Bơh nam  bơsram nam do, 2014-2015, càr Kon Tum ngan ngồn mut lơh broa\ lơh bơto dà Bahnàr mờ Jarai tus mờ kơnòm bơsram kai bơsram I, la oh kòn bơh làng bol kòn cau tàm càr. Geh bơsram git dà đơs, akhar cih kòn cau he dê la bơta chờ ngan bal bơh ala\ kơnòm bơsram, cau pơgru mờ ala\ mè bèp kơnòm bơsram tàm do.

Là 1 môn geh kơnòm bơsram kơ\p gơn sùm, 4 tiết bơsram dà kòn cau Jarai pah poh tàm ơdu\ 5A, hìu bơsram kai 1 Lê Văn Tám, ntum Sa Bình, kơnhoàl Sa Thầy ndrờm geh bơyai lơh tàm nùs nhơm niam ngan. Broă tus bal bơh rơlao 30 nă kơnòm bơsram tàm ơdu\ bơsram ờ di bè nùs nhơm ờ khin, ngòt bè mờng go\ tàm ală kơnòm bơsram kòn cau Jarai tàm ală dơ\ bơsram môn ndai. Bơsram mờ g^t sền akhar, g^t cih akhar kòn cau tòm neh gơs là nùs nhơm pơnỳơ să ngan tus mờ tơl nă kơnòm bơsram tàm do dê. Oh Y Phan kis tàm bòn Plei Bình Loong pà g^t: “Tàm hìu oh geh mè, bèp mờ lo\ ờ g^t sền akhar kòn cau Jarai. Tu\ geh bơsram dà kòn cau Jarai oh chờ hờp ngan, mè, bèp kung chờ hờp sơl. Bèp oh sồr oh lơh ngan bơsram jăk dà kòn cau Jarai mò pàng oh dê”.

Tàm nam bơsram sơnrờp ngan mùl màl geh ai dà kòn cau Bơnhàr mờ dà kòn cau Jarai bơto kơnòm bơsram kai 1 in, gah bơto bơtê mờ bơsram càr Kon Tum neh lơh jăt broă lơh do tàm 3 kơnhoàl, bòn dờng là kơnhoàl Kon Braih, Sa Thầy mờ bòn dờng Kon Tum. Tàm hơ\ geh 10 hìu bơsram bơto dà kòn cau Bơnhàr, 5 hìu bơsram bơto dà kòn cau Jarai mờ kờp jơh 50 ơdu\, rơlao 1 rơbô nă kơnòm bơsram. Broă bơyai bơto dà kòn cau Bơnhàr mờ kòn cau Jarai geh dờp uă nùs nhơm kờ` bal bơh kơnòm bơsram, hìu bơsram, gơnoar atbồ mờ kuơ màng ngan là cau mè, cau bèp kơnòm bơsram. Bi A Gô kis tàm bòn Plei Khúc Na, ntum Sa Bình, kơnhoàl Sa Thầy pà g^t, do là broă lơh chờ hờp ngan, tài geh uă kòn cau Jarai ndrờm ờ g^t cih mè deh tòm:“Bol a` mìng g^t đơs, ờ g^t cih akhar den tàng bè hơ\ là geh uă bơta bè tàm rài kis chài rơgơi gơtìp roh, tài bol a` ờ g^t sră. Mơya ngai do, tu\ Đảng, Dà lơgar he neh sền gròi mờ geh akhar cih, geh môn bơsram dà kòn cau Jarai do, den do là broă kờ` prăp gàr ală bơta kuơ bè ală bơta chài rơgơi, den tàng a` kờ` ngan”.

