VOV4.K’ho- Rlau 15 nam do, thôn Tu Thó, xã Tê Xăng, kơnhoàl Tu Mơ Rông, càr Kon Tum  pal lòt gan 3 dơ̆ ntrờn ƀòn ơm kis tus tiah ơm kis pa tài bơh tơrlah ù. Pa do, geh Dà lơgar sền gròi, dong kờl priă jền, bơcri priă lơh ală phan bơna niam ngan, mờr 140 hìu bơnhă làng bol kòn cau Sơdàng dê neh iang nùs ơm tàm tiah ơm pa. Mờ priă jền bơcri lơh uă ngan bơh lài tus tŭ do, kơnhoàl Tu Mơ Rông neh ntrờn jơh 139 hìu bơnhă, mơkung lơh wil tơl, kơ̆ kơljap ală phan bơna bè đèng, dà ngui sa, hìu rông niam chài rơgơi, hìu bơsram mầm non, gùng lòt ală thôn, gùng lòt tàm ƀlàng sre.... mhar ngan bè ờs wơl rài kis ai làng bol in. Ồng A Đê, Chủ tịch UBND xã Tê Xăng pà gĭt, lơh ngan jơh nùs tus lồi nam 2021 geh ntrờn jơh mờr 140 hìu bơnhă tus tiah ơm pa, kơ̆ kơljap rài kis mờ lơh broă sa.

Cau mblàng K’Hạnh