VOV4.K’ho – Bộ Nông nghiệp mờ Phát triển Nông thôn pa geh sră nggal pơyua Bộ Tài chính bè rơcang lài pria\ jền dong kờl rơcang sơndră kòp jê ndul gơ jroh sur châu Phi nam 2020. Jat hơ\, kờp jơh pria\ rơcang lài dong kờl rơcang sơndră kòp do nam 2020, geh pria\ dong kờl tơp pơrguc sur mờ bơyai lơh rơcang sơndră kòp jê ndul gơ jroh sur châu Phi tàm nam do là mờr 230 tơmàn đông. Tàm hơ\, pria\ kờp du\ bơh dà lơgar dê là 160 tơmàn đông, pria\ bơh kấp hơđơm dê là mờr 70 tơmàn đông.

Pria\ rơcang lài dong kờl rơcang sơndră kòp jê ndul gơ jroh sur châu Phi nam 2020 jat tàm khà dong kờl anih ròng phan geh sur pal tơp pơrguc tài bơh kòp lơh aniai mờ khà pria\ 35 rbô đông tàm 1 ki\ sur ờ hềt lơh poac; dong kờl pria\ ai cau tus bal rơcang sơndră kòp ờ lơyah rlau ngai lơh broă ờs mờng là 150 rbô đông pah ngai lơh broă.

Cau mblàng K’Duẩn