VOV4.K’ho – Ală nam pa do, tàm srơh lơh hìu ma\i pờ tơlik ồs đèng, tàm kơnhoàl r[ah tiah nhàr dà lơgar Đăk Glei, càr Kon Tum geh tus 11 rơndap broă lơh mờ kờp jơh bơta pràn lơh gơlik rlau 150MW. Càr Kon Tum kơp gơn, ală rơndap broă lơh do gơtùi tơnguh bơta pràn, chồl pràn bơtàu tơnguh lơh sa mpồl bơtìan tàm kơnhoàl r[ah Đăk Glei. Mơya tus tu\ do, rlau 10 nam neh sơr lèt gan, mìng geh 1 hìu ma\i pờ tơlik ồs đèng geh lơh gơs mờ bơta pràn lơh gơlik mìng geh 7MW. Ală rơndap broă lơh gam wơl ndrờm lơyài tơngai neh pơrgon, ờ lơh tai mờ geh tu\ dùl êt tai là lơh gơbàn rềs àr.

Sùm tàm uă dơ\ pơrjum HĐND càr Kon Tum dê, mò Y Thanh, Phó Bí thư Huyện ủy Đăk Glei ndrờm lùp Sở Công thương càr do dê bè ală bơta ờ niam bơh rơndap broă lơh hìu ma\i pờ tơlik ồs đèng Đăk Mi 1 bơh Kong ti Cổ phần Quang Đức Kon Tum lơh cau tờm bơcri priă.

                              Hìu đơng lam hìu ma\i pờ tơlik ồs đèng Đăk Mi 1 til mpồng bơh uă nam do

Jat mò Thanh đơs, rlau 10 nam do, broă kong ti ndrờm bè ờ lam lơh rơndap broă do neh lơh rài kis ală hìu bơnhă làng bol tàm tiah rơndap lài lơh hìu ma\i pờ tơlik ồs đèng gơtìp uă ngan kal ke:

“Rơndap broă do lam lơh neh lơh aniai tus 32 hìu bơnhă làng bol bơh thôn Kon Năng mờ Bê Rê, xã Đăk Choong dê. Tu\ do, ală hìu bơnhă do kờ` lơh hìu nàng gàr kơ\ kơljap rài kis den ală bă tiah do neh geh rơndap lài nàng lơh hìu ma\i pờ tơlik ồs đèng. Rơndap broă lơh [òn ơm kis pa ai làng bol in tus tu\ do ờ hềt go\ lơh jat bè jơnau neh hơ pơrgon mờ ală hìu bơnhă làng bol sơl. Gơwèt mờ kuang đơng lam bồ kong ti, tu\ do ờ geh mat tàm tiah lơh rơndap broă, bơta kal ke ngan ai broă mờ [òn lơgar pơ gồp bal bơsong ală jơnau ờ suk bơh làng bol dê”.

Ală bơta lơi gam gơlik geh tàm rơndap broă lơh hìu ma\i pờ tơlik ồs đèng Đăk Mi 1 tàm xã Đăk Choong, kơnhoàl Đăk Glei gam ờ niam uă rlau mờ jơnau yal mờ mò Y Thanh neh đơs. Tàm bơta trồ tơngai duh rơ ồl bơh kàl rlô bơkang dê, ală hìu bơnhă làng bol gơwèt cau pal ntrờn tiah ndai pal ơm kis tàm ală hìu dềt, lơyah bè hìu kù lơm.

Rlau 10 nam, bulah hìu đam neh gơbàn ờ niam, sèt, `hat sùh, làng bol kung ờ gơtùi lơh hìu tài bơh kòl rơndap lơh hìu ma\i pờ tơlik ồs đèng mờ bal mờ hơ\ là broă lơh sa gơtìp kal ke. Jo\ jòng kis tàm bơta kơp gơn rơndap [òn ơm kis mờ tiah lơh sa pa, rài kis bơh 32 hìu bơnhă làng bol tàm 2 thôn Kon Năng mờ Bê Rê dê ngai sơlơ kal ke.

