VOV4.K’ho – Pria\ càn dùl êt mơya tài bơh tryang tryồng lơh sa kung gam gơtùi lik klàs r[ah mờ geh rài kis tơl niam, kơ\ kơljap. Do là bơta geh ngan pal chờ hờp ngan tàm ua\ tiah làng bol kòn cau bơh càr Kon Tum dê. Broă geh ai càn pria\ mờ ngui pria\ càn dùl bă geh cồng nha gam là bơta tờm ngan nàng ală hìu bơnhă làng bol in brồ guh tàm broă lơh sa mờ geh rài kis ngai sơlơ bơtàu tơnguh.

Wă nac tàm dùl hìu kấp 4 dờng niam, sàng kloh bal mờ tơl phan bơna drơng tàm rài kis, ờ huan geh cau sơ nơng là pơgap mờ do 3 nam, hìu bơnhă bi A Hiếu, Y Kum ơm tàm thôn 4, xã Đăk La, kơnhòal Đăk Hà gam gơ wèt hìu bơnhă r[ah. Bi Y Kum pà git, nam 2013, bi geh Mpồl tam klac cau ùr xã Đăk La pơlam lơh sră càn pria\ geh 20 tơlak đong bơh Ngân hàng Chính sách xã hội nàng ròng rơpu me. Kơ nờm broă ròng phan [uơn [ùai bal mờ tryăng tryồng lơh broă, tus nam 2016, hìu bơnhă neh tơm jơh pria\ càn. Pơn jat tai càn 50 tơlak đong bơh ngân hàng, ùr bơklau bi A Hiếu, Y Kum bơcri tam pa 1 rbô tờm kơphe mờ lơh niam wơl 1 lồ mờ nggùl kơphe neh geh bơh lài.

Bi Y Kum yal bè broă càn pria\ lik klàs r[ah bơh hìu bơnhă bi dê: “Lài do hìu bơnhă a` dê r[ah ngan. Kơ nờm geh pria\ càn bơh Ngân hàng chính sách dong kờl ai hìu bơnhă a` in càn den tàng hìu a` geh bè do. Hìu bơnhă a` ngui pria\ càn bơh Ngân hàng dê nàng ròng rơpu. Lơh niam wơl, sơngka sền gàr kơphe. Blơi ma\i, ding dà nàng [ồm kơphe in. Hìu a` dê jơh r[ah nam 2017 mờ lơh hìu 200 tơlak đong. Tu\ do hìu bơnhă neh tơl ngui tơl sa rlau mờ lài”.

Hìu dờng niam bơh ùr bơklau bi A Hiếu, Y Kum dê

Xã Đăk La, kơnhòal Đăk Hà, càr Kon Tum geh 57% khà kờp làng bol là cau kòn cau, ơm kis tàm 6 bơh 10 thôn bơh xã dê. Ală nam do, bơh pria\ càn chính sách bal mờ bơta lơh bal bơh ală mpồl, mpồl cau dê tàm broă hòi jà, pơlam làng bol càn pria\, ngui pria\ càn geh cồng nha den tàng ua\ hìu bơnhă làng bol neh lik klàs r[ah mờ geh rài kis ngai sơlơ bơtàu tơnguh. Tu\ do, tàm 2 rbô hìu bơnhă làng bol bơh xã dê den geh rlau 1 rbô hìu bơnhă càn pria\ bơh Ngân hàng Chính sách xã hội dê, mờ kờp jơh khà pria\ dồs ai càn mờr 40 tơmàn đong. Tàm hơ\, geh 7 tơmàn 700 tơlak đong ai càn jat mpồl hìu bơnhă r[ah, 2 tơmàn 700 tơlak đong càn jat hìu bơnhă ndrờm bè cau r[ah mờ rlau 400 tơlak đong ai càn hìu bơnhă jơh r[ah.

