VOV4.K’ho - Càr Kon Tum tu\ do geh 270 nơm rơbàng yồng, tàm hơ\ geh 108 nơm rơbàng ờ kơl jăp, neh ờ tơl niam tàm broă lòt rê. Ờ mìng ngòt gơtìp tăc che căp, rơbàng tơrlah tàm kàl mìu, mờ tàm kàl prang, nùs nhơm ngòt bè broă di gơlan gơtìp rềs àr tàm ală rơbàng do kung gam geh sùm sơl. Broă lòt rê, pơn diang phan tàm tiah do tìp uă kal ke, lơh aniai uă ngan tus mờ broă tơnguh bơtàu lơh sa-mpồl bơtiàn càr Kon Tum dê.

Mu\ tàm kàl prang, pa klàs mờ broă ngòt dà cò, càl khồm pràn tàm kàl mìu, g^t nđờ rơhiang nơm rơbàng yồng tàm càr Kon Tum gơtìp ờ su\k ơm tài ngòt tăc che căp, tơrlah tài `jơ\ ir. Tàm ntum Đak Nông, kơnhoàl Ngọc Hồi, tềng bồ rơbàng yồng jòng g^t nđờ 10 thơ\k pơrgan dà dờng Pôkô, gơl lòt gan [òn Nông Nội, gơnoar atbồ ntum do neh tơl^k jơnau yal lài: “Rơbàng ờ kơl jăp, ngòt rơngơ\t ngan, tiă tơl nă 1 dơ\. Ba` pơn diang phan `jơ\ gan rơbàng”. Mơya pah ngai, kung gam geh g^t nđờ rơhiang dơ\ cau bal mờ rơndeh, tàm hơ\ mìng là rơndeh Honda tơrbo\ bal pơn diang bùm blàng ris tiă rơbàng.

Ai tê ào jùt dà kơlhề tềng muh măt tơnơ\ mờ neh tiă rơbàng mờ rơndeh Honda pơn diang 80 k^ bùm blàng ris, bi Dương Công Cường pà g^t: “Di lah ờ tiă rơbàng do den ờ geh gùng ndai lòt tai. Ngai lơi kung pal tiă rơbàng do lơm, tài ờ lòt pơn diang bùm blàng den pal tus tàm do lơh mìr. Ală cau kis tàm do ndrờm tiă mờ rơbàng do lơm tu\ lòt lơh broă hờ đah ne, den tàng pal tiă. G^t là ngòt rơngơ\t mơya kung pal tiă”.

Rơbàng yồng ing là broă lơh dờng ngan kờ` dong kờl làng bol tiă dà tàm bơta geh tu\ do, mơya tài làng bol ờ g^t lơh jăt mờ kơrnoăt niam ờ do ờ dă den tàng uă rơbàng yồng tàm càr Kon Tum ni sơna gơs là ală rơbàng ngòt rơngơ\t. Dơ\ gơtìp tơrlah rơbàng yồng Kon Nu tàm ntum Đak Tờ Re, kơnhoàl Kon Rẫy tài tăc che căp nggùl nam lài, lơh 5 nă cau mờ 7 nơm kơnrồ gơdùh tàm dà dờng Đak La; ha là lài mờ hơ\, dơ\ rềs àr rơbàng yồng Nông Nội, tàm ntum Đak Nông, kơnhoàl Ngọc Hồi tài tăc che căp neh lơh 7 nă cau gơdùh tàm dà dờng Pôkô là ală dơ\ neh yal lài ngòt rơngơ\t ngan.

Geh uă rơbàng yồng tàm càr Kon Tum tài ờ geh lơh niam wơl di tu\, mờ tơnơ\ mờ 1, 2 nam neh ờ gam kơl jăp tai. Rơbàng mìng geh lơh mờ dơm mờ mpàn mờ che gle den tàng mhar gơtìp ồm. Broă lơh che căp tơrbo\ bal mờ gơtìp se\k jăt mờ tơngai di gơlan gơtìp tăc tàm tu\ lơi. À` tềng ngkời di pơgăp 30 k^ bùm blàng ris bơh mìr rê, jăt che căp rơbàng yồng, tàm tu\ mpàn dă rơbàng uă tiah neh gơtìp rơha tài ờ tơl mpàn, lo\ Y Lan kis tàm [òn drà Đak Glei đơs: “Rơbàng gơtìp ờ kơl jăp tai bloh, tiă gan kung ngòt rơngơ\t ngan. Geh cau kra ờ khin tiă pal mù tiă tàm dà”.