Bi A Chép, atbồ thôn Kon Năng pà git:

“Tàm 10 nam do, ù tàm rơndap lơh tơnau dơng dà bơh Kong ti dê neh gơtìp aniai, den làng bol ờ geh tam chi tam jo\ nam. Kong ti kung pơgồp bal mờ xã tus tàm thôn nàng lơh sră, lơh broă rơndap lài ù tiah nàng cò tơn ring thôn in. Mơya pơrgon sùm bơh nhai do tus nhai ne, tus tu\ do kung ờ hềt go\ cò tơn ring ù thôn in nàng lơh hìu đam sơl. Tu\ do, hìu đam bơh làng bol dê kung neh gơtìp ờ diơng ngan tài tàm 10 nam ờ geh lơh niam wơl hìu đam”.

Tàm 11 rơndap broă lơh hìu ma\i pờ tơlik ồs đèng tàm kơnhoàl Đăk Glei den 8 rơndap broă neh geh gùng dà broă lơh bơcri priă, mờ bơta pràn lơh gơlik rlau 137MW mờ 3 rơndap broă ờ hềt geh gùng dà broă lơh bơcri priă mờ bơta pràn lơh gơlik 15MW. Tus tu\ do neh rlau 10 nam, tàm kơnhoàl do mìng geh 1 rơndap broă lơh Đăk Bru 1 tàm xã Đăk Nhoong geh bơta pràn lơh gơlik 7MW geh lơh gơs mờ geh ai ngui. Ală rơndap broă lơh gam wơl jơh ală ndrờm tàm bơta lơyài tơngai lam lơh, ờ lơh tai, geh tu\ dùl êt tai gời là lơh gơlik rềs àr.

                                          Ală hìu sèt làng bol thôn Kon Năng dê

Geh tus 3 rơndap broă lơh hìu ma\i pờ tơlik ồs đèng tàm xã Đăk Choong, den xã do là tiah kong jơnau gơ lời wơl uă ngan rlau jơh mờ srơh rơndap lài ù tiah, bơcri priă lơh hìu ma\i pờ tơlik ồs đèng lơh gơlik tàm kơnhoàl Đăk Glei.

Tàm tu\ 2 rơndap broă lơh là Đăk Mi 1 mờ Đăk Mi 1A bơh Kong ti Cổ phần Quang Đức Kon Tum lơh cau tờm bơcri priă, kờp jơh bơta pràn lơh gơlik là 95MW ờ geh lơh tai, tus tu\ do neh rlau 10 nam, den hìu ma\i pờ tơlik ồs đèng Đăk Mek 3 lơh làng bol mờ gơ noar atbồ tàm tiah do dùl dơ\ ngòt ngan.

Hìu ma\i pờ tơlik ồs đèng do geh bơta pràn lơh gơlik là 7,5MW bơh Kong ti Cổ phần hìu ma\i pờ tơlik ồs đèng Hồng Phát Đăk Mek lơh cau tờm bơcri priă. Ngai 22/11/2012 gơlik geh bơta bơcah bơ tơt dơng dà hìu ma\i pờ tơlik ồs đèng lài mờ tơngai dơng dà. Broă lơh do tu\ do gơ gơs là bơta kơn jơ\ gơ wèt mờ tiah ơm kis, gơ wèt mờ broă lơh atbồ mờ gơ gơs là dồs neh rlau tơngai hơ tơm mờ Ngân hàng Nông nghiệp Phát triển nông thôn Việt Nam tàm càr Kon Tum ờ hềt git tus tu\ lơi hơ\ sồng gơtùi ai.

                    Hìu ma\i pờ tơlik ồs đèng Đăk Mek 3 tơ nơ\ dơ\ bơcah tơnau dơng dà lời wơl uă jơnau ờ niam

Geh dùl bơta geh ngan ờ niam, hơ\ là kờp bơh tu\ ală rơndap broă lơh hìu ma\i pờ tơlik ồs đèng tàm kơnhoàl Đăk Glei geh jàu tàm tê ală cau bơcri priă, gơ noar atbồ tàm [òn lơgar mờ gah lơh broă geh gơ noar tàm kơnhoàl gơ lơh ờ gơ dan ngan pah tu\ kờ` lơh broă mờ mpồl lơh sa kă bro.

