VOV.K’ho-Tàm xã tiah sar lơgar ngài Cư\ Amung, kơnhoàl Ea H’leo, càr Daklak dê, geh dùl nă cau kờ` ngan jòi sơnơng phan kuơ yau, hơ\ là klau pơgru Lê Văn Hoàng, bơto tàm Hìu bơsram kấp hai Hoàng Văn Thụ.

Jơnau kờ` ngan bơh klau pơgru dê neh lơh geh nùs nhơm gơdan ngan ai kơnòm bơsram kờ` gơboh môn lịch sử, mơkung bơtơl uă phan bơna geh bơta kuơ ai Bảo tàng càr Daklak in drơng broă kơlôi sơnơng in.

Tiết bơsram lịch sử bè mò pàng kòn bơnus bơh ơdu\ 6B dê, hìu bơsram kấp hai Hoàng Văn Thụ, xã Cư\ Amung, kơnhoàl Ea H’leo, càr Daklak gơ gơs duh hồl mờ lơh gơkờ` ngan tài bơh kơnòm bơsram ờ mìng geh sền ală rùp hin mờ gam geh tê tờm [ư ìa phan ngui bơh cau rài yau dê mòn mờ ngui.

Klau pơgru Lê Văn Hoàng bal mờ kơnòm bơsram rơndăp tăp sèng wơl phan ngui mờ he jòi tơrgùm geh

Sền, [ư, ìa tơl nơm sùng, bơnhàt, chi kùar tàm cơldu\ thư viện bơh hìu bơsram dê, oh Nguyễn Thị Tường Vi, pà gi\t, ală rùp hin, phan bơna sền go\ ngan mờ mat do dong oh wa\ wờng jơnau bơsram mhar rlau mờ sơlơ gơboh kờ` tai môn lịch sử. Oh Nguyễn Thị Tường Vi, đơs:

Bol oh kờ` ngan ală tiết bơsram môn lịch sử bơh hìu bơsram dê. Tài tàm do bol oh geh sền go\ tơn mờ mat tờm mờ geh [ư, ìa tơn ală phan mờ lài do cau rài yau neh ngui. Oh ưn ngài ngan klau pơgru Hoàng mờ ală oh mi ơdu\ lài neh lời uă tu\ tơngai jòi tơrgùm ală phan kuơ yau do nàng bol oh in gi\t wa\ loh làng rlau tai bè rài kis bơh cau Việt Nam rài yô rài yau dê.

Ală phan mờ oh Vi pa đơs hơ\ ngan là dà kơlhề mờ klau pơgru Lê Văn Hoàng bơto môn lịch sử bơh hìu bơsram dê jòi tơrgùm jo\ jòng sùm tàm 10 nam do.

Bơh nùs kờ` ngan jòi sơnơng phan kuơ yau mờ kơ\p kờ` bơto yal wơl bơta kờ` hơ\ kơnòm bơsram in, tơnơ\ 10 nam lòt jòi, tơrgùm tus tu\ do klau pơgru Hoàng neh geh rlau 600 bơta phan geh bơta kuơ jòi sơnơng phan kuơ yau, bè: sùng, bôn,pơnhàt, muh sònh, k[àng tồl, klồ, pơnai lu\ jơklơn, rơnai bo\ lề, sră wa\c rùp phan mờ nsàng phan lơh bơh lu\ mờ ù buh, là phan ngui lơh broă mờ phan ngui tàm rài kis pah ngai gơ wèt rài lồi tu\ tơngai ngui phan lơh bơh lu\ pa- tơngai sơnrờp ngui phan bơh lu\ lòs pơgăp mờ do di 3000- 4000 nam.

Đơs bè ală phan do, ồng Trần Quang Nam, kuang atbồ phòng kơlôi sơnơng jòi tơrgùm di Bảo tàng Daklak đơs là “phan ngui nàng lơh ală phan do là li la ngan mơya uă ngan là geh lơh bơh ală bơta lu\ geh bơta kră uă, bè: Opal, silic…mờ jơh ală phan ngui lơh broă neh geh tồl bơ`à jơh să jan…

 Bơta kuơ bơh ală bơta phan do ờ go\ di là gơ ơm tàm bơta gơ uă halà dùl êt ờ, mờ là gơ ơm tàm bơta li la uă ngan bè rùp să, bơta lu\ nàng lơh. Do là dùl tàm ală cơng tàng kuơmàng nàng ală cau kơlôi sơnơng in jòi sền kờ` gi\t bè tiah tềl bơh cau rài yau tàm ù tiah Cư\ Amung dê”.

