VOV4.K’ho- Bal mờ cing mồng, cau Sơdàng mờ cau H’Rê tàm càr Kon Tum gam geh uă ngan đờng goòng kòn cau geh lơh bơh ală phan neh geh lài bơh tàm brê bơnơm.

Mơya, tu\ do geh dùl êt nă ngan nghệ nhân gam chài lơh mờ ngui geh ală đờng goòng kòn cau do. Tềng đap bơta geh ngan do, tàm dơ\ bơyai lơh Poh Niam chài- Nhơl chờ dơ\ 6, kơnhoàl Kon Plông, càr Kon Tum gam bơyai lơh dùl ròt ală broă lơh geh kuơ ngan, hơ\ là pơrlòng mòn đòng goòng kòn cau.

Tàm dùl anih dềt tàm Hìu rông [òn Kon Pring, xã Đăk Long, ồng kra nghệ nhân A Lễ cau [òn Kon Chêng, xã Măng Cành gơlơh jơh nùs jơh tồr ngan mờ broă mòn Tà vẩu, dùl nơm đờng goòng mờ jat ồng đơs là niam ngan bơh cau Sơdàng Mơnâm dê. Tà vẩo niam bơne\ tàm bơta, jơh ală đờng goòng do mìng jòng 7 phơng lơm geh mòn bơh ding đơr dùl lơm bal mờ dùl êt nsồp lơ we mơya săp ntas den iat kơno gơlơh bơkah tồr ngan.

Tàm ală dơ\ lơh chờ kuơmàng bơh [òn dê, bè sa rơpu chờ Hìu rông pa, chờ piang kòi pa gam sơnđan là `ô lir bong…pal geh săp ntas Tà vẩu dê ntas bal mờ săp ntas dròng cing mồng den hơ\ sồng niam, hơ\ sồng ndu tàm.

Nghệ nhân A Lễ mòn Tà vẩu

Ồng kra nghệ nhân A Lễ pà gi\t, [òn ồng dê geh 80 hìu bal mờ rlau 300 nă cau mơya khà cau gam lơh mờ uh chài Tà vẩu den kờp ờ hềt tơl 5 nau tê bơh dùl mpàng tê dê. Den tàng bè hơ\, bơta kơ\p kờ` ngan bơh ồng dê là bơto yal wơl broă chài lơh mờ bơta chài uh Tà vẩu ai ală cau gam kơnòm in.

Să tờm a` kờ` sền gàr, prăp gàr mờ bơto yal wơl ai ală rơnàng oh kòn, kòn sau tơnơ\ do in. Kơ\p kờ` là oh kòn, kòn sau sền gàr wơl bơhiàn bè bơta niam chài, đờng goòng cau Mơnâm dê nàng tơnơ\ do sền gàr geh gơ in jo\ jòng.

Tà vẩu dùl nơm đờng goòng niam ngan cau Sơdàng dê

Bơh dơ\ pơrlòng, ală đờng goòng mờ nghệ nhân dê sùm lơh, sùm nhơl tàm ală tu\ ru broă sươn mìr halà tàm ală dơ\ lơh chờ, bè: Ting ning, Brâng, Tà vẩu, Klông pút… neh pơneh tus tiah ndai gơcèng tus bơta chờ hờp ai cau tờm lơh in.

Nghệ nhân A Vững (đah kiau) mòn đờng Ting ning

Đơs bè đờng ting ning, geh pơnyơu bè đờng kờ` gơboh bơh cau Sơdàng dê, nghệ nhân A Vừng ơm tàm [òn Rô Xia 2, xã Đăk Tăng, kơnhoàl Kon Plông, pà gi\t.

Klau pơnu khi ai đờng ting ning do khi pe\. Ală cau jak, cau chài, pe\ là kòn ùr kờ` iat. Khi tàm kờ` là khi tơngo\ bơh tàm đờng hơ\. Geh cau den tàm kờ` tơn, bau tơn tơnơ\ hơ\ deh oh deh kòn tơn.

Tàm dùl dơ\ lùp pa do tàm 89 [òn bơh cau Sơdàng mờ cau H’Rê dê bơh Phòng Văn hoá Thông tin kơnhoàl Kon Plông dê, geh uă [òn neh ờ geh tai nghệ nhân mòn đờng goòng bơh yau. Bơta hi\u roh te\ ngai sơlơ kơlôi rcăng ngan tai, tu\ rơnàng kơnòm să gam gơtìp gơhoài gơ jà tài bơh jơnau đơs crih pa rài do dê.

Den tàng bè hơ\, ồng A Sơn, Phó Kuang atbồ Phòng Văn hoá Thông tin kơnhoàl Kon Plông đơs, broă lơh geh ală anih nhơl niam chài là bơta sơnđờm kuơmàng ngan bơh kơnhoàl dê nàng prăp gàr, ngui niam bơta kuơ đờng gòong bơh yau bơh cau Sơdàng mờ cau H’Rê dê.

Pơrlòng mòn đờng goòng kòn cau là nàng ai đah kòn cau do mờ kòn cau ne in cau tìp mat lùp bơsram bal bè broă mòn đờng goòng. Dơ\ bàr tai là nàng cau lài bơto yal wơl cau tơnơ\ in. Dơ\ pe là nàng lơh geh bơta kờ` gi\t ai kơnòm dềt in mờ ală cau ndai cau tus. Tu\ mờ lơh geh bè hơ\ den ngan ngồn tơnơ\ do rơnàng cau tơnơ\ khi geh kờ` lơh đờng goòng kòn cau.

Cau mblàng Lơ Mu K’Yến