tàm Jeju, lơgar Hàn Quốc, phan lời wơl kah yau jơnau đơs Bài Chòi tiah tàm gùl lơgar Việt Nam neh geh UNESCO cih măt dờp tàm khà măt phan lời wơl kah yau chài rơgơi ờ di phan bơna ala măt kòn bơnus.

Jơnau đơs Bài Chòi là 1 broă lơh chài rơgơi kuơ màng tàm mpồl bơtiàn, di pal mờ broă kờ` pơrài bồ tơngoh mờ iăt sền đơs crih tamya mpồl bơtiàn dê; ală jơnau tàm Bài Chòi là ală jơnau bơsram bơta niam, tơl^k nùs nhơm kờ` gơboh mờ [òn lơgar dà lơgar, broă tam klăc bal mpồl bơtiàn mờ ală jơnau mờng chài tàm rài kis làng bol.

Broă UNESCO cih măt jơnau đơs Bài Chòi tiah tàm gùl lơgar Việt Nam tàm khà măt phan lời wơl kah yau chài rơgơi ờ di phan bơna ala măt kòn bơnus neh tơngo\ bơta niam chài rơgơi geh uă bơta lơgar Việt Nam dê, broă pơgồp bal mpồl bơtiàn, pơnyờ să g^t jơnau bal uă bơta chài rơgơi, lam sồr cri bơyai bal bơh ală cau, ală mpồl bơtiàn mờ ală jơi bơtiàn kòn cau ndai tài broă sơrmah sơrmài, gơboh kờ` mờ nùs nhơm dong kờl is di jăt bơta niam chài mờ bơta kờ` bơh Công ước 2003 dê bè sền gàr phan lời wơl kah yau chài rơgơi ờ di phan bơna UNESCO dê.

Cau cih mờ yal tơng^t Ndong Brawl