VOV4.K’ho - 6 nhai bồ sơnam nam 2016, gùt kơnhoàl Ea H’Leo neh git  go\  rlau 400 na\ cau gơbàn kòp mprơm gơlik  mhàm, geh tus 1/3 khà cau gơbàn kòp mhơm  gơlik mhàm  bơh gùt càr Daklak. Do kung la  nam gơbàn kòp mprơm gơlik mhàm gơbàn ua\ ngan tàm kơnhoàl do tàm 5 nam do.

            Cau gơbàn kòp mprơm gơlik mhàm sơnrờp geh git go\ tàm kơnhoàl Ea H’Leo tàm lồi nhai 1 nam 2016, mờ mo tơnơ\ hơ\ geh bơtờp  ua\ ngan. Tus tu\ do, 12 tàm 12 ntum, sơnah [òn [ơh kơnhoàl neh geh cau gơbàn kòp mprơm gơlik mhàm, gơbàn kòp ua\ ngan la tàm [òn drà Ea Drang mờ ntum Dlie Yang. Bè bơta bơh tài  kòp  gơ tờp ua\, bác sĩ Phạm Thanh Vân  atbồ Hìu sơnơm kơnhoàl Ea H’Leo ai git: “Lài jơh la bơta geh tam tìp chài rgơi, mpồl bơtìan slơ ngai slơ ua\. Dơ\ 2 la bơta git wa\ bè kloh tiah kis bơh mpồl bơtìan gam ờ hoan git ngan. Ala\ dà gơ kờn, tơ lồk dà, phan sang  jơng kah geh  gơ kờn  dà tàm bơdĩh  trồ tiah la ua\ ngan. bal mờ hơ\,  làng bol gam  ờ hoan sền ngan tàm broa\ rcang sơndra\ kòp mprơm gơlik mhàm...”

            Tềng đap  gơbàn ngan do,  gah lơh sơnơm kơnhoàl Ea H’ Leo neh mut lơh dùl ròt ua\ ngan broa\ lơh rcang sơndra\ kòp,  tàm hơ\ geh trơ gùm ngan  tàm bơta tus bal bơh mpồl bơtìan mờ gah yal tơnggit bơto bơtê  jơnau pràn  kơldang sa\ ja`. Bơh gùl nuai 4, hìu sơnơm  kơnhoàl neh  dong broa\ tus anih duh broa\ làng bol kơnhoàl bơyai lơh  broa\ lơh rcang sơndra\ broa\ lơh rcang sơndra\ kòp mờ ky\ pơrgon mờ ala\ anihd uh broa\ làng bol ala\ ntum,  [òn drà,  mut lơh ala\ broa\ lơh rcang sơndra\ kòp mprơm gơlik mhàm mờ kòp bơh virus zika lơh aniai. Geh lơh bal mờ Gơnoar atbồ [òn lơgar,  mpồl bơtìan ala\ ntum, [òn drà  lik lơh broa\ lơh kloh tiah kis. Geh bơto pơlam tus cau kuang,  cau lơh broa\ bal  gah lơh sơnơm broa\ lơh   bơsong ala\ phan ưn dà. Sùm geh yal tàm anih pờ tơlik jơnau đơs sơndio rùp kơnhoàl,  yal tàm  lơa  broa\ lơh bè ala\ bơta rcang sơndra\ kòp mởơm gơlik mhàm.  Geh lơh bal mờ hìu sơnơm rcang  lài kòp càr Daklak bồm sơnơm   ơnàng tus ala\ tiah geh cau kòp gal, ua\ anih gơlik kòp...Bulah bè hơ\,   tu\ do kòp  mprơm gơlik mhàm tàm Ea H’Leo  gam gơbàn kal ke. Bác  sỹ Phạm Thanh Vân atbồ hìu sơnơm kơnhoàl Ea H’Leo geh đơs bè  bơta gam ờ hềt lơh niam he dê:“Bol a`  gam lơh pràn broa\ lơh mblàng pơlam yal tơnggit tus  hờ ntum. Mơya bơta gam ờ hềt niam tu\ do la bol a` mìng rơp lơh ngan yal tơnggit bơh ờ sa\ tờm bơh ala\ gah yal tơnggit jơnau, ờ hềt geh tơl phan bơna nàng geh yal  tơnggit tơn tus tàm [òn lơgar”.

            Den tàng, tàm tơngai tus,  hìu sơnơm kơnhoàl  Ea H’Leo geh sền kuơ lơh pràn bơta yal tơnggit tus tơn tàm [òn lơgar, ai cau lơh broa\ bal geh sùm tus hờ hìu làng bol nàng geh mblàng pơlam, bơtàu tơngguh git wa\, mờ geh pơlam làng bol broa\  sang jơh ala\ anih deh kòn bơh sơmac dê. Ai jơh bơta tus bal bơh mpồl bơtìan mờ jơh bal mờ ròt gùng dra\ bal tàm broa\ rcang sơndra\ kòp. Kơnhoàl kung crơng gơs ala\ mpồl, mpồl lam lài  gơsơt kih dà,  mơ kung geh sền gròi nền nòn,  dipal git go\ mờ bơsong mo tiah kis tu\ geh git gơbàn kòp, pleh gơbàn bơstờp.

                   Cau cih mờ yal tơnggit K’ Brọp