VOV4.K’ho- Tàm Bơta 24, Sơnoa boh lam nam 2013 geh cih bè gơnoar khăt gơboh pin dờn, jăt yàng bơh làng bol tàm lơgar dê. Tàm hơ\ đơs loh:

1. Jơh tơl nă cau geh gơnoar khăt gơboh pin dờn, jăt yàng, dòn halà ờ dòn jăt dùl yàng lơi. Ală gah jăt yàng ring bal tềng đăp kơrnoat boh lam.

2. Dà lơgar sền ki ngàm mờ sền gàr gơnoar khăt gơboh pin dờn, jăt yàng.

3. Ờ cau lơi geh sơgràm bơta khăt gơboh pin dờn, jăt yàng halà sơmờm bơta pin dờn, jăt yàng nàng lơh tìs kơrnoat boh lam.

Gơnoar khăt gơboh pin dờn, jăt yàng kung geh cih sơl tàm Tăp 2 bơh Adat Pin dờn jăt yàng bal mờ 4 bơta, bơh bơta 6 tus bơta 9. Do là dơ\ sơnrờp gơnoar do geh lơh gơs dat boh lam dùl bă loh làng,wil tơl gơ gơs dùl kơrnoat is.

Bơta 6 Adat Pin dờn, jăt yàng, bal mờ broă đơs nền gơnoar khăt gơboh pin dờn, jăt yàng, dòn jăt halà ờ dòn jăt dùl yàng lơi bơh jơh tơl nă cau dê gam cih loh làng gơnoar khăt gơboh pin dờn, jăt yàng bơh kòn bơnus dê geh lơh jăt bơh broă tơlik bơta pin dờn, lơh pơrjum duh khuai yàng, tus bal dơ\ lơh pơrjum lơh yàng pin dờn, jăt yàng, bơsram mờ lơh jăt broă lơh răc dan pơrjum jơnau yàng, adat gah yàng pin dờn, jăt yàng.

Kuơmàng, dơ\ sơnrờp tàm jơnau kah yau bè kơrnoat boh lam pin dờn, jăt yàng tàm lơgar he cih: cau gơtìp krơ\ jàm, ku\p jàm ing jăt jơnau cih bơh kơrnoat boh lam dê bè lơh jăt kơrnoat sồr krơ\ jàm, ku\p jàm ing, cau gam lơh jăt broă lơh glài ku\p jàm, anih sơm tơn jơh ngir pal lơh geh gơnoar ngui sră goh ràng tơlik bơta pin dờn, jăt yàng. Ồng Nguyễn Văn Thanh, Kuang ătbồ Mpồl lơh broă bè bơta jăt yàng, Ủy ban Mặt trận dà lơgar Việt Nam đơs nền, do là bơta lơh jăt wil tơl gơnoar khăt gơboh pin dờn, jăt yàng, lài ngan là gơnoar kòn bơnus là bơta gơ geh is bơh jo\ gơ dê mờ pal geh gàr sơl tu\ kòn bơnus gơtìp ku\p ai te\ gơnoar cau làng bol tàm lơgar.

Ồng Nguyễn Văn Thanh, đơs: Bol he gàr geh gơnoar khăt gơboh pin dờn, jăt yàng bơh jơl tơl nă cau dê mờ bol he kung pal lơh geh sơl kơnòl tàm broă ătbồ Dà lơgar gơ wèt mờ ală broă lơh pin dờn, jăt yàng. Ngui niam geh ală bơta kuơ bơh ală mpồl jăt yàng dê tàm broă tus bal bơ\t bơtàu mờ sền gàr dà lơgar.

Mục sư Bùi Quốc Phong ătbồ Hìu Jum Tin Lành Hà Nội kung đơs là: Khăt gơboh pin dờn, jăt yàng là dùl gơnoar tờm ngan bơh kòn bơnus dê, tài bè hơ\ den tàng tu\ do neh tam gơl tus jơh tơl nă cau mờ tơl nă cau ndrờm geh gơnoar khăt gơboh pin dờn, jăt yàng, dòn halà ờ dòn mờ geh khăt gơboh tơlik bơta pin dờn. A` go\ bơta hơ\ là àng sơrdah ngan.

Bè gơnoar bơh ală mpồl jăt yàng dê, mpồl jăt yàng gơ wèt bal, adat cih bè do: Mpồl jăt yàng geh gơnoar lơh broă bơyai lơh jăt yàng jăt Sơnoa boh lam, adăt bơhiàn, geh lơh mờ tăc Sră goh mờ lơh mờ tăc, blơi mờ lơgar ndai ală phan bơna, phan ngui gah jăt yàng dê. Lơh, bơ\t niam wơl ală hìu jum, hìu yàng, ală anih duh khuai kung bè geh dờp jơtài phan bơna dipal mờ kơrnoat boh lam bơh mpồl cau, cau dùl nă să is dê tàm lơgar mờ cau lơgar ndai geh nùs nhơm ai pà is. Bè hơ\, ală bơta pal geh nàng gàr mờ bơtàu tơnguh ală broă lơh jăt yàng bơh ală mpồl jăt yàng dê neh geh sền gàr bè đah kơrnoat boh lam dùl bă tơl làm, wil tơl. Ồng Trương Đình Căn, Phó Kuang ătbồ Ủy ban Tam klăc bơta jăt yàng càr Lâm Đồng dê đơs nền, ală jơnau cih tàm adat pin dờn, jăt yàng geh ai tơl bơta ai ală broă lơh jăt yàng in geh [ươn [oài rlau. Ồng Trương Đình Căn, đơs: Den bol a` go\, là adat geh uă bơta là pa ngan mờ bơta gơnoar khăt gơboh pin dờn, jăt yàng geh sền gàr, là àng sơrdah ngan, loh làng ngan. Lơh broă jăt yàng pin dờn tàm dà lơgar Việt Nam he gơ geh uă bơta [ươn [oài rlau.

Bal mờ ală jơnau cih wil tơl, gơguh jak bơh Adat pin dờn, jăt yàng dê, ngan ngồn là ală broă lơh pin dờn, jăt yàng geh bơtàu tơnguh, lơh geh jơnau kờ` tàm rài kis nùs nhơm bơh làng bol dê.

Cau cih Hoài Thu- Cau mblàng Lơ Mu K’Yến