VOV4.K’ho - Tàm pơrjum dơ\ 10 Gơnoar ala măt dà lơgar kơnă 13, ală kuang bàng neh ai jơnau pơgồp bal bè ờ uă tơngu me gam geh jơnau đơs ờ ndrờm bal tàm rơndăp broă adăt lùp làng bol. Jăt jơnau đơs bơh ờ uă kuang bàng tàm Gơnoar ala măt dà lơgar bal mờ cau jăk chài lơh broă tàm adăt boh lam đơs, do là rơndăp broă adăt kuơ màng tàm broă lơh rài kis làng bol lơh tòm tu\ do, kung bè mu\t lơh mùl màl tơngu me bè gơnoar kòn bơnus geh cih tàm sơnoa boh lam nam 2013, den tàng pal cih loh bơta lơi pal lùp làng bol kung bè rơndăp broă lơh sră nggal lùp làng bol. Jơnau “Gơnoar ala măt dà lơgar mờ cau te\ khà” ngai do geh yal bè broă lơh do bơh Gơnoar ala măt dà lơgar dê.

 Pơgồp bal jơnau đơs tàm rơndăp broă adăt lùp làng bol, geh uă jơnau đơs là, nùs nhơm sền kuơ màng bol, pin dờn làng bol pal geh lơh jăt tus jơh tàm broă bơ\t bơtàu adăt do. Ală broă geh ai tơl^k lùp làng bol pal là ală broă dờng gơrềng tus mờ dà lơgar, rài kis làng bol, gam ală broă geh nùs nhơm tàm ală tiah, jàu ală tiah hơ\ in bơsong. Ală kuang bàng ndrờm sồr tơl^k mùl màl rơlao ală broă lơi geh lùp làng bol, bè ală broă geh nùs nhơm gơrềng tus mờ rài kis làng bol, broă kuơ màng dà lơgar, ală kơrnoăt adăt boh lam kuơ màng, rơndăp broă lơh sa-mpồl bơtiàn gơrềng tus bơta lơngăp lơngai dà lơgar; ală broă di pal mờ sơnoa boh lam, mơya gơrềng tơn tus mờ bơta kuơ làng bol dê mờ tàm broă lơh dờng màng. Bơdìh hơ\ tai, kung pal tơl^k loh anih lơh broă lơi là anih tòm geh gơnoar dan lùp làng bol. Ồng Phạm Tất Thắng, mpồl kuang bàng càr Vĩnh Long pà g^t: “Do kung là adăt geh cau te\ khà sền gròi mờ tus tu\ do, broă tơl^k adăt do là geh kuơ. A` ring bal mờ ală anih lơh broă di gơlan geh ai ngui tàm rơndăp broă geh gơnoar sồr lùp làng bol, hơ\ là ală anih lơh broă pơgồp gơnoar ala măt làng bol, gơnoar lơh adăt boh lam bè hơ\ là di pal”.

Jăt ờ uă kuang bàng đơs, broă ai tơl^k mùl màl ală broă lơi ai tơl^k lùp làng bol gơrềng tàm broă kờ` mùl màl, tàm bơta mùl màl tàm tơl tu\. Den tàng, đơs là adăt mìng tơl^k tơrgùm bal, geh nùs nhơm kờ` tơl^k kơrnoăt ală broă gơtùi geh ai tơl^k lùp làng bol, geh jơnau sồr, tơngu me lùp làng bol geh nggùl khà sră ring bal geh dờp kờ` lơh jăt. Ồng Nguyễn Văn Quyền, kuang atbồ mpồl cau chài cah rơ`a Việt Nam, là kuang bàng tàm mpồl sền sơwì đơs là: “Lài do, he lòt đùh sră pồ kuang bàng geh uă ngan sră pồ, mơya ờ di bè hơ\ mờ ală broă dà lơgar, rài kis làng bol geh ai tơl^k kờ` lùp làng bol mờ làng bol ờ geh lòt kờ` tus bal lùp den ờ niam. Den tàng, jăt a` kơlôi, gùng dà broă bơsong là tàm khà uă ir 2/3 khà cau te\ khà tus bal đùh sră den dơ\ lùp làng bol hơ\ geh di pal mờ cồng nnha geh uă ir nggùl khà cau te\ khà tus bal di pal den là cồng nha lùp làng bol”.

Lơh jăt broă lùp làng bol là lơh jăt broă làng bol lơh tòm tơn mờ broă lơh do geh uă bơta niam rơlao mờ broă làng bol lơh tòm ala. Do kung là tơngu me di pal mờ broă làng bol lơh tòm tàm rài pa do, tàm broă dà lơgar tơrgùm bal tơl ală bơta mờ ơnàng. Cồng nha lùp làng bol là tơl^k nùs nhơm ngăc ngar, jơnau kơ\p kờ` bơh uă làng bol dê, là broă tơl^k gơnoar làng bol lơh tòm uă ngan làng bol dê. Mơya, broă đùh sră lùp làng bol ờ ndrờm mờ broă đùh sră pồ ha là bè kuang bàng tàm Gơnoar ala măt dà lơgar ring bal sră nggal adăt mờ kung ờ ndrờm bal mờ broă ai jơnau đơs pơgồp bal bơh làng bol. Ồng Trần Ngọc Vinh, mpồl kuang bàng [òn dờng Hải Phòng đơs: “Tơl broă lơh pal geh kơrnoăt pơn jăt bal, ală bơta lơi geh lùp làng bol mờ bơta lơi tàm tu\ do tàm lơgar Việt Nam ờ gơtùi lùp làng bol is mờ broă ai jơnau đơs pơgồp bal bơh làng bol. Lùp làng bol pal là broă lơh tàm gùt lơgar, den broă ai jơnau đơs pơgồp bal den mỉng geh 1 tiah. Pal tam cah is loh làng broă ai pơgồp jơnau đơs mìng geh tàm 1 tiah ờ uă, mờ broă lùp làng bol là geh tàm gùt lơgar”.

Geh uă jơnau đơs ờ ndrờm bal là, rơndăp broă adăt kuơ màng mờ kal ke kờ` geh tơl^k nền nòn, tơl gơnoar lơh tòm làng bol dê.

        Cau cih mờ yal tơng^t Ndong Brawl