Ù tiah gơbàn ro kơnra`, trồ tiah ờ niam, ờ gơ kờ` ngan tam chi tam jo\ sơnam, M’drak la dùl tàm ala\ kơnhoàl rbah kal ke ngan rlau jơh bơh càr Dak Lak. Tàm ala\ nam do, kơnờm geh càn pria\ bơh anih pria\ jền dong kờl cau rbah, cau rbah tàm kơnhoàl do neh rhời brồ guh, bơtàu tơngguh lơh sa hìu nha\ bơh broa\ ròng kơnrồ deh kòn. Geh pria\ càn dong kờl, ngui pria\ di pơlam, do la broa\ lik klàs rbah bơh ua\ hìu nha\ tàm M’Drak.

Bi ùr Phạm Thị Thời ơm tàm bòn 4, bòn drà M’Drak, kơnhoàl M’Drak, càr Dak Lak, yal, kơnờm geh priă bơcri bơh anih priă jền dong kờl cau rbah dê nàng bơtàu tơnguh lơh sa, mờ hìu bơnhă bi neh klàs bơh rài kis jòi phan sa pah ngai, tu\ bơklau bi den pal lòt lơh broă apah, pơ ùr den lòt jòi sồ siă nàng tăc geh priă jền ngui sa pah ngai. Nam lài, ùr bơklau bi geh càn 30 tơlăc priă, bơcri ròng 3 nơm kơnrồ, mờ ròng ka nàng geh tai phan sa. Nam do, hìu bơnhă bi neh tăc geh 1 nơm kòn kơn rồ ai geh mờr 10 tơlak priă. Bi ùr Phạm Thị Thời, đơs:“Ưn ngài anih priă jền dong kờl cau rbah neh ai càn priă, dong ùr bơklau an\ lơh geh tai priă jền, nàng rài kis ngai sơlơ ờ huan bòl glar kal ke rlau”.

Ai gơ wèt mờ bi Y Sắt Ksor ơm tàm bòn M’Suốt, ntum Krông Jing, bơh nam 2007, geh ai càn priă bơh anih priă jền dong kờl cau rbah dê, hìu bơnhă bi ờ mìng lik klàs bơh rài kis kal ke, mờ tus tu\ do neh geh rài kis tơl ngui tơl sa, mờ ròng siam ai 4 nă kòn in bơsram niam:“Kơnờm bơh càn priă bơh anih priă jền dong kờl cau rbah dê geh 15 tơlăc, an\ ròng 2 nơm kơn rồ, hơ\ sồng kơn rồ deh geh 8 nơm kòn kơn rồ, an\ tăc te\ nàng ai priă lơh hìu. Tơ nơ\ hơ\, an\ den càn tai 8 tơlăc priă bơh anih priă jền dong kờl cau rbah, bal mờ dùl ết priă jền tềm pềr mờ geh, bơcri lơh hìu jă brê, dà tơrlung. An\ ưn ngài Dà lơgar neh dong kờl”.

Kung sơnđờm bơh broă càn priă ờ sa priă cồng uă nàng ròng kơnrồ deh kòn, nam 2009, hìu bơnhă bi ùr Trịnh Thị Sẽ neh lơh ngan bơtàu tơnguh lơh sa tàm bă ù ro kơnran\ ngan tàm bòn 2, ntum Cư\ Kroa\, mờ broă lơh ròng kơn rồ bal mờ tam chi keo sơntìl pa:“An\ càn geh 15 tơlăc priă tơn jơh jơgloh tơr mù rbah den kung blơi geh 2 nơm kòn kơn rồ, tơ nơ\ hơ\ ròng kơn rồ deh kòn tai den kung lơh đau bơh 6 tus 7 nơm. Tu\ do, den kơnờm bơh hơ\ mờ an\ geh dùl ê\t priă jền nàng bơcri tàm broă lơh sa, mờ jơh rbah bơh hơ\ tus tu\ do, den rài kis hìu bơnhă lơh sa kung tơl ngui tơl sa sơl”.

Jơh rbah kơnờm geh priă ai càn ờ sa priă cồng uă bơh Dà lơgar dê, nàng bơcri tàm broă ròng phan, hơ\ là broă lơh bơh gi\t nđờ rbô hìu bơnhă tàm kơnhoàl M’Drak, càr Dak Lak dê. Tu\ do, anih priă jền dong kờl cau rbah kơnhoàl M’Drak neh ai 9600 hìu làng bol in càn rlau 182 tơmàn priă. Jơh ală priă jền do là lời ai ală hìu rbah, hìu pa jơh rbah, ală hìu tàm tiah kal ke in. Ồng Hồ Xuân Dựng kuang jăt jơng atbồ anih priă jền dong kờl cau rbah kơnhoàl M’Drak, pà gi\t, anih priă jền lơh broă bal niam ngan mờ gơnoar atbồ mpồl cau tàm bòn lơgar, kờp sền wơl, kờ` priă geh ai càn di mờ cau kờ` càn priă. Mờ ală mpồl kung sùm lòt sền, gròi sền, bơto pơlam, dong kờl làng bol tàm broă lơh sa, nàng priă càn ngui di broă mờ ngan ngồn lơh geh cồng nha niam. Ồng Hồ Xuân Dựng, đơs:“Anih priă jền dong ai làng bol in, ngan là làng bol kòn cau, ờ duh pal tăc kòi tu\ ờ hềt tơnhàu bè lài do tai. Mờ tu\ do, jơnau gi\t wa\ bơh làng bol dê tu\ càn priă nàng sền dờng màng là lơh bè lơi gơ in geh cồng nha, là pal bơcri tàm broă sơngka sền gàr chi tam mờ phan ròng. Bè ròng kơn rồ lài do làng bol ròng tơngklàs gơlềng gơlàng lơm, den tu\ do, neh gi\t lơh wàng nàng ròng krơ\, hơ\ sồng tam nhơ\t, halà bơ tơl tai lơ\ nàng kơn rồ mhar lơ mă. Ờ uă hìu làng bol den bơtàu tơnguh ròng phan, ờ uă hìu den sơngka sền gàr chi tam den sền go\ tờm kơphê ờ geh cồng nha den kơl sơr bì te\ nàng ai ù tam wơl kau su, điều…”.

Ngui priă càn di broă, priă ai càn ờ sa priă cồng uă bơh anih priă jền dong kờl cau rbah gam mùl màl dong cau rbah tàm kơnhoàl M’Drak, càr Dak Lak lơh ngan bơtàu tơnguh rài kis.

                                                                                         Cau mblàng Lơ Mu K’ Yến