VOV4.K’ho – Bơta sơgràm ai gah gùng nàng tac phan lơh kòl gùng lòt, lơh ờ niam tus tiah drà là bơta ờ pa mơya gam gơlik geh ngai sơlơ uă tàm [òn dờng Kontum, càr Kontum:

Cau lơi kung git tiah gah gùng là bơnah gùng lòt ai cau lòt jơng in mơya tàm [òn dờng Kontum, càr Kontum jơh ală tiah gah gùng, ngan là tàm ală gơl gùng tơr gùm uă mpồl lơh sa kă bro, hìu làng bol tac phan den jơh ală tiah gah gùng ndrờm gơtìp sơgràm ai, lơh anih ràng phan bơna mờ [àng yal tơnggit. Lòt gan ờ uă gơl gùng bè Nguyễn Huệ, Lê Hồng Phong, Trần Hưng Đạo, Phan Chu Trinh, Nguyễn Viết Xuân… tàm khat dùl tu\ jiơ lơi kung bàn go\ bơta tac phan, hơ\sồng cau tac cau blơi tơrgùm gal ngan tềng gah gùng. Ờ geh gùng lòt he in, cau lòt jơng pal mù tàm gùng dờng lời ală bơta rơndeh rơn dồ ndai in bulah git bè hơ\ là ngòt rơngơt. Ờ mìng cau lòt jơng git bơta bòl glar bơh tiah gah gùng gơtìp sơ gràm ai, bal mờ cau mai\ rơndeh dờng, rơndeh mai\ kung ờ suk ngan tềng đap bơta geh ngan do tài bơh ờ gơtùi sền gùng lòt, mờ gơlik geh uă dơ\ rềs àr gùng lòt nisơna.

Dùl tàm ală tiah tàm [òn dờng Kontum là bơta sơ gàm ai tiah gah gùng, geh tu\ là tàm gùng dờng nàng tac phan neh gơlik geh bơh jo\ nam do, hơ\ là ală gơl gùng gùt dar anih tờm kă bro tàm hơ\ geh Lê Hồng Phong, Trần Hưng Đạo, Hoàng Văn Thụ mờ Ngô Quyền. Tàm do bơh iar, ơda, biap, ka… ndrờm geh ràng tàm gùng. Mpồl lơh broă geh gơnoar sơnah [òn Quyết Thắng kung neh pờ tơlik tàm loa, bơyai lơh lòt tơngkah uă dơ\ mơya kung gam gơlik geh bè ờs. Ồng Lê Ngọc Danh, atbồ mpồl sền gròi ờ do ờ dă tiah drà sơnah [òn Quyết Thắng yal: tup tus piang sàu àu soh cau lơh broă dê, ngan là cau rơbah kis mờ broă tac phan kềng gah gùng, gơ lơh nđàc mờ kal ke ngan: “ Sơnah [òn mờ [òn dờng neh jàu kơnòl bol a` in atbồ bè bơta ngap lơngai ờ do ờ dă gùng lòt tiah drà. Bol a` geh uă kal ke tu\ tàm tup mờ rai kis làng bol dê. Bol a` kung neh dan mờ ală kuang đơng lam bồ sơnah [òn mờ [òn dờng nàng tơmut tàm gùng geh rơndap tap sèng, dong làng bol kă bro jòi kis.”

Mùl màl, uă ngan khà cau sơgràm ai tiah gah gùng nàng tac phan ndrờm git broă lơh tìs kơrnuat boh lam he dê. Mơya tài kơrnuat lơh glài ờ hềt krà` den tàng ờ uă cau kung gam sền ờ sơp kơrnuat boh lam. Bal mờ hơ\ kung geh cau tài rài kis, git là lơh tìs mơya kung gam kờ` ai gah gùng nàng tac phan. Bi ùr Phan Thị Bích Ngân, 1 nă cau tac phan ai sơgràm gah gùng pà git: “ Tac phan tàm do bơh lài kung neh 2 nam. Bol a` là cau rơbah dilah ờ ai gah gùng nàng tac phan den ờ git lơh broă lơi nàng jòi kis, den tàng dan sơnah [òn ai bol a` in tac phan nàng cau rơbah in jòi kis.”

Jat jơnau cih tàm bơnah 3, bơta 8 adat gùng lòt ù gờl nam 2008. Ală broă lơh gơtìp ờ ai là ngui gah gùng tìs mờ kơrnuat boh lam. Ală broă lơh tìs gơtìp lơh glài mờ priă jat jơnau cih tàm bơta 12 kơrnuat sồ 171 tơlik ngai 13/11/2013 bè lơh glài mờ priă tàm gah gùng lòt ù gờl mờ gùng rơndeh ồs.

Bulah bè hơ\, bơh ngan ngồn broă sơgràm ai tiah gah gùng nàng tac phan tàm [òn dờng Kontum, bơh jơnau đơs uă cau dê mờ bơh să tờm ală cau sơgràm gah gùng ai go\, kờ` tơn jơh bơta do, gơnoar atbồ bal mờ gah lơh broă geh gơnoar tàm [òn lơgar pal tam cah tơl mpồl cau lơh tìs. Gơwèt mờ cau sơgràm ai gah gùng là cau rơbah, ngan ngồn kờ` geh anih tac phan nàng jòi kis den anih lơh broă geh gơnoar geh dong kờl nàng làng bol geh tiah kă bro kơljap mờ di jat kơrnuat boh lam. Gơwèt mờ ală cau git mơya gam kờ` lơh tìs den pal lơh glài krà` kờ` bơsong bơta ờ do ờ dă gùng lòt mờ ring niam tiah drà. Gơnoar atbồ mờ gah lơh broă geh gơnoar tàm [òn lơgar kung pal tam cah mùl màl tơl bơta gah gùng nàng geh rơndap broă ngui dipal. Pơn yơu mờ gah gùng ơnàng, bơdìh mờ broă lời cau lòt jơng in gơtùi ai ngui dùl bơnah tàm ờ uă broă ndai, mơya pal tàm khà gơtùi sền gròi mờ ringbal mờ bơta geh ngan [òn lơgar dê. Bal mờ hơ\, broă lơh glài nàng tơnguh git wă lơh jat kơrnuat boh lam bơh làng bol dê, anih lơh broă geh gơnoar pal geh uă broă mblàng yal, lam sồr geh cồng nha kờ` lơh geh bơta tam gơl niam tàm git wă làng bol dê.

        Cau cih mờ yal tơnggit K’ Duẩn.