VOV4.K’ho-Tềng đap jơnau gơbàn wơl tơnơ\ 11 nam bơh kòp bạch hầu dê lơh 2 nă cau chơ\t, gah lơh sơnơm càr Kon Tum gam jal mhar lơh uă broă lơh nàng kờ` kơryan kòp bạch hầu gơtờp tus mpồl bơtiàn.

Gơ wèt mờ ală kơnhoàl geh cau gơtờp kòp bạch hầu, là Đăk Hà, Đăk Tô mờ Tu Mơ Rông, gah lơh sơnơm càr Kon Tum neh lơh kloh niam tiah geh kòp mờ dà sơnơm CloraminB; sơlơ gròi sền rơcang lài gi\t kòp bạch hầu; ai mhàm sền mhàm tam tìp mờ mờr 70 nă cau pơyua tus Viện vệ sinh dịch tễ Tây Nguyên, cồng nha ndrờm ờ gơtờp mờ kòp bạch hầu; pà rlau 5.200 pơnai sơnơm kháng sinh Erythromycin sơm kòp rơcang lài ală cau tam tìp mờ cau kòp, halà pin bơtờp kòp bạch hầu; sơnđờm bơh ngai 16/10 tus ngai 21/10 lam lơh broă lơh cit sơnơm vaccine rơcang sơndră kòp ai rlau 8 rbô nă cau bơh 7 tus 30 sơnam tàm pe xã geh cau gơtờp kòp in tàm kơnhoàl Đăk Tô mờ Tu Mơ Rông.

Cau mblàng Lơ Mu K’Yến