Ồng Nguyễn Quang Thịnh, Chủ tịch Ủy ban Nhân dân xã Đăk La đơs bè cồng nha bơh pria\ ai càn dê gơ wèt tus mờ broă lơh tơrmù r[ah bơh xã dê: “Bơh pria\ càn Ngân hàng chinh sách dê bol hi ai làng bol in càn, ngan là hìu bơnhă r[ah mờ hìu bơnhă ndrờm bè cau r[ah. Ai càn di cau nàng hìu bơnhă r[ah, ndrờm bè cau r[ah geh càn pria\ do nàng tơrgùm bơtàu tơnguh lơh sa. Nam 2016, khà hìu bơnhă r[ah là 16,1% tus tu\ do khà hìu bơnhă r[ah gam 8,97%. Bol hi gam tơrgùm hòi jà làng bol ngui pria\ càn geh cồng nha nàng gơtùi lik klàs r[ah mờ kờp du\ lồi nam 2020 do hơ đơm 5% , lơh geh jơnau kờ` bè bơt bơtàu [òn lơgar pa hơ đơm 7%”.

Kuang bàng Ngân hàng chính sách xã hội càr Kon Tum cribơyai mờ bi Y Kum

Jat khà kờp bơh Ngân hàng Chính sách xã hội càr Kon Tum dê ai go\, tu\ do, Ngân hàng gam lam lơh 14 broă lơh ai càn pria\. Kờp tus jơh nhai 8 pa do, kờp jơh pria\ dồs ai càn mờr 3 rbô tơmàn đong. Mìng is gơ wèt mờ ală cau càn pria\ là hìu bơnhă r[ah, hìu bơnhă ndrờm bè cau r[ah mờ ală cau geh sră dong kờl ndai, Ngân hàng neh tă geh 620 tơmàn đong ai rlau 15 rbô 500 dơ\ hìu bơnhă in càn. 

Ồng Nguyễn Văn Chung, Phó Kuang atbồ Ngân hàng Chính sách xã hội càr Kon Tum pà git, bơh tu\ do tus lồi nam, Ngân hàng pơn jat tai tă pria\ càn ai hìu bơnhă r[ah in càn nàng bơtàu tơnguh lơh sa: “Nàng kờ` drơng jơnau kờ` càn pria\ bơh làng bol dê, Ngân hàng Chính sách xã hội càr yal mờ Ngân hàng Chính sách xã hội Việt Nam bơ tơl tai pơgap 150 tơmàn đong, mơkung kờp du\ ai dồs pria\ càn tus tơngai tơm pơgap 100 tơmàn đong. 2 bơnah pria\ do geh 250 tơmàn đong nàng tă ai hìu bơnhă r[ah, hìu bơnhă ndrờm bè cau r[ah mờ ală cau geh sră dong kờl bơh dà lơgar nàng càn pria\ bơtàu tơnguh lơh sa, kă bro. Dùl broă tai là lơh niam broă pơgồp bal ală broă lơh dong kờl, tàm jàu khoa học kỹ thuật nàng lơh bè lơi ală broă lơh do pơgồp bal mờ pria\ càn chính sách nàng pria\ càn lơh geh cồng nha niam ngan rlau jơh”.

Broă lơh ròng kơn rồ me lik klàs r[ah bơh dùl hìu bơnhă làng bol tàm [òn dờng Kon Tum dê

Tàm 5 nam do, kờp bal khà hìu bơnhă r[ah bơh càr Kon Tum dê pah nam gơmù 4,05%, tàm hơ\ ua\ ngan cau jơh r[ah là hìu bơnhă làng bol kòn cau. Mùl màl ai go\, geh ua\ hìu bơnhă làng bol mìng kơ nờm geh càn pria\ bulah ờ ua\ bơh Ngân hàng mơya ngui geh cồng nha kung gam gơtùi bơtàu tơnguh lơh sa hìu bơnhă, brồ guh lik klàs r[ah. Bè hơ\ den tàng gơ wèt mờ 17 rbô 600 hìu bơnhă làng bol kòn cau gơ wèt hìu bơnhă r[ah gam wơl, gơ noar atbồ càr Kon Tum gam bal mờ ngân hàng chính sách xã hội lơh ngan dong ală hìu bơnhă làng bol do geh [uơn tàm broă càn pria\ nàng bơtàu tơnguh lơh sa, lik klàs r[ah kơ\ kơljap.

Cau cih Khoa Điềm – Cau mblàng K’Duẩn