VOV4.K’ho - Dơ\ te\ khà kuang bàng Quốc hội khóa 15 mờ kuang bàng HĐND ală kấp, tơngai lơh broă bơh nam 2021 tus nam 2026 kờp du\ geh lơh tàm ngai rlô, ngai 23/5/2021. Do là jơnau chính trị kuơmàng ngan bơh dà lơgar dê nàng kờ` rơ wah, pồ ală kuang bàng pơn rơ jak, dipal ala mat ai bơta kơp kờ`, nùs nhơm mờ gơnoar lơh tờm bơh làng bol dê in tàm Quốc hội mờ HĐND ală kấp tơngai lơh broă pa, tă pơgồp jơh nùs tàm broă lơh bơt bơtàu, gàr kơ\ mờ lơh niam dà lơgar gơnoar adat boh lam xã hội chủ nghĩa bơh làng bol dê, tài làng bol, tềng đap bơta đơng lam bơh  Đảng Cộng sản Việt Nam dê. Rơcang lài ai jơnau kuơmàng do in, Bộ Chính trị neh geh jơnau sồr bè broă đơng lam dơ\ te\ khà kuang bàng Quốc hội khóa 15 mờ dơ\ te\ khà kuang bàng Hội đồng Nhân dân ală kấp, tơngai lơh broă bơh nam 2021 tus nam 2026.

Nàng dơ\ te\ khà kuang bàng Quốc hội khóa 15 mờ te\ khà kuang bàng HĐND ală kấp tơngai lơh broă bơh nam 2021 tus nam 2026 lơh geh cồng nha niam, Bộ Chính trị sồr ală kấp ủy, ală mpồl duh broă Đảng đơng lam, pơlam lơh jat niam ală kơ nòl tơ nơ\ do:

1. Bơt bơtàu broă rơndap lơh mùl màl nàng đơng lam, pơlam lơh geh cồng nha dơ\ te\ khà, gàr niam dơ\ te\ khà geh lơh làng bol lơh tờm, ring bal, di mờ adat boh lam, ờ do ờ dă, tềm pềr mờ ngan ngồn là ngai chờ bơh jơh gùt làng bol dê.

2. Đơng lam lơh niam broă lơh kuang bàng, gàr niam broă tơnguh làng bol lơh tờm mờ bơta đơng lam tơr gùm bal, ring bal bơh Đảng dê tàm broă lơh kuang bàng. Pơgồp bal cồng nha broă lơh kuang bàng bơh pơrjum đảng ală kấp mờ broă rơndap lài kuang bàng mờ broă lơh rơcang lài kuang bàng nàng yal ală cau geh pơn rơ jak bè nùs nhơm, pràn jak, geh gùng dà, broă lơh chính trị kơ\ kơljap, tơl khà jat jơnau cih bơh adat boh lam dê, geh tơl bơta nàng lơh kơnòl broă tus bal lơh kuang bàng Quốc hội mờ kuang bàng HĐND. Krà` cê ờ yal tơnggit cau tơlik mat te\ khà lơh kuang bàng Quốc hội, Kuang bàng HĐND ală kấp là ală cau ờ dipal, ờ tơl khà, ngan là ală cau ờ niam bè nùs nhơm, sa kuề sa kùa, tac bro gơnoar broă, pơhề pơhà, lơh roh bơta tam klac bal, lơh gơ rềng ờ niam tus bơngă pin dờn bơh Đảng mờ dà lơgar dê.

3. Lơh ngan yal tơnggit, rơwah, pồ ală kuang bàng Quốc hội mờ Kuang bàng HĐND ngan ngồn pơn rơ jak, dipal ala mat ai bơta kơp kờ`, nùs nhơm mờ gơnoar lơh tờm bơh làng bol dê; gàr tơl khà, tơl bơta niam, geh rơndap tap sèng dipal, tàm hơ\ ai tơl khà, bơta niam kuang bàng lơh tờm, ờ di tài rơndap tap sèng mờ tơrmù [à tơl khà. Lơh ngan pồ tơl 500 nă kuang bàng Quốc hội mờ geh khà kuang bàng Quốc hội lơh broă sùm.

4. Broă rơwah, yal tơnggit cau tơlik mat te\ khà lơh kuang bàng Quốc hội, Kuang bàng HĐND pal lơh jat di jơnau cih bơh adat boh lam dê mờ jơnau pơlam bơh ală anih lơh broă dà lơgar geh gơnoar dê. Ală kấp ủy Đảng tơrgùm đơng lam, pơlam mờ dờp kơnòl tàm broă bơyai lơh cribơyai, yal tơnggit cau tơlik mat te\ khà lơh kuang bàng Quốc hội, Kuang bàng HĐND ală kấp; tơnguh gơnoar lơh tờm bơh làng bol dê tàm broă lơh te\ khà, gàr niam ală bơta [uơn nàng tơl nă cau in geh lơh tơl làm gơnoar tơlik mat te\ khà, lòt te\ khà jat jơnau cih bơh adat boh lam dê.

