VOV4.K’ho - Dơ\ hơ jơnau lùp du\t ndơl bơh tơngai lơh broă Gơnoar ala măt dà lơgar kơnă 13 neh tơn jơh, mơya di gơlan ờ hềt tu\ lơi, broă lơh do tàm pơrjum Gơnoar ala măt dà lơgar geh nùs nhơm kah sùm mờ geh uă bơta kờ` đơs bè dơ\ pơrjum do. Dơ\ lùp mờ hơ jơnau lùp do ờ mìng dong kờl cau te\ khà go\ ală broă gơl^k geh uă ngan tàm rài kis mpồl bơtiàn, mờ gam kờ` g^t bè bơta ngăc ngar bơh kuang bàng tàm Gơnoar ala măt dà lơgar kung bè ală kuang atbồ gah lơh broă dà lơgar dê. 2 ngai nggùl lùp mờ hơ jơnau lùp, bu\ lah ờ hềt geh kuang bàng mờ cau te\ khà neh di nùs bal, mơya broă geh dờng màng ngan bơh dơ\ lùp mờ hơ jơnau lùp do là Gơnoar ala măt dà lơgar kơnă 14 geh tai broă mờng chài kờ` lơh jăt gơnoar sền gròi niam rơlao.

Ờ rơwah broă, ờ rơwah kuang atbồ gah lơh broă dà lơgar, ală gah lơi tàm rài kis kung gơtùi geh yal tus tàm pơrjum Gơnoar ala măt dà lơgar. Geh tu\, 1 nă kuang bàng dơ\ le\ lùp 5 nă kuang atbồ gah lơh broă dà lơgar, mơya kung geh tu\ 1 broă mờ kuang bàng geh lùp sùm uă dơ\. Trung tướng Nguyễn Quốc Thước là cau neh tus bal broă lơh mờ Gơnoar ala măt dà lơgar 3 kơnă pà g^t, pơrjum neh tơl^k loh làng ngan ală broă dà lơgar bal mờ rài kis làng bol dê, ờ di mìng tàm tu\ do, mờ gam tàm ală broă ờ hềt geh bơsong nền nòn tàm 5 nam do. Ală kuang bàng ờ di lùp să tòm in, mờ lùp làng bol in kờ` tơnơ\ mờ pah tu\ pơrjum Gơnoar ala măt dà lơgar, kuang bàng ờ pal [às sìl tài “Ờ g^t đơs mờ cau te\ khà bè lơi”. Sền wơl 2 ngai nggùl lùp mờ hơ jơnau lùp, Trung tướng Nguyễn Quốc Thước đơs là: “Ală jơnau lùp mờ hơ jơnau lùp ndrờm là ală broă geh nùs nhơm tòm ngan bơh gah lơh broă dà lơgar hơ\ dê. Den tàng dơ\ do geh 2 broă, 1 là tơnguh khà niam jơnau lùp bơh kuang bàng tàm Gơnoar ala măt dà lơgar dê, 2 là tơnguh niam khà hơ jơnau lùp là kuơ màng ngan kờ` ai tơl^k broă mờng chài tus mờ tơngai lơh broă tơnơ\ do in lơh broă niam rơlao”.

Neh tus sền dơ\ lùp mờ hơ jơnau lùp tàm Gơnoar ala măt dà lơgar Mỹ, ồng Đức Lượng, gơnoar jăt jơng atbồ [ăo Nhân dân lài do đơs là, bơta mờ ồng chờ hờp ngan là nùs nhơm lơh tòm neh tơl^k loh làng ngan tàm dơ\ lùp mờ hơ jơnau lùp do mờ ồng kơ\p kờ` nùs nhơm do geh pơn jăt tai geh uă: (“Broă tam gơl bal jơnau đơs tơn bè hơ\ là broă gơguh jăk dờng màng ngan tàm broă lơh tòm. Hơ jơnau lùp bơh Kuang gơs gơnăp gơnoar atbồ hờ đang rơlao jơh dà lơgar, a` đơs là hơ di broă mờ làng bol gam sền gròi ngan, làng bol tu\ do gam sền gròi ngan broă lơi? Lài ngan lơh bè lơi Dà lơgar geh lơh tòm is ờ gơtìp sơgràm, dơ\ 2 tai là lơh bè lơi kờ` lơh sa tơnguh bơtàu pràn ờ gơtìp ờ jai mờ ală lơgar gùt dar tàm tiah do; mờ Đảng pal lơh bè lơi di pal mờ bơngă dà lơgar dê.

