VOV4.K’ho- Tàm ală tŭ lơh rơndăp broă lơh lơh niam wơl ală gơl gùng tờm tàm gùng rơndeh 24 gơl lòt gan ù tiah xã Hiếu, kơnhoàl Kon Plông, càr Kon Tum neh gơlik geh jơnau bồr tơ̆p lŏ sre làng bol dê. Ală mpồl lơh broă geh gơnoar bơh càr Kon Tum dê neh mhar tus lơh broă bal mờ jơnau hơ dong kờl làng bol in dipal.

Ù pơrdô jăt dà mìu gơ hòr tus lŏ sre lơh làng bol ờ gơtùi tam kòi

Bơta geh ngan pà gŏ, tàm ală tŭ lơh bơnah broă sồ 5 lơh niam wơl gùng rơndeh 24 neh gơlik geh jơnau dà cò pơrdô jăt bal ù mờ bồr tơ̆p jơh mờr 8 lồ lŏ sre bơh 87 hìu bơnhă làng bol dê. Mpồl ătbồ rơndăp broă lơh gùng lòt càr Kon Tum neh geh broă lơh dong kờl ai làng bol. Geh bơta dùl nùs bal bơh làng bol dê, broă dong kờl hoàc hươr geh lơh tơn tàm nhai 10 do.

Cau mblàng Lơ Mu K’Yến