VOV4.K’ho- 2 ngai do, 32 nă kơnòm bơsram Hìu bơsram mẫu giáo Đăk Hring, kơnhoàl Đăk Hà, càr Kontum pal jun tus hờ hìu sơnơm tài bơh pin gơtìp khih phan sa. Ală oh dềt ndrờm geh bơta gơtìp duh să, jê ndul, è dà geh bal gơtuh hă mờ bàr pe oh dềt geh bơta gơ tơngo\ ndrờm bè jơnau jê ndul è mhàm sơl. Tàm 32 nă oh dềt tus kham tàm Hìu sơnơm kơnhoàl, mìng geh 5 nă oh gơtìp nggờc geh sơm kòp tàm hìu, gam wơl 27 nă oh pal tus hờ hìu sơnơm nàng geh dong kờl. Jơnau bơtuah ngan là tus mho ngai òr ờ hềt geh oh dềt lơi gơtìp aniai kơn jơ\ pal jun tus hờ hìu sơnơm dờng. Geh gi\t Hìu bơsram mẫu giáo Đăk Hring, xã Đăk Hring, kơnhoàl Đăk Hà, càr Kontum geh 233 nă kơnòm bơsram, jơh ală oh ndrờm ơm sa ngai mờ gùl [ùi mho tàm hìu bơsram. Jơh ală phan sa tăc mờ hìu tru\ gơm biăp piang pah ngai geh hìu bơsram blơi tàm dùl tiah lơm. Bơdìh mờ 32 nă oh pin gơtìp khih phan sa pal ơm rlô bơsram nàng geh dong kờl, jơnau yal bơh hìu bơsram dê pà gi\t, geh 53 nă oh kung ờ lòt bơsram tàm 2 ngai do sơl mờ ờ hềt gi\t tài bơh jơnau lơi. Jat jơnau đơs bơh sơn rờp bơh anih lơh broă lơh sơnơm càr Kontum dê yal, digơlan phan sa bơh ală oh dê gơtìp bơtờp phan kis dềt lơh jê ndul gơjroh è mhàm.

Cau cih mờ yal tơngi\t- Lơ Mu K’Yến