Ùr pơgru Hoàng Thị Tuyết, Hiệu trưởng Hìu bơsram kấp hai Hoàng Văn Thụ, xã Cư\ Amung pà gi\t: Tài bơh broă bơto sră gam kal ke ngan, ngan là gơ wèt mờ dùl hìu bơsram pa crơng gơs tàm xã tiah sar lơgar ngài bè Cư\ Amung, den tàng broă bơtơl phan ngui bơto mờ bơsram là bơta kờ` ngan mờ kuơ ngan.

Mờ nùs kờ` ngan jòi sơnơng phan kuơ yau, roh uă ngan tu\ jiơ bal mờ dà kơlhề jòi tơrgùm bơh klau pơgru Lê Văn Hoàng dê neh dong kờl uă ngan ai broă bơto môn lịch sử in, dong ală kơnòm bơsram wa\ wờng jơnau bơsram tơn tàm ơdu\, lơh ală oh in geh nùs kờ` ngan mờ jòi sơnơng phan kuơ yau.

Klau pơgru Hoàng là dùl nă cau pơgru geh nùs mờ broă bơto sră jak ngan. Pơgru sùm jòi sơnơng đòm jat ală broă bơto bơsram pa nàng dong kơ nòm bơsram [ươn wa\ wờng jơnau bơsram. Tàm ală tu\ bơto, klau pơgru Hoàng neh lòt jòi tơrgùm ală phan yau tàm Cư\ Amung mờ ai tơmu\t tàm ală tiết bơsram tàm ơdu\, lơh ală oh in geh bơta gơkờ` ngan, duh hồl rlau tàm broă bơsram. :

Ờ mìng prăp gàr wơl ală phan jòi tơrgùm geh ràng tơlik tàm cơldu\ sền sră bơh hìu bơsram dê nàng lơh phan ngui bơto bơsram lơm, klau pơgru Lê Văn Hoàng gam pà Bảo tàng Daklak in rlau 50 bơta phan nàng ràng tơlik, kờ` drơng tàm broă kơlôi sơnơng in.

Klau pơgru Hoàng pà gi\t, geh pơn jat tai lơh broă lòt jòi tơrgùm, mơkung jơh nùs pơgồp bal mờ Bảo tàng Daklak geh ală dơ\ lòt sền ngan ngồn, jòi rờ mờ lòt jòi tàm tơngai tus:

Tây Nguyên là dùl kơnhoàl ù tiah geh uă ngan bè jòi sền phan kuơ yau, jơnau kơ\p kờ` bơh a` dê là lơh ngan jòi sơnơng kờ` gi\t mờ pơgồp bal mờ ală anih lơh broă geh gơrềng nàng đơs ngan geh bơta kuơ bơh ală tiah tềl tàm do nàng ai geh mat ù tiah jòi sền phan kuơ yau Cư\ Amung cih tàm sră giáo khoa.

Bơto sră tàm xã tiah sar lơgar ngài bè Cư\ Amung, kơnhoàl Ea H’leo, càr Daklak, tàm rài kis gam uă kal ke, siơ\u siar, mơya mờ nùs kờ` ngan jòi sơnơng phan kuơ yau, klau pơgru Lê Văn Hoàng neh jòi tơrgùm geh uă phan geh kuơ.

Broă lơh hơ\ neh lơh geh bơta gơkờ` ai kơnòm bơsram kờ` gơboh môn lịch sử, mơkung bơtơl uă phan geh kuơ ai Bảo tàng càr Daklak in drơng broă kơlôi sơnơng. Broă lơh bơh klau pơgru Lê Văn Hoàng dê là pal sền dờng màng ngan!

            Cau cih mờ yal tơngi\t- Lơ Mu K’Yến