VOV4.K’ho – Neh mờr jơh nam, 7 hìu nhă rơbah tàm ntum Rờ Kơi, kơnhoàl Sa Thầy, càr Kon Tum hơ\ sồng dờp geh priă dong kờl sa tềp Ất Mùi. Uă hìu nhă ndai, kung tơnơ\ sa tềp hơ\ sồng dờp geh priă dong kờl càr dê. Bal mờ hơ\ là bơta ờ loh làng tàm broă sac rơ wah hìu nhă rơbah, lơh pơr lồm akhar ki\ bơh ală cau geh dong kờl dê, lơh mpồl bơtìan ờ suk ngan, lah yă jo\ jòng, lơh roh nùs nhơm tam klac bal tàm [òn lơgar. Bơta do gơlik geh tàm [òn Đăk Tang, ntum Rờ Kơi, kơnhoàl Sa Thầy, càr Kon Tum:

Tơnơ\ 7 nhai kơp gơn, lồi nhai 9 pa do, 7 hìu nhă làng bol gam wơl tàm khà 38 hìu nhă rơbah mờ hìu nhă ndrờm bè cau rơbah tàm [òn Đăk Tang, ntum Rờ Kơi, kơnhoàl Sa Thầy hơ\ sồng dờp geh tơl hìu nhă 500 rbô priă bơh Anih duh broă làng bol càr Kon Tum dong kờl sa tềp Ất Mùi 2015. Bè jơnau lơh gơbàn bơta lơỳai do, ồng A Đinh, kuang atbồ đơng lam Đảng ntum Rờ Kơi pà git, tơngai lài mờ sa tềp, mpồl đơng lam Đảng ntum geh yal là 7 hìu nhă do ờ ơm tàm sră cih mat hìu nhă rơbah geh dờp priă dong kờl càr dê: “ Anih duh broă gah tề lam gùng dră bal dà lơgar kơnhoàl yal mờ mpồl đơng lam Đảng ntum đơs là, 7 hìu nhă do tu\ do ờ hềt geh priă. Mìng kờp khà hìu nhă tàm 5 [òn crơng gơs lài, ờ geh [òn pa crơng gơs. Kơnhoàl đơs, bơta do lời kơnhoàl pơnjat tai dan mờ Anih duh broă làng bol càr nàng bơtơl den tàng gơbàn lơỳai. Gah tề lam gùng dră bal ntum kung mblàng lơỳai là tài Anih duh broă gah tề lam gùng dră bal dà lơgar kơnhoàl ờ hềt bơ tơl priă 7 hìu nhă hơ\ in, tơl hìu nhă 500 rbô priă.”

Ngai 26 nhai 9, hìu nha\ Lường Thị Phong dờp pria\ pà dong kờl sa tềp.

Mơya, pa do, gah lơh broă geh gơnoar kơnhoàl Sa Thầy đơs tờm, tàm 2 ngai 14 mờ 17/2, hơ\ là ngai 26 mờ ngai 29 sa tềp, ồng Ngô Văn Thuy mờ mò Vũ Thị Yến – kuang bàng lơh broă anih duh broă gah tề lam gùng dră bal dà lơgar kơnhoàl Sa Thầy neh jàu tơn ồng A Díu in, kuang atbồ Anih duh broă gah tề lam gùng dră bal dà lơgar ntum Rờ Kơi tơl priă sa tềp ai 38 hìu nhă rơbah mờ hìu nhă ndrờm bè cau rơbah [òn Đăk Tang in. Khà dong kờl tus mờ hìu nhă ơbah mờ 500 rbô priă mờ hìu nhă ndrờm bè cau rơbah là 200 rbô priă. Sră cih mat ki\ dờp priă mờ anih duh broă gah tề lam gùng dră bal dà lơgar ntum Rờ Kơi pơyua hờ anih duh broă gah tề lam gùng dră bal dà lơgar kơnhoàl, tơnơ\ hơ\ kờp tơr gùm tơm priă kung tơl 38 hìu nhă neh dờp priă.