Kung tài rơbàng neh ờ kơl jăp tai, den tàng làng bol tàm càr Kon Tum, tàm hơ\ uă ngan là tàm ală kơnhoàl bè: Kon Plông, Tu Mơ Rông, Đak Glei, Ngọc Hồi gơtìp hoàc huơr tài kal ke tàm broă pơn diang phan geh lơh bơh mìr sre kờ` lòt tăc. Kơphe, kòi, bùm lơh geh tài broă pơn diang gơtìp kal ke den tàng khà priă mìng ndrờm mờ nggùl, geh tu\ 1/3 jăt mờ anih kă bro dê. Bi A Chum, kis tàm [òn Đak Chung, [òn drà Đak Glei, kơnhoàl Đak Glei pà g^t: cồng nha tơl lồ tam bùm blàng geh rơlao 10 tấn, tơnhào jơh, pơn diang mờ rơndeh Honda tus tàm anih tăc cau tus blơi kung pal roh nggùl nhai: “Jơnau ờ su\k ơm ngan làng bol dê lài ngan là cau blơi rồn bơklơn khà priă. Dơ\ 2 tai là tàm mìr ờ blơi, pal pơn diang l^k tus hờ gùng hơ\ sồng blơi, mờ blơi rồn bơklơn priă tai. Den tàng làng bol ờ g^t lơh bè lơi tai mờ pal pơn diang tus tàm gùng”.

Ồng A Hơn, kuang atbồ anih duh broă làng bol kơnhoàl Tu Mơ Rông pà g^t, gùng lòt gơtìp koh gơl, ală rơbàng yồng ờ kơl jăp mờ di gơlan gơl^k geh ală rềs àr mờ lơh aniai dờng màng ngan tus mờ broă tơnguh bơtàu lơh sa-mpồl bơtiàn tàm ntum dê. Tàm hơ\, geh sền go\ ngan tàm nam pa do, khà bè broă tơn jơh jơgloh, tơmù rơ[ah ờ geh. Tềng đăp mờ ală kal ke tàm broă pơn diang phan geh lơh, làng bol kung gam ờ chờ hờp tàm broă lơh sa tai.

Ồng A Hơn, kuang atbồ anih duh broă làng bol kơnhoàl Tu Mơ Rông đơs: “Ù tiah kơnhoàl geh uă croh dà, dà dờng, tàm hơ\ uă ngan là tàm ntum Măng Ri, Tê Xăng, Ngọc Yêu lơh gơrềng uă ngan tus mờ broă lơh sa. Ờ geh rơbàng làng bol in tiă dà kờ` lòt lơh sa den kal ke, bơh tu\ hơ\, broă tơnguh bơtàu lơh sa kung lơyài. Gơnoar atbồ kơnhoàl kung bè làng bol kơ\p kờ` ngan pơn jăt tai geh broă dong kờl bơh Đảng, Dà lơgar bơcri priă lơh rơcang kờ` làng bol in [uơn tàm broă lơh sa kung bè pơn diang phan”.

Bal mờ 108 nơm rơbàng yồng neh ờ kơl jăp tai, pal geh lơh kơl jăp wơl, broă sền gròi pa dobơh Gah gùng lòt mờ pơn diang phan càr Kon Tum pà g^t, càr do kung pal lơh tai 74 nơm rơbàng yồng mờ khà priă kờp du\ di pơgăp 190 tơmàn priă. Gơnoar atbồ bal mờ làng bol càr Kon Tum kơ\p kờ` Đảng mờ Dà lơgar pơn jăt tai sền gròi rơlao tai tus mờ tiah kal ke do, kờ` broă lòt rê geh tơl niam ờ do ờ dă mờ drơng tàm broă tơnguh bơtàu lơh sa tàm càr do dê tai.

        Cau cih mờ yal tơng^t Ndong Brawl