VOV4.K’ho- Lơh jat gùng dà broă lơh bơh Đảng, Dà lơgar, tàm ală nam do, Tỉnh ủy, HĐND, UBND càr Kon Tum ngan ngồn sền gròi bơtàu tơnguh tiah làng bol jơi bơtiàn kòn cau mờ sền do là dùl tàm ală kơnòl broă kuơ màng nàng bơtàu tơnguh, mpồl bơtiàn tàm ală tiah in kơ̆ kơl jap.

Ngan ngồn, Broă lơh 135 gơwèt Broă lơh jơnau kờñ dà lơgar tơrmù rƀah kơ̆ kơl jap tơngai bơh nam 2016-2020 neh dong kờl rlau 74 tơmàn đong nàng bơcri priă lơh phan bơna, bơtàu tơnguh lơh sa, lila rài kis lơh broă sa, rề ơnàng broă lơh tơrmù rƀah, tơnguh uă bơta pràn jak ai mpồl bơtiàn mờ Kuang bàng kơnă hơđơm  ai ală xã kal ke uă, xã tiah nhàr lơgar, xã ờ do ơdă tiah ơm kis, ală thôn, ƀòn kal ke uă in. Đảng, Dà lơgar sền gròi tus cau geh bơngă pin dờn tàm tiah làng bol jơi bơtiàn kòn cau. Dà lơgar neh bơcri mờr 3 tơmàn đong nàng pơn dờm pơndiang cau geh bơngă pin dờn mờ phan bơna, ai sră băo nàng sền, bơyai pờ ơdŭ pơlam tàp, bơto bơtê bơta gĭt wă mờ bơsram bơta mờng chài.

Cau mblàng K’ Hạnh