VOV4.K’ho - Jăt ală kuang bàng yal, tơngu me jơnau lùp Thủ tướng Chính phủ geh đơs tus uă broă kuơ màng, broă lơh dờng ơnàng mờ kung là ală broă pal bơsong kờ` tơnguh bơtàu lơh sa mpồl bơtiàn.

Bơh jơnau bè tàm dơlam broă bơ\t bơtàu Chính phủ bơceh pa, bơ\t bơtàu [òn drà ngăc ngar tus mờ broă tơmù broă ờ ndrờm bal pas mờ rơ[ah bơh ală tiah dê, bơsong kal ke tàm ală rơndăp broă lơh BOT gùng lòt tus mờ broă cổ phần jơh anih lơh sa kă bro Dà lơgar.

Đơs niam jơnau hơ bơh Thủ tướng dê bè ală broă do, ồng Nguyễn Thái Học, mpồl kuang bàng Quốc hội càr Phú Yên đơs là: Broă lơh ngan bơh Thủ tướng neh loh làng, mơya mùl màl uă kuang bàng gam ờ sền gròi tus.

Do là broă kuang bàng sền gròi ngan, lơh bè lơi geh broă lơh ndrờm bal tàm broă đơng lam, lam sồr, bơh cau lam bồ là Thủ tướng tus mờ Bộ trưởng, atbồ gah lơh broă tus mờ kuang bàng đơng lam ală càr, [òn dờng. Bè hơ\, ală broă gam gơbàn kal ke jo\ jòng hơ\ sồng geh tơmù. Ồng Nguyễn Thái Học pà g^t:

-Geh uă ngan broă kuang bàng Quốc hội mờ să tòm a` ring nùs bal, sền gròi, kơ\p kờ` tàm broă lơh ngan bơh Thủ tướng dê. A` kơ\p kờ` là lơh bè lơi bơh nùs nhơm đơng lam nền nòn bơh Dà lơgar, Chính phủ den geh ai tơl^k broă tam gơl bè bồ tơngoh kơlôi sơnơng, broă lơh, nùs nhơm niam tàm broă đơng lam atbồ Dà lơgar, lơh bè lơi broă lơh Dà lơgar dê pal geh mu\t ndrờm bal, lơh ngan di mờ nùs nhơm bơh Đảng dà lơgar, Chính phủ mờ Thủ tướng Chính phủ dê.

Di nùs mờ tơnguh me jơnau hơ bơh Thủ tướng, ală kuang bàng đơs là, cau lam bồ Chính phủ neh sền di mờ song dơ pă bè kal ke tòm bơh dà lơgar dê tàm nam 2017 bal mờ ală nam pơn jăt tai, hơ\ là bơta niam tơnguh lơh sa. Bal mờ jơnau yal tềng đăp Quốc hội, Thủ tướng neh hơ tơl, làm jơh ală bơta, bơsong geh broă kung bè ai tơl^k gùng dà broă lơh cau te\ khà bal mờ kuang bàng Quốc hội kơ\p kờ`.

Di nùs mờ jơnau hòi jà bơh Thủ tướng tus mờ ală anih lơh sa kă bro, ală anih lơh sa kă bro bơcri priă ba` tă is priă kờ` jòi geh rơndăp broă lơh. Ồng Lưu Bình Nhưỡng, mpồl kuang bàng Quốc hội càr Bến Tre đơs là:

-Jơnau đơs bơh Thủ tướng dê tàm do jơnau bal. Dùl bơnah kờ` đơng lam tus mờ ală anih lơh broă, gah, mpồl lơh broă tàm ală càr, [òn dờng, ală cau geh at gơnoar gơrềng bal tus mờ rài kis bơh ală anih lơh sa kă bro ba` lơh kal ke tus mờ anih lơh sa kă bro, tàm hơ\ kuơ màng ngan ba` ai geh anih, lơh geh anih să tòm kờ` geh kuơ is bơh anih lơh sa kă bro.

Bơta ndai tai kung đơs tòm, ală anih lơh broă geh gơnoar ba` rồn bơklơn anih lơh sa kă bro, rồn bơklơn làng bol. Do là jơnau đơs bal niam ngan.

Dùl tàm ală broă geh uă kuang bàng lùp Thủ tướng là broă sa kuề sa koà. Ồng Ngọ Duy Hiểu, mpồl kuang bàng Quốc hội [òn dờng Hà Nội đơs niam broă lơh ngan bơh Thủ tướng dê tàm broă lơh do mờ đơs là, broă lơh ngan pràn kơl dang bơh Thủ tướng là broă pơn jăt tai lơh mùl màl jơh ală gùng dà broă lơh bơh Đảng tàm broă tam dră mờ sa kuề sa koà:

-Nùs nhơm kơlôi sơnơng bơh Thủ tướng dê neh ai go\ tàm dơ\ tam dră do ờ geh tiah kơrian, ờ lơh bu\ rơkì. A` kơlôi là tàm tơngai lài do broă tam dră do neh tơl^k uă anih đơng lam tàm kơnă dờng ngan.

Tàm uă càr, [òn dờng, uă gah lơh broă krơi is ndrờm gơbàn lơh glài tềng đăp mờ adăt boh lam, a` pin là nùs nhơm kơlôi sơnơng hơ\, broă lơh ngan hơ\ geh pơn jăt tai lơh tàm tơngai tus mờ he geh gơnoar pin dờn ală cồng nha bơh dơ\ tam dră kal ke ngan do.

Ală kuang bàng đơs, tàm bơnah hơ jơnau lùp, Thủ tướng gam đơs tus tơl dơ\ sào cau lơh broă tàm anih lơh sa kă bro dê, ală jơnau đơs pơniơu geh pơnrơ ngan, niam bơne\ ngan tàm tơl tiah lơh sa kă bro pà go\ Thủ tướng là cau ờ ngòt glar bòl tus mờ mùl màl, `hăp `har mờ đềt mềr mờ rài kis làng bol.

Mờ ală jơnau hơ, jơnau đơs tòm bơh cau lam bồ Chính phủ dê tàm dơ\ hơ jơnau lùp neh tơngo\ lài ngan pơlam nùs nhơm, tơl^k nùs nhơm pin dờn ai ală kuang bàng Quốc hội in tàm broă lơh jăt ală gùng dà, broă lơh bơh Đảng, Dà lơgar dê kờ` bơ\t bơtàu niam wơl dà lơgar mờ broă tơnguh bơtàu lơh sa, bơta chài rơgơi mpồl bơtiàn.

Cau cih mờ yal tơng^t Ndong Brawl