Tàm tu\ tìs, di, kơnòl gơ wèt hờ cau lơi mờ kơnă lơi gam ờ hềt loh làng, ờ uă cau tàm mpồl 7 hìu nhă rơbah hơ\ sồng dờp priă sa tềp tàm ngai 26/9 pa do đơs tờm, akhar ki\ khi dê halà cau tờm dê tàm sră cih mat tơnơ\ sa tềp ntum tơr gùm pơyua hờ kơnhoàl nàng tơm priă là akhar ki\ ờ ngan. Bi ùr Lường Thị Phong, pơ ùr bi Xa Văn Nguyện pà git: “ Bơklau a` dê ờ git ki\. Lài do lòt càn priă anih priă jền mìng lip tê, mơya tàm sră cih mat do geh akhar ki\, ờ git cau lơi neh ki\. Pa dờp geh nhai lài mơ. Khi đơs là tu\ hơ\ rềp sa tềp ir ờ than tong priă.”

Broă dờp priă dong kờl sa tềp lơỳai tus mờ hìu nhă rơbah ờ mìng sơ lơu\ wơl mờ bơta đơng lam bơh càr Kon Tum dê mờ gam lơh gơbàn jơnau pơn rơ ờ niam tus mờ gơnoar atbồ tàm [òn lơgar. Bơta tàm pin kung gơlik geh đah ală hìu nhă rơbah mờ mpồl ala mat [òn, ngan là mờ ală cau atbồ mờ cau jat jơng atbồ [òn.

Bơta dong kờl bơh dà lơgar dê tus mờ hìu nhă rơbah geh mut lơh ờ loh làng neh gơlik geh bơh tu\ [òn Đăk Tang crơng gơs tàm lồi nam lài. Broă sac rơ wah hìu nhă rơbah ờ geh lơh tờm, ờ lơh jat kơrnuat boh lam, tơmut tàm sră cih mat bal mờ kòn ùr cau atbồ [òn bal mờ 2, 3 hìu nhă tai bè Ngô Văn Chung, Nguyễn Văn Viết geh rài kis pas gơs rlau mờ uă hìu nhă ndai kung gam geh sac rơ wah hìu nhă rơbah, lơh làng bol ờ niam nùs ngan. Jơnau gơ lời wơl là lah yă gơlik geh, nùs nhơm tam klac tàm [òn lơgar gơtìp aniai. Ồng Đinh Cao Thế, jat jơng atbồ [òn dờp: “ Tài tơngai kờp sền hìu nhă rơbah gơ jal ir, mìng tàm 2 ngai den tàng lơh gơbàn ờ uă bơta ờ niam tàm [òn. Mìng geh cau atbồ [òn mờ mpồl đơng lam ntum dê là lòt tus ală hìu nhă hơ\. Tơnơ\ rê ờ pơr jum [òn mìng ringbal tàm ală gah, mpồl lơh broă bơh gah tề lam gùng dră bal dê.”

Làng bol đơs tờm, ua\ ky\ mat tàm sra\ dờp pria\ la ky\ mat ờ ngan.

Pà git nùs nhơm bơh Anih duh broă làng bol kơnhoàl Sa Thầy dê tềng đap ală broă lơh tìs bơh ờ uă kuang bàng tàm [òn lơgar tàm broă mut lơh bơta dong kờl tus mờ hìu nhă rơbah gơlik geh tàm [òn Đăk Tang, ồng Trần Đình Huân, kuang atbồ cơldu\ lơh broă anih duh broă làng bol kơnhoàl Sa Thầy đơs tờm, tơnơ\ mờ tu\ klo jơnau yal, kơnhoàl neh crơng gơs mpồl lòt sền, pơnjat hơ\ là mpồl lùp sền krà` cê kờ` lơh loh ală tơngume broă lơh tìs, nùs nhơm bơh kơnhoàl Sa Thầy dê là lơh glài krà` ală broă lơh tìs kờ` bơt bơtàu wơl bơta pin dờn bơh làng bol dê tus mờ gơnoar atbồ tàm [òn lơgar mờ kờ` ală broă dong kờl bơh Đảng, dà lơgar kung bè bơh càr dê geh tus mờ hìu nhă rơbah di tu\.

                                                               Cau cih mờ yal tơngit K’ Duẩn.