VOV4.K’ho – Bơh bồ nam tus tu\ do, càr Kon Tum geh 517 nă cau gơbàn kòp sốt xuất huyết bal mờ 203 tiah geh kòp. Pơn drờm mờ ală càr Tây Nguyên, khà cau gơbàn kòp sốt xuất huyết bơh càr Kon Tum dê lơyah ngan rlau jơh mờ ờ hềt geh cau lơi chơt să. Bơta do là tài càr neh mhar jơh nùs lam lơh ală broă lơh rơcang sơndră kòp.

Mùl màl, gùt càr neh lam lơh 35 dơ\ [ồm sơnơm gơ sơt sơmac, mờr 400 dơ\ [ồm sơnơm gơ sơt kih dà. Tơl xã, thị trấn 1 nhai lơh broă 1 dơ\, tơl thôn halà tổ dân phố lam lơh 1 dơ\ tàm 1 poh gơ sơt kih dà. Gùt càr Kon Tum crơng gơs rlau 700 mpồl lam lài, pơs wàs gàr kloh niam tiah ơm kis, gơ sơt kih dà.

Gah lơh sơnơm geh lơh gơs, gàr sùm broă lơh bơh 2 mpồl rơcang sơndră kòp làm bă tiah kấp càr mờ 20 mpồl kấp kơnhoàl nàng di tu\ rơcang sơndră, kơryan kòp. Broă lơh mblàng yal, yal jơnau, hòi jà làng bol rơcang lài sơndră kòp sốt xuất huyết geh sền gròi, ngan là broă rơcang lài wàs kloh niam tiah ơm kis, gơ sơt kih dà, sơmac.

Cau mblàng K’Duẩn