VOV4.K’ho-Gơrềng tus bơnah priă rlau 59 tơmàn dồs priă tơm wơl, dong kờl ntrờ` ơm kis pa kơ\ kơl jăp ai làng bol xã Đăk Nên, kơnhoàl Kon Plông in mờ sùm tàm jơh dùl tu\ tơngai jo\ jòng pa do càr Kon Tum dan mờ Bộ Công thương, Chủ tịch Mpồl duh broă gơ wèt bal Tập động Nhơm zờu Việt Nam sồr Công ty Cổ phần thủy điện Đăk Đrinh tă tơm jơh ai tiah do in. Bulah bè hơ\ jơnau lơh cau tờm bơcri priă lơh hìu măy pờ tơlik ồs đèng ờ hềt tơm jơh bơnah priă do dùl bơnah kung là tài bơh ală gah lơh broă geh gơnoar bơh càr Kon Tum dê ờ hềt lơh jơh ală sră nggal jat di jơnau sồr.

Jat ồng Lê Hữu Tín, Phó Chủ tịch UBND kơnhoàl Kon Plông dê yal, tàm nam 2013 lài do, gơnoar atbồ tiah do bơyai lơh ntrờ` 192 hìu làng bol tàm xã Đăk Nên tus tiah ntrờ` ơm kis pa kơ\ kơl jăp lời wơl ù ai rơndăp broă lơh hìu măy pờ tơlik ồs đèng Đăk Đrinh in.

Làng bol ntrờ` ơm kis pa lời wơl ù nàng lơh hìu măy pờ tơlik ồs đèng Đăk Đrinh tàm xã Đăk Nên bòl glar ngan ơm kơ\p sùm geh pà ù lơh sa

Tus tu\ do, 6 nam neh lòt gan mơya cau tờm bơcri priă lơh hìu măy pờ tơlik ồs đèng là Công ty Cổ phần thủy điện Đăk Đrinh đơs lơyah là DHC kung gam ơ hềt tơm priă ai tiah do in kờp jơh là 59 tơmàn. Tàm hơ\, priă tơm wơl dong kờl mờr 40 tơmàn 700 tơlak; priă ntrờ` ơm kis pa mờ lơh sa kơ\ kơl jăp dùl bă tiah mờ priă tă atbồ là rlau 18 tơmàn 300 tơlak.

Ồng Lê Hữu Tín pà gi\t, tài bơh ờ dờp geh priă jền bơh cau tờm bơcri priă lơh hìu măy pờ tơlik ồs đèng dê den tàng tus tu\ do gơnoar atbồ kơnhoàl Kon Plông kung gam ờ hềt lơh jơh sơl broă tơm wơl, dong kờl ntrờ` ơm kis pa mờ lơh sa kơ\ kơl jăp dùl bă tiah ai làng bol in. Bơta do gơlam tus broă làng bol ờ tơl ù lơh sa, ờ geh broă lơh, ờ geh phan sa den tàng ờ dùl êt hìu làng bol lời sơrbì tiah ntrờ` ơm kis pa rê ơm kis wơl tàm [òn yau mờ rê ơm tàm ală dòr bơnơm kơh ngan mờ ngòt rơngơ\t ngan.

Ờ hềt geh priă bơh đah DHC tơm, ngan den tàng bè hơ\ mờ gơtìp gơ do\ jòng. Bơta do kơnhoàl kung yal sơl mờ càr mờ neh uă dơ\ lơh broă mờ Công ty DHC. Kung neh uă dơ\ sơl lòt tus mờ UBND càr lòt lơh broă mờ Tổng Công ty mờ Tập đoàn. Tập đoàn mờ Công ty kung geh sơl ală sră nggal sồr DHC. Mơya tus tu\ do kung gam ờ hềt geh dờp sơl priă jền geh tơm wơl.

            Uă hìu đam gơtìp lời sơrbì ờ geh cau ơm tài bơh làng bol sơrbì tiah ơm kis pa lòt jòi tus tiah ndai nàng ơm kis

Bè đah Công ty Cổ phần thủy điện Đăk Đrinh, ồng Đàm Đức Thông, Kuang atbồ Công ty pà gi\t, tu\ do, công ty neh rơndăp tăp sèng ai tơl priă bơh bơnah priă càn ngân hàng kă bro tàm lơgar dê nàng bơsong ală broă gam gơkòl tàm broă lơh tơm priă ai ù lơh broă.

Tềng đap măt Công ty neh mờ gam tơm kơnhoàl in 3 bơnah bal mờ kờp jơh là 25 tơmàn 800 tơlak, tàm hơ\ geh: priă tă atbồ; priă dong kờl tam brê mờ sền gàr ngui broă lơh. Mơya, jat ồng Đàm Đức Thông yal tàm broă Công ty lơyaì tơm priă kung geh sơl jơnau là tài bơh đah kơnhoàl.

Tus ngai 15/5, Công ty neh jàu kơnhoàl in 3 tơmàn 600 tơlak tơn tu\ geh tơl ală bơta pal geh. Bơnah priă 7 tơmàn 400 tơlak den do là bơnah priă dong kờl tam brê. Tus tu\ do, kơnhoàl kung ờ hềt ai geh bă ù ờ hềt geh tơl ală bơta nàng ai Công ty in tơm priă kơnhoàl in. Geh dùl bơnah tai là pơgăp 14 tơmàn 800 tơlak, do là bơnah priă prăp wơl ơm kơ\p sền swì kờp jơh priă jền tă tơm broă lơh kung bè sền gàr ngui broă lơh ntrờ` ơm kis pa lơh sa kơ\ kơl jăp dùl bă tiah. Priă do kơnhoàl kung pa lơh gơs sră nggal tàm bồ nhai 5 lơm. Tu\ do, jat jơnau sồr Công ty gam sền swì, kờp sền wơl sră nggal kung bè lơh jat broă kờp sền priă tă mờ dơ\ ngui tàm dơlam is lơh bơnàng jă lài mờ tu\ tơl ală bơta tă tơm priă.

Gơ wèt mờ bơnah priă mờr 33 tơmàn 300 tơlak gam wơl tàm kờp jơh bơnah priă rlau 59 tơmàn tơm wơl, dong kờl ntrờ` ơm kis pa mờ UBND càr Kon Tum sồr Công ty Cổ phần thủy điện Đăk Đring tơm, bơh jơnau lùp bơh cau lơh báo dê den geh gi\t, do là bơnah priă tơm wơl gơguh tai mờ càr Kon Tum lơh tàm ală tu\ bơyai lơh ntrờ` làng bol ơm kis pa kơ\ kơl jăp dùl bă tiah. 

Gùng dà bơh Bộ Công thương dê đơs là, priă tơm gơguh tai do ờ hềt di mờ jơnau sồr bơh Chính phủ dê. Den tàng bè hơ\, kờ` dờp geh bơnah priă 33 tơmàn 300 tơlak gam wơl, UBND càr Kon Tum pal pơn jat tai geh sră nggal yal mờ Thủ tướng Chính phủ in, yal lơh loh làng. Tơnơ\ tu\ Thủ tướng Chính phủ geh jơnau đơs ngan ngồn bè broă do den geh gơ gơs là bơnàng jă nàng Công ty Cổ phần thuỷ điện Đăk Đrinh lơh jat jơnau sồr bơh UBND càr Kon Tum dê.

Cau mblàng Lơ Mu K’Yến