VOV4.K’ho - Dơ\ tìp mờ cau te\ khà lơi kung bè hơ\, lơh gùng lòt sùm là broă geh cau te\ khà càr Kon Tum đơs uă ngan. Mu\t tàm kàl mìu nam do, ală jơnau ờ su\k ơm bè gùng lòt sơlơ gơl^k geh uă, tài geh uă [òn, làng bol tàm càr gơtìp koh gơl is tàm gùng lòt lơh ờ kơl jăp niam.

Lồi nam 2013, rơndăp broă lơh gùng lòt tàm [òn Đak Kôi – Đak Pxi jòng 39 kơi sồ, mờ khà priă bơcri mờr 200 tơmàn priă geh Gah gùng lòt mờ pơn diang phan càr Kon Tum lơh tòm bơcri priă jơh. Gùng do geh dă mờ lu\ mờ cài, ơnàng 3 thơ\k nggùl tơrbo\ 2 ntum gơtìp kal ke Đak Pxi kơnhoàl Đak Hà mờ Đak Kôi kơnhoàl Kon Braih. Gùng pa lơh gơs mơya mìng rơbàng Đak Câu, gơl lòt gan [òn Kon Pao Krâm, ntum Đak Pxi sùm gơtìp gơbam tàm dà, den tàng pah ngai làng bol gam pal re tàm dà. Kàl mìu neh tus, gùng lòt tơrbo\ 2 ntum Đak Pxi mờ Đak Kôi sùm gơtìp koh gơl.

Bơta ngòt rơngơ\t gơl^k geh sùm tus mờ cau lòt tàm gùng tềng rơbàng Đak Câu

              Bi A Thìn kis rềp tềng rơbàng do pà g^t: “Bơh bồ nhai 6 tus lồi nhai 9 pah nam kung gơtìp gơbam bè do sơl, làng bol lòt lơh broă pal tùng rơndeh Honda, 4, 6 nă tùng bal rơhời. ală kòn dềt bơsram ờdu\ 1 trồ mìu bè do ai bol khi lòt bơsram ơm tàm hìu ờ su\k ơm ngan. Glar bòl ngan”.

Jăt ồng A Wươn, kuang jăt jơng atbồ mpồl duh broă ala măt làng bol ntum Đak Pxi yal, ờ mìng tàm kàl mìu, mờ tàm kàl, tu\ hìu măy pờ tơl^k ồs đèng hờ đah jum bơ\t dà mờ hìu măy pờ tơl^k ồs đèng hờ đah tô yuh dà, rơbàng Đak Câu ndrờm gơtìp gơbam bơh nggùl tus rơlao 2 thơ\k, lơh kòl gùng lòt. Kờ` pleh mờ kơrian is 4 [òn hờ đah tô, gơnoar atbồ ntum Đak Pxi, kơnhoàl Đah Hà pal hòi jà làng bol lơh rơbàng ing pleh mờ tiah gơtìp gơbam dà.

Gơnoar atbồ ntum Đak Pxi bal mờ làng bol pal lơh rơbàng ing pleh mờ tiah gơbam dà

             Bu\ lah bè hơ\, tài rơbàng lơh mờ mpàn ờ ơnàng mờ gơtìp ntiar, den tàng uă dơ\ gơtìp gơdùh bơh rơbàng lơh sồt să neh gơl^k geh. Ồng A Wươn pà g^t: “Kàl mìu pal kơ\p tus tàm tu\ dà gơhoài hơ\ sồng geh tiă. Di lah dà ờ gơhoài den ờ gơtùi tiă. Rơndeh dờng den ờ gơtùi tiă. Rơndeh Honda tă rơbàng ing kal ke ngan. Mpàn ntiar, phan geh bơh tàm broă lơh sa mờ gơtùi pơn diang, lơh ờ geh khà priă tăc rơlao. Tàm hơ\ geh bal phan làng bol kờ` blơi bơh ală hìu tăc hờ đah tô khà priă tơnguh rơlao”.

Gùng lòt bơh ntum Đak Kôi tus ntum Đak Pxi geh bơcri priă lơh mờr 200 tơmàn priă mơya gùng lòt kung gam gơtìp koh gơl, bơta do là tài cau tòm bơcri priă ngui rơbàng Đak Câu-do là rơbàng neh lơh bơh lài mờ hơ\ bơh broă lơh 135 dê. Tu\ lơh niam wơl gùng, cau tòm bơcri priă kung ờ kơlôi sơnơng tus mờ khà dà tih bơh ală broă lơh hìu măy pờ tơl^k ồs đèng dê, den tàng gơl^k geh gơbam dà sùm pah nam. Bơta do neh jo\ uă nam do, mơya cau tòm bơcri priă lơh kung gam ờ hềt lơh wơl sơl, lơh làng bol kis tàm do ờ su\k ơm. Ồng Đinh Văn Hùng, kuang atbồ anih duh broă làng bol ntum Đak Pxi, kơnhoàl Đak Hà pà g^t: “Bol a` kung neh dan jo\ ngan, mờ uă dơ\ sơl. Mpồl duh broă ala măt làng bol càr kung neh tus sền gròi broă do bloh. Hơ\ sồng gah gùng lòt mờ pơn diang phan càr kung neh tus  sền gròi mờ ală gah lơh broă bè gah sền gàr gùng lòt ù gờl kung neh tus sền gròi sơl. Sền gròi bol kung iăt tàm nam 2014 kơno yal geh ai gah gùng lòt mờ pơn diang phan càr in 4 tơmàn priă kờ` lơh rơbàng do. Tus tu\ do ntum kung ờ hềt kơno jơnau lơi tai, ờ go\ broă lơh lơi sơl”.

Tus tàm tu\ do, rơndăp broă lơh gùng lòt tàm [òn bơh ntum Đak Kôi tus ntum Đak Pxi neh rơlao ir tơngai lơh, khà priă kung ờ gam kờ` lơh tiah gơtìp gơbam dà. Ờ mìng bè hơ\, cau tòm bơcri priă lơh gùng do gam dồs mờ mpồl lơh gùng mờr 27 tơmàn priă. Kờ` bơsong tiah gơtìp gơbam dà tềng rơbàng Đak Câu do, Gah gùng lòt mờ pơn diang phan càr Kon Tum mìng gam kơ\p bơh kes priă lơh niam wơl gùng lòt tàm ù gờl nam 2015 bơh dà lơgar ai kờ` lơh rơbàng pa. Anih duh broă làng bol càr Kon Tum neh ring bal broă lơh do, mơya gờ` ngan kung pal tus lồi nam do hơ\ sồng neh lơh. Den tàng, tàm kàl mìu do, gùng lòt bơh ntum Đak Kôi tus ntum Đak Pxi pơn jăt tai gơtìp koh gơl.

Cau mblàng Ndong Brawl