VOV4.K’ho - Là 1 tàm ală tiah lơh kòi uă ngan càr Dak Lak dê, kơnhoàl Krông Ana geh uă ngan hìu măy kòi, tơrgùm uă ngan tàm thị trấn Buôn Trấp. Bơta kờ` đơs niam là ală hìu măy kòi do geh lơh tơn tàm [òn ơm kis, geh tu\ rềp tơn mờ hìu bơsram, tơl^k uă ngan kơmbuh lơ\ tus tàm tiah kis, lơh ờ niam uă ngan tus mờ rài kis, broă lơh bơh ală hìu làng bol; broă bơsram sră bơh ală kơnòm bơsram dê.

Broă lơh gơbàn [ơ\ do neh uă nam mơya gơnoar atbồ tàm do ờ hềt geh broă lơi kờ` bơsong.

Trồ pa rơhờt mìu, mơya tàm tổ dân phố 4, thị trấn Buôn Trấp gùt dar hìu măy kòi Cúc Phi gam gơbàn gơthul lơ\ kòi. Tàm dơlam hìu măy kòi, khà kơbuh lơ\ sơlơ uă, kờn tàm ală ròt hìu măy kòi. Bơdìh mờ ală cau lơh broă tàm do, geh tus 90 hìu làng bol, hìu tăc phan sa bal mờ anih lơh sa kă bro tàm tiah do gơbàn gơthul uă ngan.

Dùl anih lơh sa kă bro măy tàm tổ dân phố 4 pà g^t, di lah Cúc Phi măy sùm kòi mờ lơh gơl^k gơthul lơ\ bè tu\ do, anih lơh sa kă bro di gơlan pal tơnguh khà priă tă tus 400 tơlăk priă kờ` geh sùm broă kă bro. Tàm hơ\, geh 100 tơlăk priă kờ` crăp tai kroh kơrian gơthul lơ\, 300 tơlăk priă kờ` bơcri tàm broă lơh niam nhơm.

Den jăt ồng Phan Văn Hiếu, atbồ tổ dân phố 4, thị trấn Buôn Trấn geh hìu tăc phan sa neh pal ơm ờ lơh broă, ntrờn anih kă bro tài gơthul lơ\ bơh hìu măy uă ir đơs:

- Hìu măy kòi Cúc Phi là hìu măy dờng, măy sùm mang kung bè ngai. Tu\ măy kòi den puh phe lơh gơpar lơ\ l^k hờ bơdìh den tàng lơh gơthul tus tàm hìu làng bol, kờn tàm jơnờng, tàm kơ [àng ngui sào, hìu lơi làng bol kung pal jùt uă dơ\ tàm ngai. 2 hìu rềp tềng gah pal tăc hìu dô kis tàm tiah ndai tài ờ jai ơ\t ir.

Kung lơh gơbàn [ơ\ tàm tiah kis bè hìu măy kòi Cúc Phi dê sơl, mơya cau gơbàn bơh hìu măy kòi Bích Điệp, tàm sồ hìu 63 gùng Nơ Trang Gưh, thị trấn Buôn Trấp gam geh tai cau pơgru bal mờ kơnòm bơsram tàm hìu bơsram cấp 3 dân tộc nội trú kơnhoàl Krông Ana tai.

Hìu măy kòi do ngài mờ hìu bơsram mìng 15 thơ\k, den tàng 160 nă kơnòm bơsram bal mờ ală cau pơgru tàm hìu bơsram do gơbàn gơs măy lơh kloh gơthul lơ\ kòi. Pơgru Lương Đức Thuận, atbồ hìu bơsram do pà g^t:

- Kàl prang gơthul lơ\ kòi par tus tàm hìu bơsram lơh gơbàn ờ niam ngan tus mờ kơnòm bơsram bal mờ ală cau pơgru; ală kơnòm bơsram, cau pơgru kis tàm do rơhồp gơthul lơ\ kòi den tàng gơbàn  uă bơta kòp bè bơsiă, lơh ờ niam ngan tus mờ să jan.

Bol a` neh dan mờ kơnhoàl kờ` geh broă ndrờn hìu măy, bè jo\ jòng là kờ` gàr niam tiah kis kơnòm bơsram in kung bè ală kuang bàng, cau pơgru kis tàm hìu ơm bal hìu bơsram dê.

Kơnhoàl Krông Ana geh di pơgăp 5 rơbô lồ ù sre, khà geh lơh pah nam geh bơh 180 tus 200 rơbô tấn kòi. Gùt kơnhoàl geh rơlao 40 hìu măy kòi geh ai sră lơh broă, tàm hơ\ geh uă hìu măy geh bơta pràn bơh 10 tus 20 tấn pah ngai, ndrờm lơh broă tàm ală [òn geh gal cau tàm [òn drà Buôn Trấp.

Kơmbuh gơthul lơ\ bơh ală hìu măy kòi do lơh aniai uă ngan tus mờ tiah kis làng bol bal mờ broă kă bro bơh ală anih lơh sa kă bro tàm do. Bơta lơh ờ su\k ngan là neh uă nam do mờ ờ hềt geh hìu măy kòi lơi gơbàn lơh glài tài lơh gơbàn [ơ tàm tiah kis.

Ồng Trần Đình Chiến, atbồ phòng Tài nguyên mờ Môi trường kơnhoàl Krôgn Ana pà g^t, broă lơh glài ală hìu măy kòi do mìng rơ\p geh tàm rơndăp broă:

- Nam do, rơ\p tơrgùm kờ` lòt sền, ală hìu măy kòi dềt tàm ală xã tìs mờ broă lơh gơbàn [ơ\ tàm tiah kis den jào xã bơsong. Gam tàm kơnhoàl den ờ hềt geh lơh glài cau lơi. Bơh tu\ do tus lồi nam, anih lơh broă do neh lơh rơndăp broă pơlam UBND kơnhoàl kờ` sền gròi, lơh glài jăt mờ Nghị định sồ 151.

Cau cih mờ yal tơng^t Ndong Brawl