VOV4. K’ho - Pơn jăt tai yal bè tơngume Adat gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol a` yal ală jơnau cih tàm Adat gùng tam bau mờ hìu bơnhă nam 2014 bè broă jơtài phan bơna is bơh ùr bơklau dê.

Bơta 43 adat gùng tam bau mờ hìu nhă cih jơtài phan bơna is pơ ùr bơklau dê bè tơ nơ\ do:

Jơtài, phan bơna is pơ ùr, bơklau dê la jơtài phan bơna mờ tơl nă cau geh lài mờ tu\ bau, jơtài phan bơna geh dờp wơl, geh pà is tàm tơngai gam bau, jơtài, phan bơna geh tam pà is pơ ùr, bơklau in, jơtài phan bơna drơng jơnau kờ` kuơ màng bơh pơ ùr, bơklau dê mờ jơtài phan bơna ndai mờ jat jơnau cih bơh adat boh lam dê gơ wèt gơnuar atbồ is pơ ùr bơklau dê.

Jơtài phan bơna geh bơh jơtài phan bơna is bơh pơ ùr, bơklau dê kung là jơtài phan bơna is bơh pơ ùr, bơklau dê. Cồng nha geh bơh jơtài phan bơna is tàm tơngai gam bau kung la jơtài phan bơna is bơh pơ ùr mờ bơklau dê.

Bè gơnuar atbồ, ngui jơtài phan bơna is, adat boh lam cih:

Pơ ùr, bơklau geh gơnuar atbồ, ngui jơtài, phan bơna is he dê, tơmut bal, halà ờ tơmut bal jơtài phan bơna is tàm jơtài, phan bơna bal.

Tu\ pơ ùr halà bơkau ờ gơtùi atbồ is jơtài phan bơna is mơkung ờ jàu gơnuar cau ndai in atbồ den đah ne geh gơnuar atbồ jơtài, phan bơna hơ\. Broă atbồ jơtài phan bơna pal gàr tơl bơta kuơ bơh cau geh jơtài, phan bơna dê.

Kơnòl is bè jơtài phan bơna tơl nă cau dê geh tơm bơh jơtài phan bơna is cau hơ\ dê.

Tu\ pơ ùr, bơklau geh jơtài phan bơna is mờ cồng nha geh bơh jơtài phan bơna is hơ\ là phan mìng 1 lơm nàng gơtùi ròng hìu nhă den broă ngui jơtài phan bơna do pal geh bơta ringbal ùr bơklau dê.

Bè kơ nòl is bè jơtài phan bơna pơ ùr bơklau dê:

Ùr bơklau geh ală kơ nòl is bè jơtài phan bơna tơ nơ\ do:

Kơnòl bơh tơl gah pơ ùr, bơklau dê geh lài mờ tu\ bau;

Kơnòl geh bơh broă atbồ, ngui jơtài phan bơna is;

Kơnòl geh bơh cribơyai bơh 1 đah crơng gơs, mut lơh ờ di tài jơnau kờ` hìu nhă dê;

Kơnòl geh bơh broă lơh lơh tìs adat boh lam pơ ùr, bơklau dê.

Adat boh lam cih, pơ ùr, bơklau gơtùi tơmut jơtài phan bơna is tàm jơtài phan bơna bal:

Broă tơmut jơtài phan bơna is bơh pơ ùr, bơklau dê tàm jơtài phan bơna bal geh mut lơh jat jơnau ringbal bơh ùr bơklau dê.

Jơtài phan bơna geh tơmut tàm jơtài phan bơna bal mờ jat jơnau cih adat boh lam dê, ală broă lơh gơ rềng tus jơtài phan bơna hơ\ pal lơh jat broă lơh ringbal, den jơnau ringbal pal gàr niam broă lơh hơ\;

Kơnòl gơ rềng tus jơtài phan bơna is neh tơmut tàm jơtài, phan bơna bal geh mut lơh mờ jơtài phan bơna bal, ờ kờp tu\ ùr bơklau geh jơnau ringbal ndai halà adat boh lam geh jơnau cih ndai;

Tu\ 2 gah tam bau sac rơ wah broă lơh bè jơtài phan bơna, jat jơnau ring bal den jơnau ringbal do pal geh lơh lài mờ tu\ bau, mờ sră nggal geh anih lơh broă geh gơnuar dờp geh ngan. Broă lơh jơtài phan bơna ùr bơklau dê jat jơnau ring bal geh crơng gơs bơh ngai lơh sră kup bau.

Tơngume kuơ màng jơnau ring bal bè jơtài phan bơna ùr bơklau dê la:

Jơtài phan bơna geh đal git là jơtài phan bơna bal, jơtài phan bơna is pơ ùr, bơklau dê;

Gơnuar, kơ nòl bơh pơ ùr, bơklau dê tus mờ jơtài phan bơna bal, jơtài phan bơna is mờ broă lơh gơ rềng bal, jơtài phan bơna nàng gàr tơl jơnau kờ` kuơ màng hìu nhă dê;

Ală bơta pal geh, sră nggal mờ kơrnuat tam pà jơtài phan bơna tơnơ\ mờ tu\ tơn jơh broă lơh jơtài phan bơna;

Tu\ mut lơh broă lơh jơtài phan bơna jat jơnau ringbal mờ gơlik geh ală bơta ờ hềt geh ùr bơklau ringbal halà ringbal ờ hềt loh làng den lơh jat jơnau cih adat do dê mờ kơrnuat ndrờm bal bơh broă lơh jơtài, phan bơna jat adat boh lam.

                                                            }au mblàng K’ Duẩn.