VOV4.K’ho– Càr Kontum tu\ do geh 234 hìu tru\ gơm phan sa bal, tàm hơ\ uă ngan là hìu tru\ gơm phan sa bal tàm ală hìu bơsram. Lòt sền bơh gah lơh broă geh gơnoar càr dê pà go\ gam uă ngan hìu tru\ gơm phan sa bal ờ hềt lơh geh tơl ală bơta bè ờdo ờdă phan sa. Geh tus 94 hìu tru\ gơm phan sa bal ờ hềt lơh geh ală bơta bè ờdo ờdă phan sa, uă ngan là: cau atbồ hìu tru\ gơm phan sa ờ hềt geh kham sơm kòp, ờ hềt dờp sền jơnau gi\t wa\ bè ờdo ờdă phan sa; tiah tru\ gơm, cơldu\ tam pà phan sa, cơldu\ sa ờ hềt geh lơh kloh niam; hìu tru\ gơm phan sa bal ờ hềt lơh jat di bơta pal jat dùl gah; ờ hềt sền dà, ờ hềt geh ală anih lơh dà ràu tê lài mờ tơnơ\ tu\ sa; ờ hềt sền sơ wì phan sa 3 bơnah; ờ hềt ơn prăp wơl phan sa. Ală hìu tru\ gơm phan sa bal tàm càr kung tìp kal ke tàm broă gròi sền anih lơh gơlik phan sa blơi nàng tru\ gơm, lơh jơnau digơlan gơtìp khih phan sa là uă ngan.

Cau cih mờ yal tơngi\t- Lơ Mu K’ Yến