Di lah geh 1 bơta ờ niam tàm dơ\ hơ jơnau lùp dơ\ do, den, cau te\ khà bal mờ kuang bàng tàm Gơnoar ala măt dà lơgar ndrờm neh go\, hơ\ là kơnòl bơh ală kuang atbồ gah lơh broă dà lơgar. Tàm dơ\ hơ jơnau lùp ngai 17/11 ờ hềt tơn jơh, den neh geh jơnau đơs ờ ring bal mờ ồng Hoàng Tuấn Anh, kuang atbồ gah chài rơgơi-tàp pràn sa jan mờ nhơl chờ dà lơgar tu\ đơs là: “Kơnòl do bol a` geh yal wơl tus kuang atbồ gah lơh broă do tơnơ\ do in. Tài tơngai lơh broă ờ gam tai den bè rơgơi hơ”. Mùl màl, broă “Kơlôi sơnơng tus tơngai lơh broă” bơh lài tus do neh geh đơs tus uă, mơya ờ hềt tu\ lơi geh đơs loh làng bè do; ha là geh kuang atbồ gah lơh broă ndai hơ jơnau lùp ờ loh làng, đơs ờ geh gùng geh dà, ờ đơs tus mờ jơnau kuang bàng tàm Gơnoar ala măt dà lơgar lùp, den tàng neh lơh ồng Nguyễn Sinh Hùng, kuang atbồ Gơnoar ala măt dà lơgar pal sồr.

Kung ndrờm mờ ală dơ\ lùp mờ hơ jơnau lùp lài do, cau te\ khà kơ\p kờ` kơrnoăt Gơnoar ala măt dà lơgar dê geh tơl^k pràn jơnau hơ bal bơh ală kuang atbồ gah lơh broă dà lơgar. Tàm tơngu me hơ\, kuang bàng tàm Gơnoar ala măt dà lơgar bal mờ cau te\ khà geh sền gròi bal kờ` ai tơl^k ală broă tam gơl kuơ màng tàm rài kis mpồl bơtiàn. Mờ đơs ngan là, 1 kơrnoăt bè hơ\ geh là jơnau tơrbo\ bal bơh 2 tơngai lơh broă Gơnoar ala măt dà lơgar dê Ồng Nguyễn Hạnh Phúc, kuang atbồ anih lơh broă Gơnoar ala măt dà lơgar pà g^t: “Gơnoar ala măt dà lơgar geh 1 kơrnoăt bè ală broă gam gơlời ờ hềt lơh gơs, tơngu me do geh lời wơl kơnă lơh broă dơ\ 14 in pơn jăt tai lơh jăt. Den tàng, broă lơi mờ ală tơngu me tàm pơrjum dơ\ 13 ờ hềt geh cồng nha ha là gam lơyài den tơngai lơh broă dơ\ 14 pơn jăt tai sền gròi tus du\t ndơl ală broă mờ dơ\ 13 gam gơlời”.

Di mờ bơta kuơ màng bơh dơ\ lùp mờ hơ jơnau lùp du\t ndơl dê, geh nùs nhơm tơrgùm bal, mờ geh nùs nhơm song dơ pă. Rơlao jơh, nùs nhơm lơh tòm, khin đơs tus, đơs ngan kung bè gơnoar đơng lam bơh ồng Nguyễn Sinh Hùng, kuang atbồ Gơnoar ala măt dà lơgar dê neh ai cau te\ khà in pin dờn là, khà niam broă lơh Gơnoar ala măt dà lơgar, gơnoar sền gròi Gơnoar ala măt dà lơgar tàm tơngai lơh broă tus do di gơlan geh pơn jăt tai geh tơnguh niam jăt broă lơh niam rơlao.

        Cau cih mờ yal tơng^t Ndong Brawl