VOV4.K’ho- Jòng jơh ală pơgăp 30 kơi sồ tàm tơrbo\ bal càr Kontum mờ Quảng Nam, kùel kơh Lò Xo tàm gùng Hồ Chí Minh là gùng ngòt rơngơ\t ngan, sùm gơtìp uă dơ\ rềs àr gùng lòt. Tàm hơ\, gơl gùng kơi sồ 1419 + 500 gơ wèt ù tiah xã Đăk Man, kơnhoàl Đăk Glei, càr Kontum geh ală cau măy rơndeh hòi là “kơh chơ\t cau”. Bơh tài gơl gùng kùel kơh do geh mat lơh ngòt rơngơ\t ngan cau bè hơ\ là tài bơh ndrờm bè nhai lơi tàm do kung gơtìp lơm rềs àr gùng lòt ngòt rơngơ\t ngan.

Àng drim gờn ngai 23/2 pa do, gam tàm gùng lòt bơh càr Hải Dương tus tàm càr Gialai, tu\ lòt tus gơl gùng “kơh chơ\t cau” tàm kùel kơh Lò Xo, rơndeh năc [àng sồ 81B-007.05 bơh Nguyễn Thành Đô, 38 sơnam măy tam tơm mờ dùl nơm rơndeh pơndiang phan ơm kềng gah gùng đah ma. Tơnơ\ ală tu\ lơh ngan gàr bơta ring niam bơh cau măy rơndeh dê, rơndeh năc gơ ntoăt mhar mờ tơm song tơn tềng tơr è rơndeh bồ hoài [àng sồ 82C- 02215 pơndiang sơmang gam lòt tềng đap, mờ jơh ală là ờ gơtùi măy tai. Dilah ờ geh bơta kơ\ nùs, khin cha bơh cau măy rơndeh bồ hoài dê dong rơndeh năc geh ơm wơl, den ờ gi\t là bơta lơi digơlan gơlik geh gơ wèt tus mờ 30 nă cau năc mờ jơh ală mpồl cau măy rơndeh tu\ tềng đap neh là thòng jrô ngan. Ờ hềt jơh nrơ\t ndơl tơnơ\ dơ\ rềs àr gùng lòt, cau măy rơndeh Nguyễn Thành Đô, pà gi\t:

“Rơndeh bồ hoài ne cau rơ\p pa jă thang lơm. Mù tus pơgăp 100 thơk den hơ\ sồng jă thang gơtùi. Dilah mờ rơndeh bồ hoài ờ go\ jă thang den rơndeh a` kung là ờ jai jă thang sơl”.

Dùl dơ\ rềs àr rơndeh năc tàm gùng kơh chơ\t cau

Lài hơ\ dùl ngai kung tàm gơl gùng “kơh chơ\t cau” do sơl, rơndeh Contaier, [àng sồ 64C-04896 bơh Nguyễn Văn Sang, 46 sơnam măy gơ tơm tềng pơng gàr kơryan ta-luy âm mờ gơtìp gơ lơ\p sơkềng. Dơ\ rềs àr lơh cau măy rơndeh là Nguyễn Văn Sang mờ cau lòt jat jơng rơndeh là Phạm Hữu Phước gơkòl tềng ca bin tàm bơta să jan gơtìp sồt să uă ngan. Mpồl lơh sơnơm pal lam dong kờl mhar cau măy rơndeh tàm tiah hơ\ tơn mờ rlau 1 jiơ tơnơ\ kơnờm bơh ală phan mờng ngui, mpồl kảnh sát gùng lòt hơ\ sồng du\i tă geh cau măy rơndeh lik bơdìh. Là cau sùm lòt gan kùel kơh chơ\t cau tàm kùel kơh Lò Xo, bi Võ Tấn Phương, kis tàm kơnhoàl Ngọc Hồi, càr Kontum, pà gi\t:

“A` lòt rê pah ngai sùm tàm gùng do. Rơndeh gơtìp gơ làk uă ngan. Uă rơndeh pơndiang phan kơn jơ\ jo\ jo\ lòt dùl dơ\ mờ ờ go\ rơcang ngac là gơtìp sùm”.

Kơh chơ\t cau là jơnau kah ngòt rơngơ\t ngan gơwèt mờ ală cau măy rơndeh

Jat Trung tá Nguyễn Ích Hoà, Kuang atbồ Trạm Kảnh sát gùng lòt Ngọc Hồi, Phòng Kảnh sát gùng lòt di Kuang àng càr Kontum đơs, ndrờm bè nhai lơi tàm gơl gùng “kơh chơ\t cau” tàm kùel kơh Lò Xo kung gơlik geh lơm rềs àr gùng lòt, uă ngan là mờ rơndeh năc mờ rơndeh pơndiang phan. Jơnau lơh gơtìp rềs àr là tài bơh gơl gùng “kơh chơ\t cau” kue\t rơkue ngan, bơta kơh uă, cau măy rơndeh kal ke ngan sơrlèt gan tu\ tìp phan kơryan tềng đap; gùng ờ huan geh uă cau lòt rê, cau măy rơndeh sùm geh nùs nhơm là ờ go\ rơcang ngac mờ lài hơ\ lài bơh pal lòt gùng jòng tềng gơl gùng kùel kơh jòng, cau măy rơndeh sùm jă thang tus dì tu\ kờn jă thang den là thang ờ gam kuơ tai. Nàng măy rơndeh lòt gan gơl gùng kơh chơ\t cau geh niam ờdo ờdă, Trung tá Nguyễn Ích Hoà, geh jơnau bơto tơngkah gơ wèt tus mờ ală cau măy rơndeh bè do:

“Tu\ guh tus hơđang kùel kơh den pal ơm wơl nàng sền wơl bơta ờdo ờdă lài mờ tu\ mù gùng kùel kơh bơh broă lơh mờ tê. Dilah duh ir he ơm wơl nàng tuh dà. Cih dờp ală jơnau tơngkah bơh mpồl lơh broă geh gơnoar dê. Lơh jat niam bè bơta lòt rê tu\ lòt rê tàm gùng kùel kơh mờ ală broă pal jat tu\ jă thang guh kùel kơh kung bè tu\ mù kùel kơh”.

Bal mờ ală dơ\ rềs àr ngòt rơngơ\t gơtìp tàm “kơh chơ\t cau” tàm kùel kơh Lò Xo tàm ală nam rềp ndo, ờ gơtùi ờ đơs tus dơ\ rềs àr ngòt rơngơ\t ngan gơtìp pơgăp mờ do 12 nam, 29 nă cau tàm Mpồl cau ling yau sơnah [òn Kim Liên, quận Đống Đa, [òn dờng Hà Nội neh sùm sùm ơm wơl tàm kùel kơh do tàm dơ\ lòt còp wơl tiah tam lơh lài do. Nàng ờ gam tai là “kơh chơ\t cau”, ờ gam tai ală dơ\ rềs àr gùng lòt nđàc sơngi\t ngan, bal mờ jơnau gi\t wa\ lơh jat is jơnau sồr ờdo ờdă gùng lòt bơh cau măy rơndeh dê, ală anih lơh broă geh gơnoar kung kờn pal geh broă bơta chài nàng gơl gùng kùel kơh ngòt rơngơ\t do tàm kùel kơh Lò Xo ờ gam tai là kơh chơ\t cau!                                                       

Cau cih mờ yal tơng^t- Lơ Mu K’ Yến