VOVO4.K’ho – Mờ broă lơh niam ai cau lơh broă tìs bơh Đảng, dà lơgar dê bal mờ nùs nhơm niam bơh ală kuang bàng, cau atbồ hìu jàm Dak Plao, tàm càr Daknông, di Tổng cục 8, Bộ kuang àng, neh dong ală cau tìs geh tu\ nàng git tam gơl broă lơh tìs, lơh ngan lơh jat kơrnuat lơh glài kup jàm nàng gơtùi tam gơl pa wơl rài kis:

Pơgap mờ do 3 nam, tu\ pa tòm 18 sơnam, cau jàm Nguyễn Trung Cương, ơm tàm sơnah [òn Nghĩa Đức, thị xã Gia  Nghĩa, càr Daknông mut tàm hìu jàm Dak Plao tài tìs gơ sơt cau mờ tơngai ơm jàm 13 nam.

Tu\ gam là kơnòm bơsram, mờ cồng nha bơsram jak, gơ lòng sồr, Cương geh gơp bơyô mờ cau tàm [òn lơgar sền ngềr mờ kờ` ngan. Tus 18 sơnam, ờ hềt thàn gơs pơgru bơto môn Văn jat bơta kơp kờ` den neh gơbàn tìs gơ sơt cau tàm dùl dơ\ `ô ơlak mờ ală bơyô. Ală ngai, nhai ơm tàm hìu jàm, kơlôi wờl să is, neh geh tu\, Cương cih sră dan să hìu nhă cau gơtìp Cương gơ sơt. Pah tu\ mè bèp kra tus còp, pơn dờm, cau jàm Nguyễn Trung Cương sơlơ wờl să rlau: “Dùl hìu nhă neh roh dùl nă cau mờ tàm tu\ hơ\, he kung gam kis nàng lơh jat kơrnuat lơh glài, cau gơtìp aniai neh ờ gam tai, den tàng a` kung ờ huan kơ lôi tus kơrnuat lơh glài. Bal mờ hơ\, tàm hìu jàm do, cau sền gròi hìu jàm mờ kuang bàng kung jơh nùs dong kờl, ờ kơ lôi sơ nơng bơta lơi. Kơrnuat lơh glài là 13 nam jàm, pah nhai mè bèp kra tus còp den tàng a` go\ sơn đàc ngan, mơya kung pal kong, mờ lơh jat lơh jat niam kơrnuat lơh glài nàng tơ nơ\ do geh lik bơh hìu jàm gam dong kờl hìu nhă.”

Krơi mờ Cương, cau jàm Trần Văn An lài do là dùl nă cau jà` ngan mờ uă tềl rùp sềr tàm să, tìs kă bro mờ prap ơn ma tuý den tàng gơtìp lơh glài 5 nam jàm. Ală ngai sơn rờp mut tàm hìu jàm Dak Plao, An sùm gơbàn ală dơ\ ngir ma tuý lơh aniai. Ma tuý neh lơh să jan cau jàm do mìng gam kơltau mờ ntìng. Geh bơta dong kờl jơh nùs bơh ală kuang bàng, cau lơh broă sền gròi hìu jàm dê, bal mờ bơta lơh ngan bơh să tờm dê, An neh gơtùi tơn jơh ngir ma tuý. Kơnờm lơh jat niam kơrnuat lơh glài, den tàng cau jàm Trần Văn An geh sang glài jàm, lik bơh hìu jàm lài mờ tơngai gơtìp lơh glài 2 nam. Mìng gam 4 nhai tai là geh rê wơl mờ hìu nhă, [òn lơgar, An go\, hìu jàm neh bơ to bơtê he gơs dùl nă cau niam: “Ală ngai sơn rờp a` sơnơng là he neh lơh roh rài kis tàm mpồl bơtiàn. Mut tàm do den mìng kơp kờ` lơh bè lơi nàng lơh jat niam, nàng mhar geh rê mờ hìu nhă, [òn lơgar. Cau mờ a` ưn ngài uă ngan rlau jơh là cau sền gròi hìu jàm mờ mpồl kuang bàng, tu\ a` mut tàm do den a` ờ hềt git dùl êt lơi bè adat boh lam, tu\  mut tàm do gam geh bơsram tai broă lơh, bè lài do den a` ờ git siat so\. Kung ưn ngài ngan, ưn ngài tus mpồl kuang bàng sền gròi hìu jàm neh bơ to bơtê a` gơs dùl nă cau niam nàng lơh ngan lơh pa wơl rài kis.”

Ală y bác sĩ kham kòp cau jàm tàm hìu jàm Dak Plao in

Trung tá Nguyễn Quốc Thanh, Phó kuang atbồ mpồl sền gròi hìu jàm Dak Plao, Tổng cục 8, Bộ kuang àng pà git, bơdĩh mờ broă dong kờl bè nùs nhơm, mpồl gam bơyai lơh ai ală cau jàm in tus bal lơh broă lơh sa, bơ to broă lơh, dong ală cau jàm in go\ bơta kuơ ngan ngồn bơh lơh broă dê. Cau jàm ờ mìng geh sền [au\, iat rơ dô, dờp ală jơnau yal tơnggit geh kuơ, mờ gam geh bơsram sră. Kuơ màng, geh ală cau jàm tàm hìu jàm Dak Plao cèng tìs kơn jơ\, gơtìp lơh glài ơm jàm tus chơt halà nđờ jơt nam jàm. Mpồl cau do sùm geh nùs nhơm ờ kờ` bơta lơi. Trung tá Nguyễn Quốc Thanh pà git, kuang bàng, cau lơh broă tàm mpồl neh pal dờp kơ nòl bè cau tờm mờ hìu nhă, pơn dờm, lam sồr, bơto bơtê khi gơs cau niam: “He bơto bơtê khi nàng khi in go\ bơta kuơ bơh lơh broă song dơpă, lơh gơlik phan bơna pal glar bòl bè lơi. Dơ\ 2 là dong să tờm cau jàm geh broă lơh tu\ lơh broă tàm hìu jàm mờ bơ to broă lơh cau jàm in nàng khi bơsram broă lơh, tu\ jơh tơngai lơh jat kơrnuat lơh glài rê wơl mờ rài kis bè ờs khi geh mờng quèng lơh broă mờ geh broă lơh kơ\ kơljap nàng lơh broă song, lơh gơlik priă jền phan bơna nàng ròng să tờm mờ hìu nhă.”

Tàm hìu jàm Dak Plao, mờ git nđờ rbô nă cau jàm, tơl nă cau geh dùl rài kis mờ broă lơh tìs krơi is; mơya tàm khi ndrờm geh bal bơta kơp kờ` lơh wơl cau niam nàng tam gơl wơl rài kis. Kơnờm bơta sền gròi dong kờl bơh kuang bàng, cau lơh broă tàm hìu jàm dê, tơl nă cau jàm ndrờm geh bơta lơh ngan tàm tơngai lơh jat kơrnuat lơh glài. Bal mờ bơta dong kờl bơh Đảng, dà lơgar dê, ală cau neh geh tu\ lơh tìs ngan mhar geh rê wơl mờ hìu nhă, [òn lơgar, sang bơta bàl sìl, pin dờn tam gơl wơl rài kis.

                Cau cih mờ yal tơnggit K’Duẩn