VOV4.K’ho - Tơnơ\ mờ tu\ geh Gơnoar ala măt dà lơgar pồ lơh kuang gơs gơnăp gơnoar atbồ hờ đang rơlao jơh dà lơgar, Kuang gơs gơnăp gơnoar atbồ hờ đang rơlao jơh dà lơgar neh yal jơnau hơ dờp at gơnoar, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh ai tơngai hơ jơnau lùp bơh cau ai tơng^t jơnau đơs Việt Nam. Tơnơ\ do là tơngu me tòm bơh dơ\ hơ jơnau kuơ màng mờ ồng Nguyễn Xuân Phúc:

-Lài jơh dan chờ gờm ồng pa geh Gơnoar ala măt dà lơgar pồ lơh Kuang gơs gơnăp gơnoar atbồ hờ đang rơlao jơh dà lơgar Cộng hoà xã hội chủ nghĩa Việt Nam, dan ồng pà g^t bè nùs nhơm kơlôi sơnơng ồng dê?

Thủ tướng Nguyễn Xuân Phúc: A` go\ là: do là 1 broă pơnyờ să ngan, mơya kung là kơnòl uă ngan mờ Đảng, Dà lơgar bal mờ làng bol neh jàu. A` geh bal mờ ală kuang bàng tàm Gơnoar ala măt dà lơgar lơh ngan lơh jăt niam gơnoar, kơnòl jăt mờ kơrnoăt sơnoa boh lam; adăt boh lam; bơ\t bơtàu Gơnoar atbồ lơgar kloh niam, pràn kơl dang, tam klăc, ring bal, lơh ngan lơh broă, `hăp `har bơceh pa, geh cồng nha, jơh nùs, jơh pràn drơng broă làng bol.

-Tàm tơngai do, làng bol bal mờ cau te\ khà gùt lơgar di nùs nhơm tềng đăp mờ ală broă lơh ngan đơng lam, di tu\ mờ đềt mềr bơh ồng dê tềng đăp mờ ală broă gơl^k geh uă dà lơgar dê, bè hơ\ tàm tơngai tus, tàm gơnoar là kuang gơs gơnăp gơnoar atbồ hờ đang rơlao jơh dà lơgar, ồng gơtùi pà g^t ală broă ai lơh lài ồng dê tàm broă đơng lam?

Thủ tướng Nguyễn Xuân Phúc: Tàm tơngai tus, Kuang gơs gơnăp gơnoar atbồ hờ đang rơlao jơh dà lơgar bal mờ mpồl kuang bàng tàm Gơnoar atbồ lơgar geh lơh ngan tơmù ală broă lơh ờ pràn, tơnguh broă lơh tòm, pơn jăt tai chồl pràn tơl ală bơta tàm broă tam gơl pa mờ tơrgùm bal mờ dunia, lơh ngan lơh geh cồng nha ală khà geh ai, ală kơnòl tơnguh bơtàu lơh sa-mpồl bơtiàn neh geh ai. Ờ uă broă lơh tòm geh ai lơh lài tàm broă đơng lam là:

Lài ngan, ring niam broă lơh sa dờng, chồl pràn broă tơnguh lơh sa.

Dơ\ 2, tơrgùm lơh niam wơl sră nggal, ai tơl^k bơta niam, bơta [uơn làng bol bal mờ anih lơh sa kă bro in, lam sồr mu\t lơh broă, tơnguh broă khăt gơboh bơceh pa, sền kuơ broă ngui cau jăk chài, hòi jà ală bơta pràn tus bal mờ broă tơnguh bơtàu.

 Dơ\ 3, tơnguh broă lơh jăt kơrnoăt boh lam tàm broă lơh sră nggal dà lơgar bal mờ tàm gùt mpồl bơtiàn.

Dơ\ 4, lơh ngan sơndră mờ sa kuề sa koà, hoàc huơr.

Dơ\ 5, lơh ngan, lơh sùm tam dră sền gàr kơl jăp gơnoar krơi is ù tiah dà lơgar.

Dơ\ 6, sền kuơ broă sền gàr rài kis phan bơna, nùs nhơm, tơl niam lơngăp lơngai, ờ do ờ dă làng bol in. Tềng đăp măt, tơrgùm ring niam rài kis làng bol tàm tiah gơtìp rềs àr, trồ prang, dà hang mu\t, sơndră mờ kòp gơtòp mờ gàr kloh niam ờ do ờ dă tàm phan sa.

-Tàm gơnoar atbồ pa là cau lam bồ Gơnoar atbồ lơgar, ồng geh jơnau yal lơi kờ` pơyoa tus mờ cau te\ khà bal mờ làng bol gùt lơgar, cau lơgar Việt Nam kis hờ lơgar bơdìh kung bè ală lơgar tàm dunia?

Thủ tướng Nguyễn Xuân Phúc: Ală cồng nha dờng màng tàm broă bơ\t bơtàu mờ sền gàr dà lơgar mờ he neh geh tàm ală nam do là kơnờm mờ broă lơh ngan bơh gùt Đảng, gùt ling klàng, gùt làng bol, bal mờ mpồl bơtiàn anih lơh sa kă bro bal mờ làng bol lơgar Việt Nam kis hờ lơgar bơdìh dê. He neh tus bal bơ\t bơtàu mờ tơnguh bơta pràn mpồl tam klăc gùt jơi bơtiàn kòn cau, pơgồp bal bơta pràn rài bơ\t bơtàu dà lơgar Việt Nam Xã hội Chủ nghĩa, làng bol pas gơs, dà lơgar pràn kơl dang, lơh tòm, ndrờm bal, jăk chài. Gơnoar atbồ lơgar ưn ngài mờ kơ\p kờ` pơn jăt tai geh dờp broă lơh bal, dong kờl bal bơh ală Gơnoar atbồ lơgar, làng bol ală lơgar, ală mpồl lơh broă dunia bal mờ ală lơgar tàm dunia dê.

-Ưn ngài ồng uă ngan!

Cau cih mờ yal tơng^t Ndong Brawl