5. Kơlôi sơnơng tam gơl, bơ tơl mùl màl, nền nòn ală jơnau cih bè kơnòl, gơnoar mờ bơta pơgồp bal bơh ală anih lơh broă, mpồl lơh broă drơng broă lơh te\ khà, rơndap broă sồr cau tơlik mat te\ khà, broă tam pà cau tơlik mat te\ khà kuang bàng Quốc hội, Kuang bàng HĐND; broă mblàng yal, lam sồr te\ khà; bơsong jơnau yal yă, yal khài. Cih mùl màl gơ wèt tus mờ broă tơlik mat te\ khà is, pal geh broă rơndap lơh nền nòn, di mờ jơnau cih bơh sơnua boh lam mờ adat boh lam dê. Cih loh làng broă lơi gơtùi lơh, broă lơi ờ gơtùi lơh tàm lam sồr te\ khà; pleh bơta lam sồr ờ niam; bơsong geh cồng nha ală bơta ờ niam tàm broă bơyai lơh te\ khà kuang bàng Quốc hội, Kuang bàng HĐND ală khóa pa do.

6. Đơng lam niam  broă lơh mblàng yal, bơ to bơtê ua\ tàm jơh gùt Đảng, jơh gùt làng bol mờ jơh gùt ling klàng bè pơrya kuơmàng bơh dơ\ te\ khà ê; ală jơnau cih bơh Adat Te\ khà kuang bàng Quốc hội, Kuang bàng HĐND; bè bơngă, gơnoar broă bơh cau ala mat làng bol dê; bè gơnoar, kơnòl bơh làng bol dê tàm broă bơt bơtàu mpồl kuang bàng duh broă dà lơgar sàng kloh, pràn kơldang, kơ\ kơljap, lơh broă geh cồng nha. Lam sồr tơl nă cau te\ khà git is, jơh nùs mờ rơcang làu tus bal te\ khà, kơlôi sơnơng nền nòn bè mat cau tơlik mat te\ khà; tơl nă kuang bàng, đảng viên pal lơh krơh lài, tơnguh kơnòl broă, mblàng yal, lam sồr làng bol jơh nùs tus bal te\ khà.

7. Đơng lam nền nòn broă bơt bơtàu ală gùng dà sền gàr lơngap lơngai chính trị mờ ờ do ờ dă mpồl bơtìan; bơsong di tu\, di mờ adat boh lam ală jơnau yal yă, yal khài bơh làng bol dê; kơryan tơl broă lơh sơ mờm làng bol lơh tờm, lơh tìs adat boh lam bè te\ khà. Krà` cê dră wơl tơl jơnau blac pơr lồm, ală kai, ală broă lơh kờ` lơh aniai dơ\ te\ khà, sơ mờm te\ khà nàng lơh tung lơtang. Geh gùng dà rơcang lài tam dră mờ ală broă gơlik geh bơh trồ tiah lơh aniai, kòp bơ tờp digơlan gơlik geh tàm tơngai lơh te\ khà.

8. Ală Tỉnh ủy, Thành ủy crơng gơs mpồl đơng lam nàng pơlam tơl làm broă lơh te\ khà, lơh niam broă lơh yal tơnggit cau tơlik mat te\ khà tàm [òn lơgar, đơng lam bơsong di tu\ ală broă gơlik geh tàm tu\ rơcang lài mờ bơyài lơh te\ khà kuang bàng Quốc hội, Kuang bàng HĐND ală kấp tàm [òn lơgar.

9. Đảng đoàn Quốc hội, mpồl kuang bàng duh broă Chính phủ, Đảng đoàn Mặt trận dà lơgar Việt Nam, ală mpồl đảng tàm lơgar, Hội đồng te\ khà dà lơgar, kấp ủy, mpồl duh broă Đảng ală kấp geh broă rơndap lơh mùl màl nàng lơh jat Jơnau sồr do, rơcang lài pơgồp bal jơh nùs tàm broă đơng lam, bơyai lơh te\ khà, gàr niam dơ\ te\ khà kuang bàng Quốc hội, Kuang bàng HĐND ală kấp lơh geh cồng nha niam bơne\.

Mpồl bơyai broă dà lơgar geh kơnòl pơlam lơh jat jơnau sồr do.

Cau mblàng K’Duẩn