Ală kơ nòl bal bơh cau ngui ù dê geh cih bè lơi?

Jat jơnau cih tàm bơta 170 adat ù tiah nam 2013 den cau ngui ù geh ală kơnòl bal bè tơ nơ\ do:

- Ngui ù di jơnau kờ`, di nhàr ù, di jơnau cih bè ngui khà jrô tàm đơm ù mờ khà jơnhua đah đang, sền gàr ală broă lơh bal tàm đơm ù mờ lơh jat ală jơnau cih ndai bơh adat boh lam geh gơ rềng bal.

- Mut lơh cih yal ù tiah, lơh tơl sră pơ àr tu\ tam gơl, tàm jàu gơnoar, ai ơpah, ai ơpah wơl, geh dờp wơl, pà gơnoar ngui ù, lơh sră càn priă, tă pơ gồp priă bơcri mờ gơnoar ngui ù jat jơnau cih adat boh lam dê;

- Mut lơh kơnòl priă jền jat jơnau cih adat boh lam dê;

- Mut lơh ală broă lơh sền gàr ù;

- Lơh jat ală jơnau cih bè sền gàr tiah ơm kis, ờ lơh aniai tus bơta kuơ di pal bơh cau ngui ù geh gơ rềng dê;

- Lơh jat ală jơnau cih bơh adat boh lam dê bè broă jòi bàn phan tàm đơm ù;

- Jàu wơl ù dà lơgar in tu\ geh gơnoar toh wơl ù, tu\ jơh tơngai ngui ù mờ ờ geh anih lơh broă dà lơgar geh gơnoar tơn jo\ gơngai ngui.

Cau ngui ù kờ` mut lơh ală gơnoar tam gơl, tàm jàu, ai ơpah, ai ơpah wơl, geh dờp wơl, pà gơnoar ngui ù, lơh sră càn priă, tă pơ gồp priă bơcri mờ gơnoar ngui ù den pal geh ală bơta lơi?

Jat jơnau cih tàm bơta 188 adat ù tiah nam 2013 den cau ngui ù geh mut lơh ală gơnoar tam gơl, tàm jàu, ai ơpah, ai ơpah wơl, geh dờp wơl, pà gơnoar ngui ù, lơh sră càn priă, tă pơ gồp priă bơcri mờ gơnoar ngui ù tu\ geh ală bơta tơ nơ\ do:

- Geh sră cơng tàng, ờ kờp bơta geh cih tàm sèng 3, bơta 186 mờ cau geh dờp wơl geh cih tàm sèng 1 bơta 168 bơh adat ù tiah nam 2013 dê;

- Ù ờ geh tam pìt;

- Gơnoar ngui ù ờ gơtìp lơh sră nàng lơh jat kơrnuat lơh glài’

- Gam tàm tơngai ngui ù;

Cau ngui ù tu\ mut lơh ală gơnoar tam gơl, tàm jàu, ai ơpah, ai ơpah wơl, geh dờp wơl, pà gơnoar ngui ù, lơh sră càn priă, tă pơ gồp priă bơcri mờ gơnoar ngui ù gam pal geh tơl ală bơta geh cih tàm adat ù tiah nam 2013.

Broă tơr`a bơ song tam pìt bè ù tiah geh mut lơh bè lơi?

Jat jơnau cih tàm bơta 202 adat ù tiah nam 2013, broă tơr`a bơ song tam pìt bè ù tiah geh mut lơh bè tơ nơ\ do:

- Dà lơgar chul chồl ală gah tam pìt ù tiah bơ song is hala bơ song tam pìt ù tiah jat broă tơr`a tàm bòn lơgar;

- Tam pìt ù tiah mờ ală gah tam pìt ờ gơtùi bơ song den pơyua sră tus anih duh broă àng bol ntum tiah geh ù tam pìt nàng bơ song;

- Kuang atbồ anih duh broă làng bol ntum geh kơ nòl bơyai lơh tơr`a bơ song tam pìt ù tiah tàm bòn lơgar he, tàm tu\ mut lơh pal pơ gồp bal mờ anih duh broă gah tề lam gùng dră bal ntum mờ ală mpồl lơh broă bơh gah tề lam gùng dră bal, ală mpồl lơh broă ndai. Sră nggal bơ song tam pìt ù tiah tàm anih duh broă làng bol ntum geh mut lơh tàm tơngai ờ rlau 45 ngai, kờp bơh ngai dờp geh sră sồr bơ song tam pìt ù tiah;

- Broă tơr`a bơ song pal geh lơh sră, geh akhar ki\ bơh ală gah, geh dờp la gơtùi bơ song halà bơ song ờ gơtùi bơh anih duh broă làng bol ntum dê. Sră tơr`a bơ song pal geh pơyua tus ală gah tam pìt, prap wơl tàm anih duh broă làng bol ntum tiah geh ù tam pìt.

- Mờ ală broă bơ song gơtùi mờ geh tam gơl bè nhàr, cau ngui ù den anih duh broă làng bol ntum pơyua sră lơh bơ song tus cơldu\ phan geh us mờ tiah ơm kis tus mờ ală bơta tam pìt ù tiah đah hìu nhă, cau 1 nă să, bòn ơm kis, pơyua tus gah phan geh is mờ tiah ơm kis càr, bòn dờng tus mờ ală bơta ndai.

- Cơldu\ phan geh is mờ tiah ơm kis, gah phan geh is mờ tiah ơm kis càr, bòn dờng yal anih duh broă làng bol kơnă bal tơlik kơrnuat dờp broă tam gơl nhàr ù mờ lơh pa sră ngui ù, gơnoar ngui hìu ơm mờ phan bơna ndai gơ jat mờ ù.

                                                                                      Cau mblàng K’ Duẩn.