VOV4.K’ho– Kơrnuat boh lam dong kờl cau geh màng mờ dà lơgar (tam gơl), geh ală kuang geh jơng tàm Ủy ban Thường vụ Quốc hội cribơyai tàm dơ\ pơrjum pa do. Ală kuang bàng neh ring bal, gàr bè ờs 12 mpồl cau geh dờp broă dong kờl cau geh màng mờ dà lơgar jat kơrnuat boh lam gam ngui tu\ do. Mơkung kơ lôi sơ nơng nền nòn bè ală tơl khà nàng dờp cau ling chơt màng tàm rài ring lơngai

Ủy ban Thường vụ Quốc hội đơs nền, broă lơh sir chính sách, adat boh lam bè dong kờl cau geh màng mờ dà lơgar nàng kờ` tam gơl gơs thể chế gùng dà “lam lơh niam broă lơh dong kờl gơ wèt tus mờ cau mờ hìu bơnhă geh màng mờ dà lơgar”, “ngai sơlơ tam gơl, bơtàu tơnguh rài kis phan bơna mờ nùs nhơm bơh cau geh màng mờ dà lơgar dê”.

Chủ nhiệm Ủy ban niam chài, bơto bơsram, ơruh pơnu, kơnòm pa tàu mờ kơnòm dềt bơh Quốc hội dê, ồng Phan Thanh Bình đơs là: “Tàm tơngai pa, bol he geh cau ling khin cha jak chài, cau ling chơt màng, pal lơh loh ală jơnau gơ tha bơh ală cau do dê, mơya dờn dờp cau ling chơt màng mờ geh broă dong kờl. Mè Việt Nam khin cha jak chài, bol he geh 132 rbô nă, mơya tu\ do gam kis ờ hềt tus 13 rbô nă. Jat a` sơ nơng den gơ wèt mờ mè Việt Nam khin cha jak chài pal sền gròi tơl làm, ba` kờp là 1 halà 2 nă kòn. Ờ lơh nền nòn den ală mè neh dờng sơnam ngan bloh. Bal mờ broă lơh do den bol he pal lơh niam broă lơh dong kờl mpồl bơtìan, sền tàm do ờ di là broă chính sách, là nùs nhơm, tàm do là bol he kơ lôi rơcang ai ală cau neh tă pơgồp dà lơgar in”.

Ală jơnau đơs sồr pal bơ tơl tai broă dong kờl bảo hiểm y tế mờ ies, tơp [ồc gơ wèt tus mờ pơ ùr halà bơklau cau ling chơt màng bau tai; jơnau đơs ndai den sồr mìng bơ tơl pria\ kơ lôi rơcang ies, tơp [ồc gơ wèt tus mờ cau geh rài kis kal ke. Mơkung pal bơ tơl tai ală broă dong kờl ndai bè broă ròng siam, dong kờl bè hìu ơm gơ wèt tus mờ pơ ùr halà bơklau cau ling chơt màng ờ bau tai.

Chủ tịch Quốc hội, mò Nguyễn Thị Kim Ngân pà git: “A` ring bal mờ broă rơndap lơh gơ wèt tus mờ pơ ùr halà bơklau cau ling chơt màng dê bau tai mơya kung gam ròng kòn tus dờng mờ ròng siam mè bèp cau ling chơt màng den bol he geh rề ơnàng tai broă lơh dong kờl bảo hiểm y tế. A` go\ dipal mờ cau kung gam sồr lơh broă do nàng sơ nơng tus broă kơp kờ` geh dong kờl bảo hiểm y tế”.

Tàm pơrjum pa do, ală kuang bàng tàm Ủy ban Thường vụ Quốc hội kung sồr, gàr bè ờs 12 mpồl cau geh dờp broă dong kờl cau geh màng mờ dà lơgar jat kơrnuat boh lam gam ngui tu\ do, ờ hềt bơ tơl broă dong kờl ai rơnàng dơ\ 3 gơtìp sơ nơm khih điôxin lơh aniai. Đơs tus broă atbồ kơ\, geh cồng nha pleh gơbàn hoàc huơr mờ sơ mờm broă dong kờl, Chủ tịch Ủy ban Tài chính, Ngân sách bơh Quốc hội dê, ồng Nguyễn Đức Hải sồr: “Tu\ do, làng bol tàm kấp hơđơm kờ` broă atbồ bơta dong kờl tus mờ cau gơtìp sơ nơm khih điôxin lơh aniai mờ broă dong kờl ai ơruh pơnu lam lài in. dilah bol he lơh ờ di den rơp gơ lời wơl jơnau ờ niam. Pal sền sơ wì di bă tiah, geh jơnau tơnggit bè ală broă mờ bol he ờ ai lơh den neh git go\ geh broă sơ mờm halà ai kươ bơh broă lơh dong kờl do. Sền go\ cau lơi geh màng mờ dà lơgar den he pà khà jờng, ai cau lơi sơ mờm den bol he pal lơh glài dùl bă krà` cê”.

Bè tơl khà nàng dờn dờp cau ling chơt màng, Ủy ban Thường vụ Quốc hội kung ring bal mờ jơnau rơcang cih kơrnuat boh lam cih bè ală mpồl cau “Khin cha jak chài lơh ală broă lơh ngòt rơngơt, jal mhar nàng dong kờl cau, dong kờl phan bơna bơh dà lơgar, làng bol dê… bơta do geh pơrya jờng rơ, bơ to bơtê, lơh gơ rề ua\ tàm mpồl bơtìan.

Tă pơgồp jơnau đơs bè broă do, Chủ tịch Quốc hội, mò Nguyễn Thị Kim Ngân đơs loh: “A` go\ là pal kơ lôi sơ nơng nền nòn nàng lơh loh jơnau gơ tha bơh broă cau ling chơt màng phi să tàm rài tam lơh den loh làng, mơya tu\ do rài ring lơngai do, bilah bol he ờ cih nền nòn, cau lơi kung sồr lơm. Khat dùl bơta roh rui lơi bol he kung sồr dờp là cau ling chơt màng den pal sền sơ wì nền nòn. A` go\ là khin cha lơh ală broă lơh ngòt rơngơt nàng dong kờl cau, dong kờl phan bơna bơh dà lơgar, làng bol dê den ală cau do hơ\ sồng geh pơrya jờng rơ, bơ to bơtê mờ là rùp să bơh bơta phi să, gơ rề ua\ tàm mpồl bơtìan”.

Chủ tịch Quốc hội kung sồr gàr bè ờs kơrnuat khà dong kờl nàng cau Mè Việt Nam khin cha jak chài in gơtùi gàr niam rài kis, ờ tam cah is khà kòn phi să là ling chơt màng. Sồr tơnguh khà dong kờl duh khoai cau ling chơt màng. Bal mờ hơ\, mpồl cih gơs kơrnuat boh lam pal pơn jat tai lơh loh cau geh dờp Huân chương mờ Huy chương mờ jàu Chính phủ in cih mùl màl.

Cau cih Lại Hoa – Cau mblàng K’Duẩn