Ồng Nguyễn Khắc Trúc, Phó Kuang atbồ Phòng lơh sa phan bơna kơnhoàl Đăk Glei pà git dùl jơnau ai lơh pơn yơu ngan ngồn bè broă lơh bơh cau tờm bơcri priă lơh hìu ma\i pờ tơlik ồs đèng Đăk Mi 1 mờ Đăk Mi 1A dê bè do:

“Gơ rềng tus hìu ma\i pờ tơlik ồs đèng do den kơnhoàl kung bè anih lơh broă ờs mờng bơh Phòng lơh sa phan bơna dê den neh uă dơ\ cribơyai tơn kung bè mờ sră nggal mờ kong ti. Mơya nùs nhơm lơh broă bal kung bè pơgồp bal bơh kong ti dê là ờ niam. Kong ti uă ngan là sồr ală cau ala mat tus, ờ di là sồr kuang đơng lam bồ kong ti dê tus lơh broă tơn mờ kơnhoàl, den tàng broă pơgồp bal mờ kơnhoàl nàng chồl mhar tơngai lam lơh rơndap broă gơtìp uă ngan kal ke”.

Tàm pơrjum dơ\ 8, HĐND càr Kon Tum khoá 11 geh lơh pa do, tềng đap jơnau lùp bơh kuang bàng dê, ndrờm bè uă dơ\ pơrjum lài sơl, ồng Lê Như Nhất, Kuang atbồ Sở Công thương càr Kon Tum uă ngan là ơm wơl tàm broă yal ală bơta gơlik geh. Kung neh geh 2, 3 broă lơh geh ai tơlik nàng sơlơ tơnguh rlau tai broă atbồ mờ tơn jơh ală jơnau ờ niam gơ lời wơl mờ ală rơndap broă lơh hìu ma\i pờ tơlik ồs đèng lơh gơlik tàm kơnhoàl r[ah Đăk Glei mơya kung ờ hềt mùl màl sơl:

“Sở Công thương bol a` pơn jat tai đơng lam, bal mờ ală mpồl lơh broă geh gơ rềng lam lơh lòt sền broă lơh jat ală jơnau cih bơh adat boh lam dê bè bơcri priă bơt bơtàu, ai ngui ală broă lơh hìu ma\i pờ tơlik ồs đèng tàm càr đơs bal kung bè tàm kơnhoàl Đăk Glei đơs is. Pơlam kung bè sồr ală cau tờm bơcri priă pal yal broă rơndap lơh mùl màl tàm tu\ lam lơh jat di mờ jơnau cih bơh adat boh lam dê”.

                          Bơta ờ niam tàm rơndap broă lơh pờ tơlik ồs đèng Đăk Mek 3

Jơnau gơ lời wơl broă lơh lơh hìu ma\i pờ tơlik ồs đèng jat srơh, rơndap ù tiah lơh rơndap broă ur ar, ờ kơ\ tàm broă lơh atbồ; jàu tìs rơndap broă lơh hìu mai\ pờ tơlik ồs đèng tàm tê mpồl lơh sa kă bro ờ mìng ờ geh mờng chài lơh broă, mờ gam ờ tơl priă jền tai, gam lời wơl uă jơnau ờ niam jơh bal bè lơh sa mờ mpồl bơtìan tàm kơnhoàl r[ah Đăk Glei bơh càr Kon Tum dê.

Mùl màl lơh hìu ma\i pờ tơlik ồs đèng tàm kơnhoàl do tàm rlau 10 nam do kung ai go\, ờ mìng ờ gơtùi bơtàu tơnguh bơta pràn mờ ală rơndap broă lơh hìu ma\i pờ tơlik ồs đèng gam lời wơl uă jơnau ờ niam ai jơh bal làng bol mờ gơ noar atbồ tàm tiah do in mờ ờ hềt git tus tu\ lơi den hơ\ sồng gơtùi bơsong jơh jơnau ờ niam gơ lời wơl.

Cau mblàng K’Duẩn