VOV4.K’ho - Tơnơ\ 11 nam ờ geh dờp cau gơbàn kòp, nhai 10 pa do, kòp bạch hầu gơbàn wơl tàm càr Kon Tum lơh 2 nă cau gơbàn chơ\t mờ 1 nă cau ndai gơbàn jroă. Tus nhai 11, pơn jăt tai geh 10 nă cau tus piam kòp tàm hìu sơnơm, tàm hơ\ geh 7 nă cau geh sền go\ kòp mờ vi khuẩn bạch hầu. broă kòp bạch hầu gơbàn wơl, lơh gơtòp tàm mpồl bơtiàn mờ mùl màl broă sơm kòp bơh cau kòp tàm hìu sơnơm pà go\, neh geh broă lơh ờ nền nòn bơh gah lơh sơnơm tàm tiah do dê mờ bơta kòp ngòt rơngơ\t do.

Tơnơ\ rơlao 5 nhai go\ cau gơbàn kòp sơnrờp ngan, kờp tus ngai 21 nhai 11, gah lơh sơnơm càr Kon Tum neh dờp geh tàm pe kơnhoàl Đăk Hà, Đăk Tô và Tu Mơ Rông geh tus 6 tiah gơbàn kòp bạch hầu.

Ờ mìng gơtòp tàm [òn ơm kis, dùl tiah kòp bạch hầu geh go\ tàm hìu bơsram Dân tộc nội trú kơnhoàl Đăk Tô. Nggùl nhai 11 lài do, 4 nă kơnòm bơsram tàm hìu bơsram do neh geh cèng tus sơm kòp tàm Khoa Y học nhiệt đới, hìu sơnơm càr Kon Tum ndrờm go\ cồng nha sền mhàm gơbàn geh vi khuẩn bạch hầu.

Bác sĩ A Nhôm, Phó kuang atbồ hìu sơnơm kơnhoàl Đăk Tô đơs, tơnơ\ mờ tu\ kòp bạch hầu gơtòp uă tàm nhai 10, gah lơh sơnơm càr Kon Tum neh lơh uă broă kờ` sơndră, kơrian kòp gơtòp, mơya kòp bạch hầu tàm càr do gam pơn jăt tai gơbàn kal ke:

-Tiah gơbàn kòp bạch hầu gơbàn kal ke. Tiah lài ngan tàm [òn Tê Peng, xã Đăk Trăm. Tơnơ\ mờ hơ\ 1 tơngai den gơbàn tàm xã Kon Đào. Geh 04 nă cau gơbàn go\ mờ kòp bạch hầu là tàm xã Văn Lem, Pô Kô mờ 1 [òn làng bol kòn cau là Đăk Rao.

Tàm tu\ gah lơh sơnơm càr Kon Tum ờ hềt jai sền gròi kòp bạch hầu gơtòp hờ bơdìh mpồl bơtiàn den tàm Khoa Y học Nhiệt đới, hìu sơnơm càr Kon Tum, broă sơm kòp ai ală cau kòp gam tìp uă kal ke. Jăt broă ai lơh bơh Khoa do dê mìng geh 20 nơm jơnờng piam kòp, mơya mùl màl khà cau kòp sùm uă rơlao nggùl dơ\ geh tu\ là uă rơlao 2 dơ\.

Tài khà cau kòp gal, phan bơna ờ tơl, broă tam cah is ală cau kòp gơbàn kòp bạch hầu geh lơh ờ nền nòn, broă tam cah cau kòp ờ geh lơh jơh. Bơdìh hơ\ tai, ală cau gơbàn kòp bạch hầu mìng geh sơm mờ sơnơm kháng sinh, c^t srồm kờ` tơnguh bơta pràn să jan. Bác sĩ Ngô Đây, Kuang atbồ Khoa Y học Nhiệt đới, hìu sơnơm càr Kon Tum pà g^t, hìu sơnơm ờ geh bơta sơnơm kuơ màng ndai kờ` sơm cau kòp gơbàn kòp bạch hầu:

-Di ngan dă den pal geh sơnơm sơndră mờ khih là sơnơm lài ngan kờ` sơm kòp bạch hầu. Mơya tàm hìu sơnơm càr Kon Tum kung bè uă tiah tàm gùt lơgar he tu\ do sơnơm hơ\ ờ geh, den tàng broă do là 1 bơta kơrian, 1 kal ke tàm broă sơm kòp. Tài bơta moăt là ờ geh sơnơm lơi gơtùi ơla. Bol a` mìng sơm kòp mờ sơnơm kháng sinh, c^t srồm kờ` tơnguh bơta pràn să jan cau kòp in. sơm ală bơta gơbàn di lah geh.

Tơnơ\ mờ tu\ càr Kon Tum geh cau gơbàn kòp bạch hầu sơnrờp ngan mờ gơbàn chơ\t tàm nhai 5, Sở Y tế càr Kon Tum neh geh sră nggal pơyoa tus Bộ Y tế. Tus ngai 11 nhai 10 nam 2018, đah atbồ sơnơm hơ\ sồng geh sră nggal hơ, neh jào ai Công ty sơnơm vaccine sinh phẩm Đức Minh blơi huyết thanh sơndră mờ kòp bạch hầu bơh lơgar bơdìh mờ khà 100 ding, tàm hơ\ càr Kon Tum 40 ding.

Jăt bác sĩ Đào Duy Khánh, Kuang atbồ Sở Y tế càr Kon Tum yal, geh jơnau yal khà huyết thanh sơndră mờ kòp bạch hầu tu\ do neh blơi tus tàm lơgar Việt Nam, mơya tài uă bơta, gờ` ngan pal tus bồ nhai 12 tus do hơ\ sồng gah lơh sơnơm càr do geh huyết thanh sơm kòp cau kòp in.

Bè hơ\, mờ broă ờ hềt sền gròi geh kòp bạch hầu gơtòp hờ bơdìh mpồl bơtiàn, ờ hềt geh sơnơm sơm bời kòp cau kòp in, di gơlan neh gơbàn geh broă lơh ờ nền nòn bơh gah lơh sơnơm càr Kon Tum dê tàm broă kơrian, sơm kòp bơta kòp di gơlan lơh chơ\t uă mờ uă bơta gơbàn ngòt rơngơ\t do.

Cau mblàng Ndong Brawl