Mùl màl, tàm ală hìu bơsram pà go\, môn dà đơs kòn cau Bơnhàr mờ kòn cau Jarai gam cèng wơl bơta chờ tus mờ cau bơto bal mờ cau bơsram. Tàm hìu bơsram kai 1 Võ Thị Sáu, sơnah bòn Thống Nhất, bòn dờng Kon Tum geh 460 nă kơnòm bơsram, ndrờm là oh kòn làng bol kòn cau Bơnhàr, nùs nhơm bơsram dà đơs kòn cau niam ngan bơh 4 dơ\ bơsram dà kòn cau Bơnhàr tàm 1 poh geh kuơ màng ngan tus mờ broă bơsram sră hìu bơsram dê tàm nam bơsram pa do. Pơgru Nguyễn Trọng Khanh gơnoar atbồ hìu bơsram pà g^t:“Broă ai dà kòn cau Bơnhàr tàm hìu bơsram bơto là bơta chờ tus mờ kơnòm bơsram, tài dà đơs mè deh geh ngui uă ngan, bu\ lah akhar cih ờ geh. Tơnơ\ mờ tu\ geh bơsram dà kòn cau Bơnhàr, ală oh chờ hờp ngan đơs ndang mờ cih ndang. Dà kòn cau Bơnhàr là phan dong kờl niam ngan ală môn bơsram ndai in. cau pơgru geh tu\ bơto mờ dà oan, ală oh ờ wă jơh. Bơh dà kòn cau Bơnhàr geh bơto bal, lơh ală oh in g^t wă kơl jăp rơlao. A` go\ ală oh bơsram jăk rơlao, pin dờn rơlao tàm broă bơsram sră”.

Di pal mờ jơnau kơ\p kờ` bơh cau te\ khà tàm do dê, bal mờ broă tơnguh sùm broă bơto mờ bơsram dà đơs kòn cau Bơnhàr mờ kòn cau Jarai bơh ơdu\ 3 tus ơdu\ 5 tàm 15 hìu bơsram kai 1 nam bơsram 2014-2015, gah bơto bơtê mờ bơsram càr Kon Tum gam rơcang ală broă pal lơh kờ` pờ uă broă bơto dà đơs kòn cau Bơnhàr mờ kòn cau Jarai tus tàm ală hìu bơsram gam tai geh gal kơnòm bơsram tàm nam bơsram tus:“Kờ` tơl niam broă pờ uă, geh nùs nhơm bơto jơh tus mờ broă bơto 2 dà đơs kòn cau do, pơn jăt tai rơwah mờ bơtơl ală cau pơgru g^t wă bè dà đơs kòn cau kờ` bơtơl mờ tơnguh jơnau g^t wă. Bơh tàm broă bơto, geh ală broă lơh geh lơh jăt uă. Mờ tơl bè mpồl cau pơgru, hơ\ sồng broă bơyai lơh, kơ\p kờ` là tàm tơngai tus, broă bơto dà đơs kòn cau Bơnhàr mờ Jarai sơlơ ngai sơlơ tơnguh bơtàu niam rơlao”.

Là 2 tàm 6 jơi bơtiàn kòn cau kis tàm càr Kon Tum, kòn cau Bơnhàr mờ kòn cau Jarai geh khà kờp làng bol di pơgăp 80 rơbô nă, kis uă ngan tàm 4 kơnhoàl, [òn dờng là: kơnhoàl Kon Braih, Sa Thầy, Đak Hà mờ [òn dờng Kon Tum. Broă càr Kon Tum mùl màl bơto dà kòn cau Bơnhàr mờ kòn cau Jarai ai kơnòm bơsram kai 1 bàr jơi bơtiàn kòn cau do in di pal mờ nùs nhơm, jơnau kơ\p kờ` ală cau lơh broă gah bơto bơtê mờ bơsram tàm càr do, mờ kuơ màng ngan là cau te\ khà 2 jơi bơtiàn kòn cau do. Broă lơh do là broă lơh mùl màl kờ` prăp gàr dà đơs, akhar cih, bơta niam chài rơgơi làng bol kòn cau in, mờ kung tơl^k broă sền gròi bơh Đảng mờ Dà lơgar tus mờ oh kòn làng bol kòn cau Tây Nguyên dê.

                                                                         Cau mblàng Ndong Brawl.