VOV4.K’ho-Mờ bơta bơtàu tơnguh bơh măy mok dê ngai sơlơ jak chài ngan den jơnau kơlôi rơcang bè broă lơh pơrlồm ală sră pơ àr, mờ kuơmàng là broă lơh sră cih mat ală rơndeh rơndồ ngai sơlơ gơguh tai. Mờ bơta geh ngan pà go\, broă lơh pơrlồm sră rơndeh dờng, rơndeh măy bơh ală cau dê ngai sơlơ rơlăc rơliang ngan.

Khi gơtùi lơh pơrlồm dùl sră cih măt rơndeh mờ măt bè ờs den là he ờ gơtùi đal git geh, sră lơi là sră ngan mờ sră lơi là sră ờ ngan. Mơya, ală broă lơh bơh bol khi dê pa gơtìp anih lơh broă Kuang àng Kontum sền go\, kơryan mờ bơsong di tu\.

Pơnrơ ngan là tàm ngai 28/9/2017 pa do, Mpồl lơh sră cih mat atbồ rơndeh rơndồ gơ wèt Phòng Kảnh sát gùng lòt Kuang àng càr Kontum dờp 1 sră nggal sồr tam gơl mat cau tờm rơndeh măy [àng sồ: 82B1-43134, măt rơndeh Yamaha, rùp să rơndeh Exciter bơh bi Đặng Duy Hiệp dê, kis tàm [òn 8, xã Đăk Cấm, [òn dờng Kontum blơi wơl bơh bi Trần Văn Hoà dê, kis tàm hìu sồ 5/10, gùng Nguyễn Huệ, [òn dờng Kontum. Tàm ală tu\ lơh sră nggal, mpồl lơh broă geh gơnoar neh sền go\ sră cih mat rơndeh măy [àng sồ 82B1-43134 geh tềl tơngo\ lơh pơrlồm.

Tus lùp khàu, anih lơh broă kuang àng neh sền go\ [àng sồ do ờ go\ di là rơndeh măy rùp să bè rơndeh Exciter ờ mờ là rùp să rơndeh măy Sirius dê, dà pơrhê jù, mờ sồ dơm rơndeh, sồ măy rơndeh ờ di pơndrờm mờ sră cih mat rơndeh Exciter mờ cau tờm rơndeh là Đặng Quốc Tiến kis tàm [òn 1, xã Hà Mòn, kơnhoàl Đăk Hà, càr Kontum.

Ai rơndeh măy Exciter geh wơl [àng sồ cih mat ngan là 77B1-04934. Yal bè broă do, Thiếu tá Võ Trí Tài- Kuang atbồ Mpồl lơh sră cih mat atbồ rơndeh rơndồ gùng lòt- di Phòng Kảnh sát gùng lòt Kuang àng càr Kontum, pà gi\t:

“Tàm ală tu\ dờp sră nggal den mpồl lơh broă bol a` dê neh sền swì mờ lơh jơh ală broă nàng lơh sră nggal cih mat ai làng bol in. Tàm ală tu\ sền swì, den sền go\ uă ngan sră pơ àr ờ ngan.

Bè tàm nam 2017 do, sền go\ 9 dơ\ sră nggal mờ sră cih mat rơndeh ờ ngan nàng lòt lơh sră nggal tam gơl măt cau tờm rơndeh, sră rơndeh ờ ngan lơh chài ngan mờ măt bè ờs den bol he ờ gơtùi sền go\ geh, bơh broă lơh ờs mờng mờ sền swì sră nggal den bol a` neh sền go\ 9 dơ\ mờ neh jàu mpồl lơh broă geh gơnoar in nàng pơn jat tai lùp khàu mờ bơsong”.

