VOV4.K’ho- Mho ngai 7/7, tàm càr Kon Tum, Phó Chủ tịch lơgar lài do mò Trương Mỹ Hoa, Kuang ătbồ Kes priă dong kờl bơsram Vừ A Dính neh jàu 55 bơnah priă dong kờl bơsram nam bơsram 2019- 2020 ai kơnòm bơsram kòn cau geh rài kis kal ke tàm 2 kơnhoàl Kon Rẫy mờ Kon Plông in.

Ală oh geh dờp priă dong kờl bơsram ndrờm là oh kòn làng bol kòn cau dê, rài kis kal ke mơya geh nùs nhơm sơrlèt gan kal ke bơsram jak. Bal mờ broă geh dờp priă dong kờl bơsram tơl bơnah 1 tơlak đong, ală oh gam geh dờp phan pà bơh Phó Chủ tịch lơgar lài do dê.

Đơs tàm dơ\ bơyai lơh jàu priă dong kờl bơsram, mò Trương Mỹ Hoa kơ\p kờ` là, priă dong kờl bơsram Vừ A Dính là bơta pơndờm pơnđiang, hòi jà ală oh pơn jăt tai lơh ngan pơđơl pràn tàm broă bơsram sră bơh să tờm dê. Kơ\p kờ` là ală oh lơh ngan pơđơl pràn bơsram niam, lơh ngan gơ gơs là kòn dờn bơr, kơnòm bơsram jak ờ lơh mè bèp in muăt jrùm mờ ờ lơh roh bơta gơn kơnờm bơh cau geh nùs nhơm niam dê neh tă pơgồp priă jền lơh gơs Kes priă dong kờl bơsram.

Cau mblàng Lơ Mu K’Yến