VOV4.K’ho – Neh mut lơh đo was bơh rlau 5 nam, mơya tus tu\ do, git nđờ rbô hìu nhă làng bol tàm kơnhoàl Ea H’leo, càr Dak Lak kung gam ờ hềt dờp geh sră ngui ù. Bơta do lơh aniai uă ngan tus broă cribơyai tàm rài kis làng bol dê; uă cau kờ` priă bơcri kă bro, lơh broă sa pal tus càn tàm ală mpồl ai càn mờ priă cồng uă:

Ồng Lê Duy Thuỷ, ơm tàm [òn 2C, ntum Ea H’eo geh dùl lồ mờ gùl ù lơh sa bơh uă nam do. Ồng Thuỷ pà git, bơh nam 2009, bal mờ uă hìu nhă ndai tàm tiah do geh kuang bàng lơh broă gah ù tiah mut lơh đo was nàng lơh broă ngui ù. Mơya neh rlau 5 nam kung ờ hềt geh sră sơl. Kờ` priă nàng bơcri lơh broă sa mơya ờ geh phan nàng lơh sră càn, den tàng anih priă jền ờ ai càn priă. Ồng Thuỷ pà git: “ Pal lòt càn priă mờ priă cồng uă, càn 1 tơlak den sa priă cồng tus 50 rbô, hìu nhă a` càn rlau 100 tơlak priă hơ\sồng lơh broă sa, geh nhai tơl nàng tơm, geh nhai den ờ tơl mơya kung gam pal lơh, ai bơh do bơ tơl đah ne.”

Hìu nhă bi Bùi Trọng Luận, ơm tàm [òn 1, ntum Ea H’leo kung geh đo was nàng lơh sră ngui ù neh rlau 5 nam, mơya tus tu\ do kung ờ hềt dờp geh sră ngui ù sơl. Bi Luận pà git: “ Tài anih priă jền đơs là ù bol a` dê ờ hềt geh sră ngui ù den tàng bol a` ờ gơtùi lơh sră càn priă. Bol a` pal lòt càn tiah ndai nàng bơcri lơh mìr, ndrờm bè bol a` càn bơh bơdìh lơm, priă cồng jơnhua den tàng bol a` lơh kung ờ tơl priă bơcri sơl.”

Ồng RơCom Y Lê, kuang jat jơng atbồ anih duh broă làng bol ntum Ea H’leo pà git, gùt ntum geh 13.000 lồ ù lơh sa. Nam 2009, geh 2.000 hìu nhă geh đo ù nàng lơh sră ngui ù. Mơya tus tu\ do ndrờm ờ hềt geh sră. Ồng pà git jơnau gơlik geh lơỳai do: “ Ală bơta mờ a` git là mpồl pơlam lơh broă lơỳai. Tài dà lơgar he ờ hềt geh priă tơm mpồl pơlam do in, hơ\ là ờ hềt tơl priă tơm khi in lơh sră. Den tàng, mpồl pơlam prap wơl sră ngui ù, ờ jàu kơnhoàl in nàng tong ală hìu nhă in.”

Jat ồng Hà Hoàng Quỳnh, kuang jat jơng atbồ cơldu\ phan geh is mờ tiah ơm kis kơnhoàl Ea H’leo, jơnau gơlik geh bơta lơỳai do là tài mpồl đo ù là mpồl cùp ù tiah 2 di gah phan geh is mờ tiah ơm kis dà lơgar, là mpồl geh gah phan geh is mờ tiah ơm kis càr Dak Lak ki\ sră pơrgon đo ù mờ lơh sră ngui ù ală ntum kơnhoàl Ea H’leo in, tơnơ\ mờ tu\ đo mờ lơh jơh sră nggal neh ntrờn tus tiah ndai. Tài ờ hềt geh gah phan geh is mờ tiah ơm kis càr Dak Lak tơm jơh priă jền jat sră pơrgon đo ù den tàng mpồl do ờ hềt jàu tơl sră nggal kơnhoàl in. Ồng Quỳnh pà git: “ Khà sră nggal mờ mpồl pơlam ờ hềt lip sră ngui ù nàng jàu kơnhoàl in là uă ngan, cơldu\ lơh broă phan geh is mờ tiah ơm kis kơnhoàl kung neh cribơyai mờ dan mờ gah phan geh is mờ tiah ơm kis càr, dilah ală mpồl pơlam tu\ do ờ lơh tai den sồr jàu wơl jơh sră nggal gam ơm tàm mpồl pơlam nàng dờp kơnhoàl in. kơnhoàl geh yal wơl priă jền bè lơi nàng gơtùi ringbal mờ priă kơnhoàl dê. Tài jơh sră nggal uă ngan là lip gơs sră ngui ù mờ tong kơnă geh gơnoar in ki\, hơ\sồng jàu làng bol in.”

Tu\ lơi den rlau 6 rbô hìu nhă làng bol tàm kơnhoàl Ea H’leo gơtùi geh dờp kuơ dipal he dê. Halà khi sùm pal kơp gơn mờ pal kong mờ priă cồng jơnhua bơh mpồl ai càn priă.

                                                               Cau cih mờ yal tơngit K’ Duẩn.