Bơdìh hơ\ tai, tơnơ\ tu\ lơh pơrlồm ală bơta sră nggal cih măt rơndeh, ală cau do ngui ală bơta sră pơ àr do nàng tăc bro halà pơyua tàm tiah gàr phan, ai lòt càn priă kờ` jòi sa is. Dùl ròt ală cau do pa gơtìp Kuang àng càr Kontum sền go\ mờ ku\p tài bơh geh broă lơh pơrlồm, sa kuề phan bơna gơguh tus gi\t nđờ tơmàn priă neh pà go\, broă ngui ală bơta sră pơ àr ờ ngan tu\ do gam geh ală bơta gơ gơlik geh kal ke.

Bè broă cau ờ niam neh ngui 3 nơm rơndeh dờng Toyota Camry mờ 1 nơm rơndeh dờng Lexus RX350 bal mờ sră pơ àr să jan tờm, sră rơndeh, sră sền gi\t bơta niam rơndeh…tus jàu ai ală hìu bơnhă làng bol tàm ù tiah càr Kontum in nàng sa kuề priă jền bal mờ khà priă mờr 3 tơmàn.

Nàng geh cơng tàng bơsong niam dơ\ lơh tìs, anih lơh broă kảnh sát lùp khàu kuang àng càr neh pal pơyua sồ dơm rơndeh, sồ măy rơndeh dờng bal mờ ală sră nggal geh gơrềng tus Phòng Kỹ thuật hình sự in nàng sồr sền swì.

Bơh sền swì pà go\, jơh ală sră pơ àr do ndrờm geh lơh pơrlồm mờ broă in bồm dà sơng. Tàm hơ\ pal sền ngac ngan là broă lơh pơrlồm sră măy rơndeh in tềng sră nôm ka kră (PET) jat sră pa geh ai ngui tàm tơngai rềp ndo.

Bơta sră măy rơndeh do geh uă bơta măy mok sền gàr uă, lơh mờ sồ, mờ in ndơ\p jơnau yal is să tờm, in mờ măy mok in tam gơl bơta duh jak chài ngan. Ală cau do neh ngui uă măy mok jak chaì pa tàm broă lơh gơlik sră pơ àr ờ ngan kờ` pleh mờ bơta sền go\ bơh anih lơh broă geh gơnoar dê.

 Den tàng bè hơ\, dilah ờ geh bơta sền swì, sền nền den kal ke ngan nàng đal gi\t geh bơta ngan mờ bơta ờ ngan bơh ală sră pơ àr do dê. Yal bè broă chài đal gi\t mhar ngan rlau jơh, Thượng tá Lê Hữu Thảo, Phó kuang atbồ Phòng kỹ thuật hình sự Kuang àng càr Kontum, pà gi\t:

“Nàng đal gi\t geh sră măy rơndeh ờ ngan mờ thẻ nhựa den tu\ ơn tàm bơta àng cực tím den sền go\ tềng mat nđăp geh rùp gai lòng dà lơgar mpờl ai gơ wèt mờ ală sră ờ ngan den ờ, gơ wèt mờ sră dờp sền sền swì bơta niam rơndeh den kung geh dùl rùp [ang kị mpờl tềng bơta àng cực tím sòl, geh rùp [ang kị Cục sền swì bơta niam rơndeh Việt Nam mờ gơ gơ crà àng, ai gơ wèt mờ sră rơndeh den geh rùp [ang kị bơh Bộ giao thông dê geh rùp sềr bơkàu ơm tềng đah ma tềng đap măt”.

          Bơh bơta geh ngan tàm Kontum, làng bol pal kơrhia ngan tu\ lơh ală broă kă bro geh gơrềng tus sră cih măt ală rơndeh, bè: kă bro, ai rơndeh dan lòt càn priă jền…, pleh lời gơlik ală jơnau gơlời wơl pơlai soh gời.

 Broă ku\p mờ bơsong krà` ală cau ngui ală sră pơ àr ờ ngan là jơnau kah rơcang ngac ai ală cau lơi neh mờ gam geh jơnau hàm kờ` jòi sa priă jền uă tìs mờ kơrnoat boh lam bơh ală broă lơh lơh tìs do.

Cau cih mờ yal tơngi\t- Lơ Mu K’Yến